جاستار تاربيەسى جاڭاشا سيپات الادى

كەشە استانا قالالىق اكىمدىگىندە «قازاقستان-2050» ستراتەگياسىن ىسكە اسىرۋ بارىسىندا جاستاردى رۋحاني-ادام­گەر­شىلىككە جانە پاتريوتيزمگە تاربيەلەۋ ماسەلەلەرى جونىندە جيىن ءوتتى. وعان قازاقستان حالقى اسسامبلەياسىنىڭ مۇشەلەرى, ەتنومادەني بىرلەستىك وكىلدەرى, جوعارى وقۋ ورىندارىنىڭ پرورەكتورلارى جانە ستۋدەنت جاستار قاتىستى. استانا قالالىق قازاقستان حالقى اسسامبلەياسىنىڭ حاتشى­لىعى مەن قالالىق اكىمدىك جانىن­داعى «قوعامدىق كەلىسىم» كوممۋ­نالدىق مەملەكەتتىك مەكەمەسى ۇيىمداستىرعان باسقوسۋعا قاتى­سۋشىلار «100 ناقتى قادام» ۇلت جوسپارىن ىسكە اسىرۋداعى جاس­تاردىڭ الەۋەتى, ءدىني ەكسترەميزم­گە قارسى ارەكەت جاساۋداعى جاس­تار ۇيىمدارىنىڭ ءرولى, وتباسى­لىق, ۇلتتىق داستۇرلەردىڭ ماڭى­زى سىندى ماسەلەلەردى تالقى­لادى. سونداي-اق, ولار جاس جەت­كىنشەكتەردى رۋحاني-ادامگەر­شىلىككە تاربيەلەيتىن نەگىزگى قۇرال – ۇرپاقتار ساباقتاستىعى جايىندا ءسوز قوزعادى. استانا قالالىق قازاقستان حالقى اسسامبلەياسى حاتشى­ل­ى­­عىنىڭ مەڭگەرۋشىسى ءلاززات قۇ­سايى­­نوۆانىڭ ايتۋىنشا, مەملە­كەت­تىڭ دامۋىندا جاستاردىڭ ءرولى ەرەك­شە. «سوندىقتان ەرتەڭ ەلدىڭ تۇتقاسىن ۇستايتىن جاستار­دىڭ تاربيەسىنە بۇگىن جاۋاپكەر­شى­لىكپەن قاراۋىمىز كەرەك», – دەيدى ل.قۇسايىنوۆا. ءوز كەزەگىندە «الەم ايەلدەرىنىڭ دوستىق ورتالىعى» قوعامدىق ءبىر­لەستىگىنىڭ ءتورايىمى ياننات نيزا­مۋتدينوۆا تاريحىن, ءتىلىن, ءدىلىن بىلەتىن, ونى قۇرمەتتەيتىن ادامنىڭ ەشقاشان اداسپايتىنىن ايتىپ, جاستار تاربيەسىندەگى وتباسىلىق جانە ۇلتتىق قۇندىلىقتاردىڭ ماڭى­زىنا كەڭىنەن توقتالدى. ال «قازاليانس» قوعامدىق ءبىر­لەستىگىنىڭ اتقارۋشى ديرەكتورى گۇلميرا ەسكەندىر «100 ناقتى قادام» ۇلت جوسپارىن ىسكە اسىرۋدا ماقسات-مۇراتىن ايقىنداعان جاستارعا دا تەڭ مۇمكىندىك بەرىل­گەنىن تىلگە تيەك ەتتى. سونىمەن قاتار, ءىس-شارا بارىسىندا جاستاردىڭ وزدىگىنەن ءبىلىم الۋى نازارعا الىنىپ, وسى باعىت­تاعى جۇمىستاردى كۇشەيتۋ كەرەكتىگى ءسوز بولدى. جيىن سوڭىندا قاتى­سۋشىلار بارلىق باياندامالار مەن ايتىلعان پىكىرلەردىڭ نەگى­زىندە استانا قالاسىنداعى ەتنو­مادەني بىرلەستىكتەرگە, قحا-نىڭ عى­لىمي-ساراپتاما توبىنا, انا­لار كەڭەسىنە, قوعامدىق كەلى­سىم كەڭەسىنە جانە بۇقارالىق اق­پا­رات قۇرالدارىنا ارنالعان ۇسىنىس­تارىن جاريالادى. وندا مەملە­كەتتىك باعدارلامالاردى جۇزەگە اسىرۋدا جاستاردىڭ الەۋە­تىن ءتيىمدى پايدالانۋ, جاستار ۇيىم­دارى ارقىلى ەتنيكاارالىق قاتى­ناس­تاردى نىعايتۋ, جاس عالىم­دار­دىڭ مۇمكىندىكتەرىن ەلدىڭ يگىلى­گىنە جاراتۋ سياقتى تەتىكتەر قاراستىرىلعان. ەلامان قوڭىر, «ەگەمەن قازاقستان».