تۇركى ەلدەرى اراسىنداعى ۇزدىك جوو اتاندى

تۇركى حالىقتارىنىڭ حالىقارالىق كونگرەسى ءال-فارابي اتىنداعى قازاق ۇلتتىق ۋنيۆەرسيتەتىنە «تۇركى ەلدەرى اراسىنداعى ۇزدىك جوو» اتاعىن بەردى. بۇل جاڭالىقتى تۇركى حالىقتارى حالىقارالىق كونگرەسىنىڭ پرەزيدەنتى ياحيا يۋسيفوگلى اليەۆ ۋنيۆەرسيتەت ۇجىمىمەن كەزدەسۋ بارىسىندا ءمالىم ەتتى.  الەمنىڭ التى اكادەمياسىنىڭ اكادەميگى, تۇركى حالىقتارى حا­لىقارالىق كونگرەسىنىڭ پرە­زيدەنتى, دوكتور ياحيا اليەۆ بۇل شەشىم 47 تۇركى حالىقتارى مەن ۇلىستارىن بىرىكتىرىپ وتىرعان حالىقارالىق كونگرەستىڭ 2015 جىلى جەلتوقسان ايىندا وتكەن وتىرىسىندا ءبىر­اۋىزدان ماقۇلدانعانىن ايتتى. سودان سوڭ ول قازۇۋ رەكتورى, اكادەميك عالىم مۇتانوۆتى «تۇركى الەمىنە سىڭىرگەن ەڭبەگى ءۇشىن» التىن توسبەلگىسىمەن ماراپاتتادى. «مەن الەمنىڭ كوپتەگەن ۇزدىك ۋنيۆەرسيتەتتەرىندە بولدىم. ءبى­راق, تەك قازۇۋ قايتا قۇرىلۋ اۋ­قىمدىلىعىمەن جانە الەمدىك رەيتينگتە ازعانا ۋاقىتتىڭ ىشىندە ايتارلىقتاي جوعارى كورسەتكىشكە قول جەتكىزۋىمەن تاڭعالدىرادى. قازاقستاندىق ۋنيۆەرسيتەتتىڭ جوعارى كورسەتكىشكە قول جەتكىزگەنى مەملەكەت تاراپىنان ادامي كاپي­تالدى دامىتۋعا ايتارلىقتاي كوڭىل ءبولىنىپ وتىرعاندىعىنىڭ كورسەتكىشى جانە بولاشاققا سا­لىنعان ينۆەستيتسيا دەپ قاراس­تى­رۋعا بولادى. وسكەلەڭ ۇرپاقتىڭ بو­لا­­شاعىنا قامقورلىق تانىتۋدىڭ بىردەن-ءبىر ۇلگىسى عىلىم مەن ءبى­لىمگە كوپ كوڭىل ءبولىپ جۇرگەن الەم­­دىك كوشباسشىلاردىڭ ءبى­رى, قازاقستاننىڭ پرەزيدەنتى ن.نازارباەۆ», – دەدى ياحيا اليەۆ. قازۇۋ-دىڭ ۇزدىك ۋنيۆەرسيتەتتەر قاتارىندا ەكەنىن QS World University Rankings حالىقارالىق رەيتينگ ناتيجەلەرىنەن بايقاۋعا بولاتىنىن اتاپ وتكەن ءجون. ۋني­ۆەرسيتەت حالىقارالىق رەيتينگتە 275-ءشى ورىندا تۇرسا, ال تۇركى ەلدەرى اراسىندا بۇل رەيتينگتە ءبىرىنشى بولىپ, كوش باستاپ تۇر. گۇلزەينەپ سادىرقىزى, «ەگەمەن قازاقستان». الماتى.