«ادەليانىڭ» قيارى رەسەيگە دە جەتەدى

شىمكەنتتەن بادام اۋىلىنا باراتىن تاس جولدىڭ وڭ جاق تەپسەڭىندە قازاقستانداعى ەڭ الىپ جىلىجايلاردىڭ ءبىرى بار. «ادەليا» جىلىجايىنا وڭ­تۇستىككە ساپارلارىنىڭ بىرىندە ەلباسىنىڭ ءوزى كەلىپ, اتقارى­لىپ جاتقان جۇمىستارىنا ريزا­شى­لىعىن بىلدىرگەن. وڭتۇستىك كاسىپ­كەرلەرىمەن جۇزدەسىپ, شارۋاشى­لىقتارىنىڭ جاي-جاپسارىمەن تانىسقان. سول «ادەليا» بەس گەكتار اۋماقتا قيار كوشەتىن ەگۋدى باستاپ كەتتى. وسىنشاما اۋماقتى يگەرۋگە مول قارجى قاجەت. ۇكىمەتتىك قول­داۋ ارقىلى «قازاگرو» ۇلتتىق حول­­­دينگىنەن 2 ملرد. 200ملن.-عا جۋىق قارجى العان شارۋاشىلىق الەم­دىك تەحنولوگيانىڭ جەتىس­تىك­تەرىن پايدالانىپ ءونىمدى مول الۋدا. سەرىكتەستىكتىڭ باس اگرونومى دميتري كوۆچەنكو جىلىجايعا قياردىڭ ونىمدىلىگى جوعارى «نەي­مار» سۇرىپتى كوشەتى ەگىلىپ جات­قاندىعىن ايتادى. بيىل قيار, قىزاناقتىڭ باعاسى جوعارى. 600-700 تەڭگەدەن تۇسپەي تۇر. ال سولتۇستىك وبلىستاردا كيلوسى مىڭ­عا دەيىن تارتادى. ياعني, «ادە­ليانىڭ» ۇپايى تۇگەل. جىلىجاي ءىشى كۇندىزگىدەي جارىق. كوگىلدىر وتىن كەلىپ تۇر, قا­لىپتى تەمپەراتۋرا 18 گرادۋس. ەگى­لۋگە دايىندالعان 180 مىڭ ءتۇپ كوشەتكە كەرەكتى مينەرالدىق قوسپالار دايىن. جالپى, وڭتۇستىك قازاقستان وبلىسى مەملەكەتىمىز بوي­ىنشا جىلىجايدىڭ 87 پايىزىن قام­تيدى. وسىنشالىق جىلى­جاي­لار­دىڭ ءونىمى ساتىلماي قالعان ەمەس. كوكونىس پىسەتىن كەزدە الىپ كولىكتەرگە مىنگەن رەسەيلىك كاسىپ­كەر­لەر كوپتەپ كەلەدى. بيىل ديقان­دار شارۋاسىنا قاۋىرت كىرىسىپ جاتىر. رەسەيدىڭ جەمىس-جيدەك, كوكونىس, باۋ-باقشا ونىمدەرىنە دەگەن سۇرانىسىن قامتاماسىز ەتىپ وتىرعان تۇركيا نارىقتان شەتتەتىلدى. جوعارى تەحنولوگيامەن جۇمىس جاسايتىن, ونىمدەرى حالىقارالىق ستاندارتتارعا ساي «ادەليانىڭ» كوكونىستەرىن رەسەي بۇرىن دا الىپ كەلگەن, قازىر بۇرىنعىسىنان دا كوپ الماق. قالاي دەگەندە دە, ديقانداردىڭ ماڭداي تەرى اقتالعالى تۇر. باقتيار تايجان, «ەگەمەن قازاقستان». وڭتۇستىك قازاقستان وبلىسى.