ەلباسىنىڭ باسشىلىعىمەن قازاقستاندا جۇزەگە اسىرىلىپ جاتقان ستراتەگيالىق باستامالار مەن رەفورمالار ەلىمىزدىڭ الەۋمەتتىك جانە ەكونوميكالىق ينستيتۋتتارىن دامىتۋعا باعىتتالعاندىعى بەلگىلى. مەملەكەت باسشىسىنىڭ قازاقستان حالقىنا جولداۋىندا داعدارىسقا قارسى ءۇش نەگىزگى ۇعىم – ءوسىم, رەفورمالار, دامۋ اتاپ ءوتىلدى. ءبىز بيىلعى جاھاندىق داعدارىستى «نۇرلى جول» ينفراقۇرىلىمدىق باعدارلاماسى مەن بەس ينستيتۋتتىق رەفورمالاردى جۇزەگە اسىراتىن «100 ناقتى قادام» ۇلت جوسپارىمەن قارسى الدىق.
«قازاقستان تەمىر جولى» ۇلتتىق كومپانياسى» اكتسيونەرلىك قوعامى مەملەكەت ستراتەگياسىن دامىتۋعا بەلسەندى اتسالىسادى. ءبىز قازاقستاننىڭ ترانزيتتىك الەۋەتىن جۇزەگە اسىرۋ ماقساتىندا تەمىرجول ماشينا قۇراستىرۋ سالاسىن جاسادىق. ونىڭ نەگىزىندە ءىرى ينفراقۇرىلىمدىق جانە لوگيستيكالىق جوبالار جۇزەگە اسۋدا. اعىمداعى جاعدايعا بايلانىستى قازاقستاندىق تاۋارلارعا سۇرانىس تومەندەگەندىكتەن, كومپانيا بيزنەسىن مۋلتيمودالدى ءترانزيتتى تاسىمال ارقىلى ءوسىرىپ وتىر.
2015 جىلدىڭ قورىتىندىسى بويىنشا جالپى تاسىمال كولەمى قىسقارعانمەن, قىتاي–ەۋروپا–قىتاي باعدارىنداعى كونتەينەر تاسىمالىنىڭ كورسەتكىشى ءبىرشاما ۇلعايعان. بۇل سوڭعى بەس جىلدا مۋلتيمودالدى ءترانزيتتى تاسىمالداۋدى دامىتۋدىڭ ءتيىمدى ستراتەگياسىن جۇزەگە اسىرۋداعى قارقىندى جۇمىستىڭ ناتيجەسى.
الەمدىك نارىققا كولىك-لوگيستيكا قىزمەتتەرىن شىعارۋ ماقساتىندا كومپانيا تۇتىنۋشىلاردىڭ قاجەتتىلىگىن مەيلىنشە قاناعاتتاندىراتىن ءونىمدەردى اۋدانداستىرىپ, ءىرى ينفراقۇرىلىمدىق جوبالارىن جۇزەگە اسىرۋ جولىندا ۇلكەن جۇمىستار اتقاردى. 2015 جىلى دامۋ ستراتەگياسىن جۇزەگە اسىرۋ اياسىندا باسقارۋ جۇيەسىن ترانسفورماتسيالاۋ بويىنشا «دياگنوستيكا جانە ديزاين» – 1-كەزەڭىن اياقتادىق. بۇل كەزەڭدە ءبىزدىڭ كوماندا كومپانيا تاريحىندا بۇرىن-سوڭدى بولماعان جۇمىستاردى اتقاردى.
العاش رەت بارلىق جوعارى دەڭگەيلى ۇدەرىستەرگە تولىق سيپاتتاما جاسالدى. قىزمەت تيىمدىلىگى مەن كورپوراتيۆتىك فۋنكتسيالاردى باسقارۋعا نەگىزدەلگەن بىرەگەي مودەل شەڭبەرىندەگى بيزنەس-ۇدەرىستەردىڭ ىقپالداسۋى مەن كوديفيكاتسياسى بيزنەس-ارحيتەكتۋرانى قالىپتاستىرۋعا مۇمكىندىك بەردى. «قازاقستان تەمىر جولى» ۇك» اق-تا العاش ۇيىمداستىرىلعان بيزنەس ۇدەرىستەردى كەشەندى ينتەگرالدى مودەلدەۋ ۇدەرىستەردىڭ ءۇزىلۋىن انىقتاپ, جويۋعا مۇمكىندىك بەردى. سونداي-اق, ارتىقشىلىقتار مەن قاراما-قايشىلىقتاردى رەتتەۋگە, اكتيۆتەردى باسقارۋ مەن ساتۋ توڭىرەگىندەگى ۇدەرىستەردى رەتتەۋگە جول اشتى.
بۇدان باسقا, الەۋەتتىڭ ينتەگراتسيالاۋشى ۇزاق مەرزىمدى قارجى مودەلى اياسىندا كومپانيانىڭ دامۋ ستراتەگياسى بەلسەندىرىلدى. قىزمەت تيىمدىلىگىن ارتتىرۋداعى ستراتەگيالىق ماقساتتاردى ەسكەرە وتىرىپ باسقارۋدى ۇيلەستىرۋدىڭ ءارتۇرلى دەڭگەيلەرىن قامتاماسىز ەتۋگە ارنالعان قىزمەتتىڭ نەگىزگى كورسەتكىشتەرى (قنك) جاسالدى. بۇل ءۇشىن «قازاقستان تەمىر جولى» ۇك» اق قىزمەتىنىڭ پايدالانۋ جانە قارجىلىق كورسەتكىشتەرىن جۇيەلەپ, جيناۋ جۇمىستارى جۇرگىزىلدى. ءبىرىڭعاي قۇرىلىم كورسەتكىشى ءتىزىلىپ, بايلانىستار انىقتالدى.
قنك كومپانيا قۇنىن جۇيەلەۋدە:
- كورسەتكىشتەردىڭ ءمانىن جوسپارلاۋعا;
- تيىمدىلىكتى ارتتىرىپ, ءىشكى قورلار مەن مۇمكىندىكتەردى انىقتاۋ ماقساتىندا ناتيجەنى جەتەكشى الەمدىك تاجىريبەلەرمەن سالىستىرۋعا;
- ىنتالاندىرىپ, ماقساتتار قويۋعا مۇمكىندىك بەرەدى.
