بولاشاعىمىزدى ايقىنداپ بەردى

مەشىن جىلىنىڭ العاشقى كۇنىنەن باس­تاپ «5 ينستيتۋتتىق رەفورمانى جۇزەگە اسىرۋ بو­يىنشا 100 ناق­تى قا­دام» ۇلت جوس­پارىن ورىن­داۋ­دىڭ پراك­تيكالىق كە­زەڭى باس­تالىپ كەت­كەنى بەلگىلى. بۇل – ەلىمىزدىڭ ءوسىپ-وركەندەۋىنە, بو­لا­شاققا باعدار بەرە­تىن يگى قا­دام­نىڭ باستالىپ كەتكەنىن بارشا حالىققا ايگىلەيتىن شارا. ەلباسىنىڭ «ۇلت جوسپارى – قازاقستاندىق ارمانعا باستايتىن جول» اتتى جاڭا باعدارلاماسىن مۇقيات وقىپ شىقتىم. زايسان اۋداندىق ءماسليحاتىنىڭ دەپۋتاتتارى دا بۇل ماقالامەن تانىسىپ, وزدەرى سايلانعان وكرۋگتەردە بولىپ, جۇرتشىلىقپەن كەزدەسىپ, ماقالانىڭ ماڭىزدى جاقتارىنا توقتالۋدا. ۇلت جوسپارىنىڭ باسىم با­عىت­تارىنىڭ جيىنتىعى ىسپەتتى «100 ناق­تى قادامعا» قادام باسۋ­دىڭ ناق­تى جولدارىن تايعا تاڭبا باس­قان­داي ەتىپ كورسەتكەن ماقا­لانى وقىپ شىققاندا كوز الدىما ەلىمىز قول جەتكىزگەن تابىستار ەلەستەدى. العاش تاۋەلسىزدىك العان كەزدە جاعداي قانداي ەدى؟ اتا-بابالارىمىز مىڭ­داعان جىلدار اڭساعان دەربەس مەم­لەكەت بولۋ جولىندا, نارىقتىڭ قيىن كەزىندە تۇيىقتان جول تابا ءبىل­گەن, حالىقتى بولاشاققا باستا­عان ەلباسى نۇرسۇلتان نازارباەۆ­تىڭ سىڭىرگەن ەڭبەگى ۇشان-تەڭىز. ما­قا­لادا اۆتور قازاقستاندى الەم­دەگى ەڭ وزىق 30 ەلدىڭ قاتارىنا ەن­گىزۋ ءۇشىن نە ىستەۋ كەرەكتىگىن, ەل ازا­مات­تارىنىڭ جۇدىرىقتاي جۇ­مى­لىپ, سول ارماننىڭ جۇزەگە اسۋىنا ۇلەس قوسۋى قاجەتتىگىن ايتادى. ال ارماندى جۇزەگە اسىراتىن ادام­دار ەكەنى بەلگىلى. وسى ورايدا, شال­عاي­داعى زايسان اۋدانىندا دا «100 ناق­تى قادام» بويىنشا قانداي جۇ­مىس­تار تىندىرىلعانىن ايتا كەتكەن ءجون. سوڭعى جىلدارى اۋدان ەكونوميكاسىندا ءوسىپ-وركەندەۋ, العا جىلجۋ بار. وتكەن جىلى 13 ميل­لياردتان استام تەڭگەنىڭ ءونىم­دەرى شىعارىلدى. اۋ­دان ورتالىعى مەن بىرنە­شە ەلدى مەكەندەرگە كوگىل­دىر وتىن تارتىلا باستادى. اۋداندا مال باسى ءوسىپ, وتكەن جىلى مەملەكەتكە ەت, ءسۇت تاپسىرۋ جوسپارى ورىندالدى. اينابۇلاق جانە سارى­تەرەك اۋىل­دارىندا زا­ماناۋي ءدارى­گەرلىك امبۋلاتوريالار پايدالانۋعا بەرىلىپ, وتىزعا تارتا جۇمىس ورنى اشىلدى. بۇرىن­دارى اۋىل تۇرعىندارى ەم-دوم الۋ ءۇشىن اۋدان ورتالىعىنا سابىل­سا, بۇدان بىلاي ءوز اۋىلدارىندا قا­بىلداي الادى. دايىردا مادەنيەت ءۇيى, قاراتالدا سپورت ءمودۋلى اشىلدى. زايسان قالاسىندا بىرنەشە الەۋمەتتىك نىساندار, «راحات» ساۋ­دا ءۇيى, اباي ساياباعىندا حاكىم اباي­عا ەسكەرتكىش اشىلىپ, جازۋشى قاليبەك التىباەۆتىڭ «اباي الە­مى» سوزجۇمباق كىتابىنىڭ تۇساۋ­كەسەرى ءوتتى. ءبىر كۇن بۇرىن زايساندا زاماناۋي تالاپقا ساي جىلدىڭ ءتورت مەزگىلىندە دە بالالار مەن قالا تۇرعىندارى سپورتپەن الاڭسىز شۇعىلداناتىن باسسەين پايدالانۋعا بەرىلدى. اۋداندىق ىشكى ساياسات ءبولىمى قىزمەتكەرلەرى تاريحي وقيعالارعا وراي مادەني شارالاردى تۇراقتى وتكىزىپ تۇرادى. جاستار فورۋمى, اباي وقۋلارى, ءدىن ماسەلەسى ءجو­نىندە كەلەلى جيىندار اي ­سايىن وتەدى. جاستاردىڭ بويىندا وتانسۇيگىشتىك قاسيەتتەردى ءسىڭىرۋ, پاتريوتتىق سەزىمدى قالىپتاستىرۋ باعىتىندا دا ءىس-شارالار تۇراقتى وتەدى. قورىتا ايتقاندا, زايسان اۋدا­نىنىڭ تۇرعىندارى الداعى ۋاقىت­تا دا ۇلت جوسپارىن جۇزەگە اسىرۋدا ىزدەنىس پەن ىلكىمدىلىك تانىتا بەرەدى. داۋلەت ىدىرىشەۆ, زايسان اۋداندىق ءماسليحاتىنىڭ حاتشىسى. شىعىس قازاقستان وبلىسى.