اقتاۋداعى ماس ادامنىڭ ءمۇسىنى

تالاي جۇرتتىڭ نازارىن اۋدارا باستادى اقتاۋدا جۇرتتىڭ نازارىن وزىنە اۋداراتىن ەرەكشە «ەسكەرتكىشتەر» جەتكىلىكتى. ولاردىڭ دەنى تۇنگى كلۋبتار مەن كوڭىل-كوتەرۋ ورتالىقتارىنىڭ ماڭىنا ورنالاسقان. قالاداعى تەڭىز جاعالاۋىندا ورنا­لاسقان تۇنگى كلۋبتاردىڭ ءبىرىنىڭ الدىندا ىشىمدىك قۇتىسىن ۇستاپ, شاتقاياقتاپ تۇرعان ماس ەر ادامنىڭ سۇلباسى پايدا بولدى. بۇل كلۋبقا كەلۋشىلەرگە «ىشىمدىكتى شامادان تىس قولدانعان جاعدايدا ءسىز دە سىرت كوزگە, ورتاعا ىڭعاي­سىز قالىپتا كو­رىنەسىز» دەگەندى يشارا ەتۋ ءۇشىن قويىلىپتى. ىشىمدىك ىشۋگە قاتىستى ەسكەرتپەنى ەسكەرتكىش ارقىلى جەتكىزبەك بولعان­داردىڭ يدەياسىن اقتاۋداعى تاعى ءبىر كوڭىل-كوتەرۋ ورتالىعى تولىقتىرا تۇسەدى. ولار دا توردىڭ ىشىنە ادام قاڭ­قاسىن قويۋ ارقىلى ءوز ويلارىن ارحي­تەكتۋرالىق تىلمەن جەتكىزۋگە تىرىسقان. سونداي-اق, توردىڭ جو­عارى جاعىنا «ول تولەگەن جوق» دە­گەن جازۋ ىلگەن. بۇل جازۋ مەن ار­­حيتەكتۋرالىق قاڭقادان جۇرت كو­ڭىل-كوتەرۋ ورىندارىنا كەلگەن دەمالۋشىلاردىڭ ىشىندە ءتيىستى ءتو­لەمىن تولەمەي كەتەتىندەردىڭ بولاتى­نىن ۇعىنادى. اقتاۋداعى «ەرەكشە ەسكەرت­كىش­­تەردىڭ» قاتارىن بالالاردىڭ ويىن الاڭدا­رىنداعى كىم نەمەسە نە ەكەنىن انىقتاۋ مۇمكىن ەمەس سۇلبالار دا تولىقتىرا تۇسەدى. الاي­دا, مۇنى بۇدان بىرنەشە جىل­­ بۇرىن اعاشتان جونىپ جا­سالعان بەينەلەردىڭ قازىر ابدەن ەس­­كىرىپ, جاڭبىر مەن جەلدەن جانە با­لالاردىڭ ويىنى اسەرىنەن توزىپ, ءوزى­نىڭ باستاپقى كەيپىن جوعالتۋىمەن ءتۇسىن­دىرۋگە بولادى. گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى.