ءبىر جاعادان باس, ءبىر جەڭنەن قول شىعاراتىن كەز

جالپى, بۇل سايلاۋدى وتكىزۋ – ۋاقىت تالابى. ءويت­كەنى, ەلباسىمىز نۇرسۇلتان ءابىش ۇلى نازارباەۆ حالىق­قا الدىمەن ءوزىنىڭ «5 ينس­تي­تۋتتىق رەفورماسىن» انىق­تاپ «100 ناقتى قادام» باعدارلاماسىن جاريالادى. وسىنىڭ بارلىعىن جۇيە­لەپ كەلىپ, ۇستىمىزدەگى جىل­دىڭ باسىندا «ۇلت جوس­پارى – قازاقستاندىق ارمانعا باس­تايتىن جول» اتتى باعدارلامالىق ماقالاسىن ۇسىنىپ, ءبارىن دە تياناقتاپ, كوپشىلىككە تايعا تاڭبا باسقانداي ەتىپ ءتۇسىندىرىپ بەردى. ەندى تەك وسى ۇلكەن دە جاۋاپتى مىندەتتەردى ورىنداۋ عانا قالدى. ول ءۇشىن, ياعني جاڭا تاپسىرما مەن مىندەتتەردى ورىنداۋ ءۇشىن, جاڭا بەلەستەردى يگەرۋ ءۇشىن جاڭاشا كوزقاراستاعى جەتىلگەن ماماندار كەرەك. ولار جاڭا زامانعا لايىق زاڭداردى قابىلداۋى ءتيىس. ول زاڭدار بولاشاق ءىس جۇرگىزۋگە ىڭعايلى بولۋى شارت. مۇنىڭ بارلىعى دا جوعارىدا ايتقان, جاڭا تولقىن مامانداردىڭ بىلىكتىگىنە بايلانىستى. سول سەبەپتەن دە, ءما­جى­لىس پەن جەرگىلىكتى ءماسلي­حات­تاردى قايتا سايلاۋ – دەر كەزىندەگى قولعا الىنعان ءىس شارا دەر ەدىم. قازاقستاننىڭ ەكونوميكاسىن دامىتۋدا, قازاقستان حالقىن ءارى قاراي وركەندەتۋدە مۇنىڭ ءرولى زور. قازىرگى دۇنيەجۇزىلىك داعدارىس ورىن العان كەزەڭدە ءار مەملەكەت تەز ارادا ءارى دەر كەزىندە ءوزىنىڭ ەتەك-جەڭىن جيىپ الىپ جاتىر. قازاقستان حالقىنىڭ ەلباسىنىڭ اينالاسىنا جۇدىرىقتاي جۇمىلۋىن مەن سولاي تۇسىنەمىن. قازاق ايتقانداي, «ءبىر جاعادان باس شىعارىپ, ءبىر جەڭنەن قول شىعاراتىن» كەز تۋدى. مۇرات جۇرىنوۆ, قازاقستان رەسپۋبليكاسى ۇلتتىق عىلىم اكادەمياسىنىڭ پرەزيدەنتى. الماتى.