«ەۋرازيالىق قۇقىق قورعاۋ ورتالىعى» قوعامدىق قورىنىڭ قازاقستان پرەزيدەنتىنىڭ «بەسىنشى شاقىرىلعان قازاقستان رەسپۋبليكاسى پارلامەنتىنىڭ ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن وتكىزۋ تۋرالى» جارلىعىنا قاتىستى
مالىمدەمەسى
«ەۋرازيالىق قۇقىق قورعاۋ ورتالىعى» ەلدىڭ بۇكىل قوعامدىق-ساياسي كۇشتەرىنىڭ داعدارىسقا قارسى ستراتەگيانى, سونداي-اق قازاقستان پرەزيدەنتىنىڭ بەس ينستيتۋتتىق رەفورماسىن جۇزەگە اسىرۋعا مازمۇندى قاتىسۋى قاجەتتىگىنە ۇلكەن ماڭىز بەرە وتىرىپ, مەملەكەت باسشىسىنىڭ پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىعىنا ءوز قولداۋىن بىلدىرەدى. ەلباسى قابىلداعان شەشىمنىڭ ۋاقتىلى جانە ماڭىزدى ەكەنىن ونىڭ ءوزى-اق ايتىپ تۇر. بۇكىل الەم ءۇشىن كۇردەلى وسىناۋ ۋاقىتتا بيلىكتىڭ زاڭ شىعارۋشى تارماعىن زاڭشىعارۋشىلىق جۇمىسقا جاڭا سەرپىن بەرۋگە قابىلەتتى ادامدارمەن جاڭارتۋ مەملەكەتتىڭ داعدارىسقا قارسى ساياساتىنىڭ تيىمدىلىگىن ارتتىرۋعا جاعداي جاسايتىن بولادى. بۇگىندە, ەل جاڭا سىناقتار تابالدىرىعىندا تۇرعان كەزدە, ءبىز وزا ءىس-قيمىل جاساۋعا ءتيىسپىز. سوندىقتان, ەكى سايلاۋ ناۋقانىن – ءماجىلىس پەن بارلىق دەڭگەيدەگى ءماسليحاتتاردى سايلاۋ – زاڭ شىعارۋشى جانە جەرگىلىكتى بيلىك وكىلدەرىنىڭ سايلاۋ ۇدەرىستەرىن بىرىكتىرە وتىرىپ, ءبىزدىڭ ودان ارعى ءىس-قيمىلدارعا نەعۇرلىم شۇعىل كىرىسۋىمىزگە جاعداي جاسايدى. دەپۋتاتتىق كورپۋستى جاڭارتۋ – ازاماتتىق باستامالاردى كەڭەيتۋ, حالىقتىڭ ءتۇرلى توپتارىنىڭ مۇددەلەرىن شوعىرلاندىرۋ جانە قازاقستاندىقتاردى ينستيتۋتتىق رەفورمالار باعدارلاماسىن تابىستى جۇزەگە اسىرۋعا بىرىكتىرۋ ءۇشىن جاڭا مۇمكىندىكتەر.
