قۇقىقتىق دارىستەمە وتكىزىلدى

اقمولا وبلىستىق ادىلەت دە­پار­تامەنتى ماعجان جۇماباەۆ اتىنداعى وبلىستىق عىلىمي ءام­بەباپ كىتاپحاناسىمەن بىرلەسىپ, قازاقستان رەسپۋبليكاسى پرەزي­دەنتىنىڭ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى جولداۋى بويىنشا قۇقىق­تىق دارىستەمە وتكىزدى. شارا بارىسىندا ادىلەت دە­پار­­­تامەنتىنىڭ اتقارۋ ءوندىرىسىن قامتاماسىز ەتۋ باسقارماسىنىڭ باسشىسى مانار بايعوجينا جانايدار مۋسين اتىنداعى كوكشەتاۋ قازاق پەداگوگيكالىق كوللەدجى مەن گۋ­مانيتارلىق-تەحنيكالىق ليتسەي شاكىرتتەرىنە ەلباسى نۇرسۇلتان نازارباەۆتىڭ «100 ناقتى قادام» ۇلت جوسپارى مەن 2015 جىلدىڭ 30 قاراشاسىندا حالىققا ارناعان «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» جولداۋىن كەڭىنەن ءتۇسىندىرىپ ءوتتى. سونىمەن قاتار, ەلىمىزدە وسى جوس­پاردى ىسكە اسىرۋ ماقساتىندا ءبىر­قاتار جاڭا زاڭداردىڭ قابىل­دانعانىنا, جىل اياعىنا دەيىن تاعى باسقا دا زاڭنامالىق اكتىلەرگە وزگەرىستەر ەنگىزۋ كوزدەلىپ وتىرعا­نىنا توقتالدى. پىكىر الماسۋ كەزىندە جانايدار مۋسين اتىنداعى كوكشەتاۋ قازاق پەداگوگيكالىق كوللەدجىنىڭ وقۋ­شىلارى فاريزا ەنشىلەس پەن لاشىن امانبەك 2017 جىلدان باستاپ جاستاردىڭ تەگىن كاسىپتىك ءبىلىم الاتىنىنا, جاس بۋىننىڭ جۇ­مىسشى ماماندىقتارىن مەڭ­گەرۋى قاجەتتىگىنە قولداۋ ءبىلدىرىپ, وزدەرىنىڭ بولاشاق تۋرالى ويلارىن ورتاعا سالدى. وقۋ ورنىندا سايلاۋعا دايىندىق شاراسى بارىسىندا تۇڭعىش داۋىس بەرۋشىلەر ءتىزىمى ازىرلەنگەنى, ولارعا زور جاۋاپ­كەرشىلىك ارتىلاتىنى دا ايتىلدى. وبلىستىق كىتاپحانا جانىنان قۇرىلعان «سەرپەر» كلۋبىنىڭ توراعاسى باقىتبەردى قۋاتحان زامانداستارىن جولداۋداعى مىندەتتەردى بىرلەسىپ جۇزەگە اسىرۋعا بەلسەنە ارالاسۋعا شاقىرسا, كىتاپحانا قىزمەتكەرلەرى دايىنداعان «قازاق­ستان جاڭا جاھاندىق ناقتى احۋالدا: ءوسىم, رەفورمالار, دامۋ» كورمەسى­نەن دە كوپشىلك كەلەلى وي ءتۇيدى. باقبەرگەن امالبەك, «ەگەمەن قازاقستان». اقمولا وبلىسى.