پارتياعا, قازاقستاندىقتاردى بەس ينستيتۋتتىق رەفورمانى جانە «100 ناقتى قادام» ۇلت جوسپارىن جۇزەگە اسىرۋعا جۇمىلدىرۋدى, «نۇرلى جول» باعدارلاماسىنىڭ ورىندالۋىنا باقىلاۋ ورناتۋدى, قوعامدا بىرلىكتى بەكەمدەپ, وڭىرلەرمەن جۇمىستى كۇشەيتۋدى تاپسىردى. مىنە, اتالمىش مىندەتتەر مەن تاپسىرمالار اياسىندا پارتيالىق جۇمىستىڭ نەگىزگى التى باعىتى ايقىندالدى. ولاردىڭ قاتارىندا مەملەكەتتىك باعدارلامالاردىڭ ورىندالۋىنا, مەملەكەتتىك قارجىنىڭ ءتيىمدى جۇمسالۋىنا پارتيالىق باقىلاۋ مەن باعالاۋدىڭ تۇراقتى جۇيەسىن قالىپتاستىرۋ, قوعامدىق قابىلداۋلار جۇمىسىن جولعا قويۋ, بپۇ-نىڭ جۇمىسىن جانداندىرىپ, جۇيەلەۋ, ورتالىق اپپارات پەن وڭىرلەر اراسىندا تىعىز بايلانىس ورناتۋعا نازار اۋدارۋ ايتىلعان. سونىمەن بىرگە, «جاس وتاننىڭ» جۇمىسىن پراكتيكالىق تۇرعىدان جۇرگىزۋگە, ياعني ناقتى ىسكە كوشۋ, پارتيانىڭ پارلامەنتتەگى مۇمكىندىگىن كەڭىنەن پايدالانۋ, پارتيا فراكتسياسى ارقىلى حالىقتىڭ, وڭىردەگى, كوكەيكەستى ماسەلەلەردى شەشەتىن زاڭنامالاردىڭ دەر كەزىندە قابىلدانۋىنا كۇش سالۋ جانە سىبايلاس جەمقورلىققا قارسى يدەولوگيا مەن وسى جۇمىستاردى جەرگىلىكتى جەردەگى پارتيالىق قۇرىلىمداردى تارتا وتىرىپ كۇشەيتۋگە كوڭىل ءبولۋ دە باستى قاعيدانىڭ ءبىرى بولىپ سانالادى.
«نۇر وتاننىڭ» نەگىزگى كۇشى, وڭ قاناتى ونىڭ بپۇ-ى. ونىڭ الەۋەتىن دۇرىس پايدالانىپ, پارتيا بەلسەندىلەرى وڭىرلەردە كەزدەسەتىن كوپتەگەن وزەكتى ماسەلەلەردىڭ دەر كەزىندە شەشىلۋىنە, قاراپايىم حالىقپەن اراداعى بايلانىستى نىعايتۋعا اتسالىسۋى ءتيىس. بۇگىنگى باستى مىندەتىمىز – باستاۋىش پارتيا ۇيىمدارىنىڭ ۇيىمداستىرۋشىلىق جانە ساياسي-تاربيە جۇمىستارىنىڭ پارمەندىلىگىن ارتتىرۋ ارقىلى كوپشىلىكتىڭ سەنىمىنە يە بولۋ. مىنە, وسى مىندەتتەردى جۇزەگە اسىرۋدا اۋداندىق پارتيا فيليالىنا قاراستى 13 باستاۋىش پارتيا ۇيىمى, پارتيا جارعىسىنا سايكەس سايلاۋ وكرۋگتەرى نەگىزىندە قۇرىلىپ, باعىتتى دا باعدارلى جۇمىس جاساۋدا. ولاردىڭ قۇرامىنداعى 118 پارتيا توبىندا 2334 پارتيا مۇشەسى ەسەپتە تۇرادى نەمەسە ەكونوميكالىق بەلسەندىلەردىڭ 11,5 پايىزىن قۇرايدى. پارتيا ۇيىمدارىنىڭ نەگىزگى مىندەتى پارتيا جارعىسىنىڭ تالاپتارىن ورىنداۋ, ءوز قاتارىن نىعايتۋ ارقىلى ەلباسى, پارتيا توراعاسى ن.ءا.نازارباەۆتىڭ «قازاقستان-2050» ستراتەگياسى اياسىندا ەلىمىزدى ۇلى ارماننىڭ اسقارىنا باستايتىن رەفورمالار مەن ۇلت جوسپارىن, پارتيانىڭ باعدارلاماسى مەن ساياسي دوكتريناسىندا بەلگىلەنگەن باستى باعىتتاردى حالىققا جەتكىزۋ, ورىندالۋىن قامتاماسىز ەتۋ. وتكەن 2015 جىلى زايسان اۋداندىق پارتيا فيليالى پارتيا قاتارىنا 135 ادام قابىلدادى. پارتيالىق جارنا تولەمىنىڭ جوسپارى 100 پايىز ورىندالدى.
دەگەنمەن, بۇگىنگى بپۇ الدىنا قويىلىپ وتىرعان تالاپتار دەڭگەيىندە جۇمىستى جولعا قويۋ ءبىرىنشى كەزەكتە باسشىلىقتا جۇرگەن, قوعامدىق جۇمىس سەنىپ تاپسىرىلعان ازاماتتاردىڭ جاۋاپكەرشىلىگىنە بايلانىستا ەكەندىگى بەلگىلى. سوندىقتان, باستاۋىش پارتيا ۇيىمدارىنىڭ جۇمىس پارمەندىلىگىن, ساپاسىن ارتتىرۋ, ءار پارتيا مۇشەسىنىڭ بەدەلىن كوتەرۋ, جەرگىلىكتى جەردەگى بپۇ-نىڭ, ونداعى پارتيا توپتارىنىڭ جەتەكشىلەرىنىڭ, مەملەكەتتىك مەكەمە باسشىلارىنىڭ مىندەتى. بپۇ-نىڭ جەلىسىن ۇدايى جەتىلدىرۋمەن قاتار, ولاردىڭ قىزمەتىن ءاربىر ازاماتتىڭ ومىرىنە وڭ ىقپالىن تيگىزە الاتىنداي ءتيىمدى دەڭگەيدە ۇيىمداستىرۋ باعىتىندا ىزدەنۋىمىز قاجەت. وسى ماقساتتا, «ەڭ ۇزدىك باستاۋىش پارتيا ۇيىمدارى» رەسپۋبليكالىق بايقاۋى وتكىزىلدى. وسى بايقاۋ اياسىندا كونكۋرس ءبىرىنشى كەزەكتە اۋدان, ەكىنشى كەزەكتە وبلىستىق پارتيا فيليالى دەڭگەيىندە بولىپ ءوتتى. اۋدان دەڭگەيىندە وتكەن ىرىكتەۋدە سارىتەرەك, كەڭساي, اينابۇلاق, №13 قالا سايلاۋ وكرۋگتەرىندەگى بپۇ-لار جۇمىسى وڭ باعالاندى. وبلىستىق دەڭگەيدەگى كونكۋرسقا قاتىسقان №13 قالالىق سايلاۋ وكرۋگىنىڭ بپۇ ءتورايىمى ت.ۋالىنوۆا اۋداندىق پەداگوگيكالىق-پسيحولوگيالىق تۇزەۋ كابينەتىنىڭ مەڭگەرۋشىسى, وبلىستىق پارتيا فيليالىنىڭ العىس حاتىنا, باعالى سىيلىعىنا يە بولدى.
پارتيا جۇمىسىنىڭ پارمەندىلىگىن ارتتىرۋدا, پارتيا اتىنان سايلانعان بارلىق دەڭگەيدەگى دەپۋتاتتاردىڭ الەۋەتىن تولىق پايدالانۋ ماسەلەسى دە كۇن تارتىبىندە. ەلباسى, ن.ءا.نازارباەۆتىڭ «ۇلت جوسپارى – قازاقستاندىق ارمانعا باستايتىن جول» ەڭبەگىندە ەلىمىز تاۋەلسىزدىگىنىڭ شيرەك عاسىرىندا العان اسۋلارى, عاسىرعا بەرگىسىز, تەڭدەسى جوق جەتىستىكتەرى, الەم ەلدەرىنىڭ ورتاسىنان ويىپ ءوز ورنىن الۋى, دامىعان ەلدەرمەن يىق تىرەسۋى, ەل بىرلىگى, ونىڭ ءمولدىر باستاۋى حالقىمىزدىڭ «بىرلىك بولماي, تىرلىك بولمايدى» دەگەن اسىل سوزىندە جاتقانى اتاپ كورسەتىلگەن. ەلباسىنىڭ ەڭبەگى, ونىڭ دارالىعىنىڭ, كورەگەن كوشباسشىلىعىنىڭ تاعى ءبىر دالەلى كورسەتىپ وتىر. جاڭا جىلدان ورىندالۋى باستاۋ العان ۇلت جوسپارى ەلىمىزدىڭ الەۋمەتتىك-ەكونوميكالىق جاعدايىن جاقسارتقان ۇستىنە جاقسارتا تۇسەتىنىنە سەنىمدىمىز. بولاشاعىمىزدى ايقىنداپ بەرگەن وسى سەنىمدى بۇقارا حالىققا جەتكىزۋ, ۇيالاتۋ, كوكىرەگى وياۋ ءار قازاقستان ازاماتىنىڭ, «نۇر وتاننىڭ» باستاۋىش پارتيا ۇيىمدارىنىڭ, ءار پارتيا مۇشەسىنىڭ باستى ماقساتى, مۇددەسى بولۋى ءتيىس.
قازبەك بيقاداموۆ,
«نۇر وتان» پارتياسى زايسان اۋداندىق فيليالى توراعاسىنىڭ ءبىرىنشى ورىنباسارى.
شىعىس قازاقستان وبلىسى, زايسان اۋدانى.
