كاسىپوداقتار فەدەراتسياسىنىڭ مالىمدەمەسى

قازاقستان كاسىپوداقتارى فەدەرا­تسيا­سىنىڭ بارلىق مۇشەلەرى اتىنان مەملەكەت باسشىسى ن.ءا.نازارباەۆتىڭ پارلامەنت ءما­­جى­لىسى دەپۋتاتتارىنىڭ كەزەكتەن تىس ساي­لا­ۋىن وتكىزۋ تۋرالى شەشىمىنە قولداۋ بىلدىرەمىز. ءبىز ۇلت جوسپارىن جۇزەگە اسىرۋعا جانە وندا قارالعان ەل ءومىرىنىڭ بۇكىل سالالارىن كەشەندى رەفورمالاۋ جونىندەگى شىنايى كەڭ اۋقىمدى جۇمىسقا دايىنبىز. حالىقتىڭ سان ءتۇرلى توپتارىن بىرىكتىرەتىن جانە مۇددەلەرىن قورعايتىن بارلىق ساياسي پارتيالار مەملەكەت قىزمەتىنە ءدال وسىلايشا ىقپالدى اتسالىسۋعا ءتيىس دەپ ەسەپتەيمىز. سايلاۋدى وتكىزۋ ەلدىڭ قوعامدىق-ساياسي جانە الەۋمەتتىك-ەكونوميكالىق ءومىرىنىڭ ۇدەرىستەرىنە بارلىق قاتىسۋشىلارعا مەملەكەتتىڭ ودان ءارى دامۋىنا قاتىستى ءوز پايىمدارىن ءبىلدىرۋ جانە كۇن تارتىبىندە تۇرعان پروبلەمالار مەن كوكەيكەستى ماسەلەلەردى شەشۋدە وزىنە جاۋاپكەرشىلىك الۋ مۇمكىندىگىن بەرەدى. ول جان-جاقتى قولداۋعا جانە سايلاۋ ناۋقانىن وتكىزۋ مەن ۇلت جوسپارىن جۇزەگە اسىرۋ بويىنشا پارلامەنتشىلەرمەن ودان ارعى جۇمىسقا جاپپاي بەلسەندى اتسالىسۋعا لايىق. سايلاۋ قازاقستاندىقتاردى توپتاس­تىرادى جانە قوعامدىق ءباتۋا نەگىزىندە داعدارىسقا قارسى رەفورمالاردى تابىستى جۇزەگە اسىرۋ ءۇشىن جاڭا جاسامپاز الەۋەتكە باستاماشى بولادى.