مەنىڭ ارمانىم

ارمانسىز ادام جوق. مەنىڭ دە كوڭىلىمدە ىزگى تىلەكتەرىم كوپ. مەن ادامداردىڭ ەشكىمدى ۇلتىنا, نانىم-سەنىمىنە بولە جارمايتىن, اشىق اسپان استىندا جەمىستى ەڭبەك ەتۋگە جاعداي جاسالعان, ءاربىر وتباسىندا قۋانىش سالتانات قۇرعان قوعامدا ءومىر سۇرگەنىن قالايمىن. قۋانىشقا وراي, مەنىڭ بۇل نيەتىم ەلباسى ماقالاسىندا اتاپ كورسەتىلگەن قازاقستاندىق ارمانمەن ءساتتى ۇشتاسادى. قازاقستاندىق ارمان! وسىناۋ ەكى اۋىز ءسوزدىڭ استارىندا نەندەي ماعىنا جاتقانىن بۇگىندە ءاربىر وتانداسىمىز, جالپى قوعامىمىز تەرەڭ تۇسىنەدى. شىن مانىندە, ەلباسى نۇرسۇلتان نازارباەۆ ۋاقىت تالابىنا ساي دامۋ ءۇشىن بىرىنشىدەن جاڭا ماقساتتار مەن مىندەتتەر بەلگىلەنۋى كەرەك ەكەنىن باستى نازاردا ۇستاپ كەلەدى. ونسىز ەشقانداي حالىق ىلگەرى جىلجىماسى انىق. وسى ورايدا, بىرىككەن ۇلتتار ۇيىمى دا ءوزىنىڭ مىڭجىلدىق دەكلاراتسياسى تالاپتارىنىڭ ورىندالۋىنا كوڭىل بولۋدە. ال قازاقستان اتالعان مىڭجىلدىق دەكلاراتسياسىندا كورسەتىلگەن ستراتەگيالىق ماقسات-مىندەتتەردى ورىنداۋعا باسىمدىق بەرىپ كەلەدى. بىزدەر, بەسىنشى شا­قى­رى­لىمداعى پارلا­مەنت ءماجىلىسىنىڭ دەپۋ­تاتتارى وسى اۋقىم­دى قۇ­جاتتى جۇزەگە اسىرۋ ءۇشىن قاجەتتى كوپتەگەن زاڭ جوبالارىن قابىلداۋعا بارىنشا كۇش سالدىق. ناتيجەسىندە, بۇل زاڭدار جاڭا 2016 جىلدان ەل يگىلىگىنە جۇمىس ىستەي باس­تادى. ەلباسى نۇرسۇلتان نازارباەۆ ايتقانداي, جاڭادان قابىلدانعان بۇل زاڭدار قازىردەن باستاپ قازاق­ستاننىڭ الەمدىك ستاندارتتارعا ساي جوعارى دەڭگەيدە دامۋىنا ىقپال ەتۋدە. پرەزيدەنتتىڭ «ۇلت جوسپارى – قازاقستاندىق ارمانعا باستايتىن جول» اتتى ماقالاسى وزىمە قاتتى اسەر ەتكەندىكتەن, وعان بايلانىستى ءۇن قوسپاي قالا المادىم. ويتكەنى, ۇلت جوسپارى ءبىزدىڭ ەلىمىزدىڭ, جۇرتىمىزدىڭ بولاشاعىن ايقىنداعان, تەرەڭ مانگە يە قۇجات. ونى جۇزەگە اسىرۋ – جالپىحالىقتىق مىندەت. جالپى, ۇلت جوسپارىمەن تانىسا وتىرىپ, ەلبا­سىنىڭ ءسوزى مەن ءىسى سايكەس كەلەتىن ءىرى تۇلعا ەكەنىنە تاعى ءبىر رەت كوزىم جەتتى. ەلباسى ءوز ماقا­لا­سىندا رەفورمالاردى تابىستى جۇزەگە اسىرۋ ءۇشىن, ەڭ الدى­مەن, ەل ىنتىماعى مەن تاتۋ­لىعى قاجەت ەكەنىنە باسا كو­ڭىل اۋدارعان. شىن مانىندە, ءبىر­لىك­سىز, تاتۋ­لىقسىز ناتيجەگە جەتۋ مۇمكىن ەمەس. ورتاق ىستە بىرلەسىپ, جۇمىلا بىلەر بولساق, بىزگە ەشتەڭە دە كەدەرگى بولا المايدى. وسى ورايدا, مەن ەلباسىنىڭ «ءبىزدىڭ جولىمىز – ول بىرلىك جولى جانە ازاماتتىق بىرتەكتىلىك نەگىزىندە ۇلتتى دايەكتىلىكپەن قالىپتاستىرۋ جولى», دەگەن سوزىنە ەكپىن بەرگىم كەلەدى. جالپى, ەلباسى ماقالاسى بولا­شاققا دەگەن سەنىمدى نىعايتا تۇسەدى. ول ءبىز ءۇشىن جولىمىزدان اداس­تىرماس جارىق جۇلدىز سەكىلدى. بۇل مە­نىڭ باستى ارمانىمنىڭ ورىن­دالعانىنىڭ بەلگىسى بولار, بالكىم. نادەجدا نەستەروۆا, قوعام قايراتكەرى. استانا.