ولىمنەن كەيىن ءومىر بار

اقش عالىمدارى وسىنداي ناقتى شەشىمگە كەلدى امەريكاداعى سولتۇستىك كارولينا ۋنيۆەرسيتەتىنىڭ پروفەسسورى روبەرت لانتس ءولىم دەگەن نارسەنىڭ تابيعاتتا جوق ەكەنىنە ۇيىپ وتىر. ول ادام بۇل دۇنيەدەن كەتىپ, باقيلىق بولعانىمەن, ونىڭ ءومىرى توق­تاپ قالمايتىنىن, تەك باسقا پاراللەل الەمگە كەتىپ قالا­تىنىن العا تارتادى. «ادام, ءدىن ويلاپ تاپقانداي, جۇ­ماققا نەمەسە توزاققا ەمەس, تاپ وسىلاي پاراللەل دۇنيەگە كەتەدى», – دەدى لانتس. وزەكتى جان ولگەننەن كەيىن وسىندا, انا جاققا كەتىپ بارا جاتىپ «قايتا تىرىلەدى». وقىمىستىنىڭ پىكىرىنشە, ادامنىڭ ءومىرى وسىمدىكتىڭ تىرشىلىك ەتۋىنە ۇقساس كەلەدى. ول دا وسكىن سەكىلدى الدىمەن سولىپ قالا­دى, ارتىنان قايتا كوكتەيدى. بۇدان تۋىندايتىن قورىتىندى بىرەۋ: ءولىم دەگەن حيكايانىڭ سوڭى ەمەس, ول – سانا تىرشىلىك ەتۋىنىڭ جالعاسى. ايتقانداي, عالىمدار ءبىزدىڭ سانا-سەزىمىمىزدىڭ ءتىپتى دە, ادام ميىنىڭ جەمىسى ەمەس ەكەنىن دە دالەلدەپ شىقتى. ولار بۇعان ويلاۋدىڭ وسىناۋ اسا ماڭىزدى ورگانى جوق ادامدار دا بار ەكەنىن, بىراق ولاردىڭ سوعان قاراماستان, كەرەمەت تىرشىلىك ەتىپ جۇرگەندەرىن ايعاق ەتەدى. پروفەسسور روبەرت لانتس بولسا, ءوزىنىڭ تەو­رياسىن بيوتسەنتريزم كوز­قاراسى تۇرعى­سىنان دالەلدەيدى. بىلايشا ايتقاندا, ول الەمنىڭ كۇللى ءدىنىنىڭ ءتىنى – ادام جانىنىڭ ولمەيتىنى تۋرالى قاعيداتتىڭ اقيقات ەكە­نىنە توقتالادى. بۇدان بۇرىن وسىنداي پاراللەل الەم بار ەكەنى, ولگەننەن كەيىن ءبىزدىڭ سانامىزدىڭ سولاي قاراي كوشەتىنى تۋرالى ءىلىمدى قۇراما شتاتتارداعى كا­لي­­­فورنيا ۋنيۆەرسيتەتىنىڭ عالىمدارى ۇسىنىپ ەدى. ولاردىڭ تەورياسىنا سايكەس, بىرقاتار الەمدە دينوزاۆرلار ءالى دە ەرسىلى-قارسىلى شاپقىلاپ ءجۇر, امەريكانى ەۋروپالىقتار وتارلاعان جوق, ال كسرو كۇنى بۇگىنگە دەيىن تاراي قويماعان... ايتقانداي, شوتلاندياداعى لوح-نەسس كولىنىڭ قۇبىجىقتارى, تەڭىز جىلان­دارى, جابايى ادامدار – يەتي مەن رۋسالكالار سول قاتار جاتقان «دۇنيەنىڭ» جارق ەتىپ ءبىر كورىنەتىن بەينەلەرى ەمەس پە ەكەن؟! ال امەريكا زەرتتەۋشىلەرى ميكروچاستيتسالاردىڭ ەكى نەمەسە ودان دا كوپ الەمدە ءبىر تۇستا قاتار ءومىر ءسۇ­رە بەرەتىندەرىن, دەمەك, ولاردىڭ ءبىر ۋا­قىتتا ەكى نەمەسە ودان دا كوپ جەرلەردەن كورىنەتىندەرى جونىندەگى پوستۋلاتتان تۋىنداعان تۇجىرىمعا كەلىپ وتىر. مۇرات ايتقوجا.