جولداۋدى قولداۋ – ىلگەرىلەۋ كەپىلى

ۇلت جوسپارىندا مەملە­كە­تىمىزدىڭ مايەگى جاتىر. ەلبا­سىنىڭ ماڭگىلىك ەل بولۋ ءۇشىن قانداي مەملەكەتتىك جۇمىستار اتقارىلاتىندىعىن «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» جول­داۋىندا ناقتىلاپ بەردى. «ەگە­مەن قازاقستان» گازەتىندە جاريا­لانعان «ۇلت جوسپارى – قازاق­ستاندىق ارمانعا باستايتىن جول» باعدارلاماسىندا دا وزەكتى مىندەتتەردى تالداپ كورسەتتى. جەرگىلىكتى اكىمدىك مەملەكەتتىك سايا­سات تۇرعىسىنان جۇمىس جاساۋدى ءبىر مەزەتكە دە توقتاتۋىنا بولمايدى. وڭتۇستىك قازاقستان وبلىسىنىڭ اكىمى بەيبىت اتام­قۇلوۆتىڭ ۇيىتقى بولۋىمەن وڭىردە وسى جۇمىس تۇراقتى ءجۇر­گى­زىلىپ كەلەدى. جاقىندا وبلىس اكىمى­نىڭ ءبىرىنشى ورىنباسارى دارحان ساتىبالدىنىڭ باستاۋى­مەن وبلىستىق اقپاراتتىق-ناسي­حات­تىق توپ تۇركىستان جانە كەنتاۋ قالالارىندا جۇرتشىلىقپەن كەزدەستى. القاقوتان جيىندا وبلىس­تىق جۇمىسپەن قامتۋدى ۇيلەس­تىرۋ جانە الەۋمەتتىك باعدار­لا­مالار باسقارماسىنىڭ باسشىسى ءا.تەمىرباەۆا, قارجى باسقار­ماسىنىڭ باسشىسى ك.مەڭدە­باەۆ, ءبىلىم, جاستار ساياساتى جانە تىلدەردى دامىتۋ باسقارماسى باسشى­سىنىڭ ورىنباسارى س.اۋەز­­حانوۆ, دەنساۋلىق ساقتاۋ باس­قار­ماسى باسشىسىنىڭ ورىن­با­سارى ا.ساپارعاليەۆا جول­داۋدى ىسكە اسىرۋ بارىسىندا اتقارىلاتىن جۇمىستاردى بايان­داپ, قالا جۇرتشىلىعى تارا­پى­نان دەنساۋلىق ساقتاۋ, ءبىلىم بەرۋ, جۇمىسپەن قامتۋ سالالارىنا قاتىستى قويىلعان سۇراقتارعا جاۋاپ بەردى. وسىنداي پايدالى جۇزدەسۋلەر وبلىستىڭ باسقا اۋدان, قالا­لارىندا دا جالعاسىپ جاتىر. «ۇلت جوسپارى – قازاقستاندىق ارمانعا باستايتىن جول» ماقالاسىنا بايلانىستى وڭىردەگى زيالى قاۋىم, عالىمدار, اقىن-جازۋشىلار دا ءۇن قوسىپ, ماڭىزىن تۇسىندىرۋدە. سول سياقتى بيزنەستى ىنتالاندىرۋ, تىعىرىقتان شىعارۋ باعى­تىن­دا دا تولىمدى جۇمىستار اتقا­رىلۋدا. «التىن وردا» بيزنەس ورتالى­عىندا كاسىپكەرلىكتى قولداۋ ۇيى­مىنىڭ ۇيىمداستىرۋىمەن فيلوسوفيا عىلىمدارىنىڭ دوكتورى, AlmaU دوتسەنتى, لانكاستەر ۋنيۆەرسيتەتى مەنەدجمەنت مەك­تە­بىنىڭ, ەكس-ەن-پروۆانسا ۋنيۆەر­سيتەتىنىڭ كاسىپورىندى باسقا­رۋ ينستيتۋتىنىڭ تۇلەگى وزات باي­سەر­كەەۆتىڭ قاتىسۋىمەن «داع­دارىس كەزىندەگى بيزنەستى قول­داۋ» تاقىرىبىندا ءباسپاسوز ءماس­لي­حاتى ءوتتى. الەمدەگى داعدارىس جاعداي­ىن­دا ەلدىڭ بەلسەندىلىگى, ارەكەتى ابدەن كەرەك. اسىرەسە, ەل ەكونوميكا­سىن لوكوموتيۆشە سۇيرەيتىن شاعىن جانە ورتا كاسىپ يەلەرىن جان-جاقتى قولداۋ قاجەت. ءباسپاسوز ءماسليحاتىندا وسىعان كوبىرەك ورىن ءبولىندى. جولداۋ – ستراتەگيالىق قۇجات. ونداعى مىندەتتەردى جۇزەگە اسىرۋ مەملەكەتىمىزدىڭ كوكجيەگىن كەڭەيتەدى, بولاشاعىن نۇرلى ەتەدى. اقپاراتتىق-ناسيحاتتىق توپتىڭ ماقساتى وسى. باقتيار تايجان, «ەگەمەن قازاقستان». وڭتۇستىك قازاقستان وبلىسى.