شەت مەملەكەتتەردىڭ ەكرانىنا شىعادى
فرانتسيادا وتكەن سوڭعى كانن فەستيۆالىندە «قازاق ەلى» انيماتسيالىق ءفيلمىنىڭ ترەيلەرى كورسەتىلگەن بولاتىن. جارنامالىق روليكتى الىپ بارعان TAMED REALITY ديستريبيۋتەرلىك كومپانياسىنىڭ ايتۋىنشا, اتالمىش مۋلتفيلمگە امەريكا, گەرمانيا, رەسەي جانە بىرىككەن اراب امىرلىكتەرى قىزىعۋشىلىق بىلدىرگەن. ناۋرىز ايىندا قازاق مۋلتفيلمى اتالعان ەلدەردىڭ كينوتەاترلارىنا شىعادى دەپ كۇتىلۋدە.
«قازاق ەلى» اتتى تولىقمەترلى انيماتسيالىق ءفيلمى – مادەنيەت جانە سپورت مينيسترلىگىنىڭ تاپسىرىسى بويىنشا جاسالىنعان. سول سياقتى «مومىن مەن قاراقشىلار», «تولاعاي», «مايماق قاز», «مۇڭلىق – زارلىق», «ساپا وليمپياداسى», «قاناتتى بارىس تۋرالى اڭىز», «قازاقستان» ۇلتتىق تەلەارناسىنىڭ «ەڭ ۇزدىك جوبا» نوميناتسياسىن جەڭىپ العان «تومپاق تەلەحيكاياسى» سەريالى دا كىشكەنتاي كورەرمەندەر كوڭىلىنەن شىقتى.
عالامتور جەلىسىندەگى تاۋەلسىز ساراپشىلاردىڭ قورىتىندى رەيتينگىندەگى ەڭ كوپ كورىلەتىن مۋلتفيلمدەردىڭ العاشقى بەستىگىن دە «ساق» كينوستۋدياسىنىڭ ونىمدەرى قۇرايدى.
«قازاق ەلى» ءمۋلتفيلمى كەرەي مەن جانىبەكتىڭ بالا كەزدەرىنەن باستاپ ەسەيىپ, ەرجەتىپ, ەل باسقارىپ, قازاق حاندىعىن قۇرعانعا دەيىنگى ارالىقتى قامتيدى.
فيلم جەلىسىندە جانىبەك پەن كەرەيدىڭ ۇستازى بولعان قارت باتىردىڭ ولارعا ساداق اتۋ, قىلىشتاسۋ, اتپەن شابۋ, سول سەكىلدى جاۋىنگەرلىك ونەردىڭ ءتۇرلى تاسىلدەرىن ۇيرەتۋى كەڭىنەن كورسەتىلەدى. كەيىن ەل باسقارۋدا ءبىلىمنىڭ دە ماڭىزى زور ەكەنىن ۇستازىنان ۇعىنعان كەرەي مەن جانىبەكتىڭ وتىرار قالاسىنا اتتانۋى, وتىرار كىتاپحاناسىن ارالاپ, عۇلاما ۇستازداردان ءتۇرلى دارىستەر الىپ, ەلگە ورالعاندا ءتۇرلى ەرلىكتەرىمەن كوزگە تۇسە باستاۋى دا قامتىلعان.
ولاردىڭ تاي ۇيرەتەمىز دەپ ءجۇرىپ, قالاي قاراقشىلارعا تاپ بولعاندارى, قارت باتىردىڭ كومەگىمەن قاراقشىلاردى جەڭىپ شىعۋى بالالارعا ءبىر جاعىنان اباي بولۋدى مەڭزەسە, ەكىنشى جاعىنان ەزۋ تارتار بولارى ءسوزسىز. وسى ەپيزودقا ارنايى جازىلعان «قاراقشىلار» ءانىن نۇرلان ابدۋللين, ساكەن مايعازيەۆ («مۇز-ارت» توبى) سىندى كاسىبي انشىلەر ورىنداسا, بەرىك تۇرسىنبەكوۆتەي («شىمكەنت-شوۋ» تەاترى) ع.ءمۇسىرەپوۆ اتىنداعى جاستار تەاترى اكتەرلەرى دۋبلياج جاساۋعا اتسالىسقان.
ايناش ەسالي,
«ەگەمەن قازاقستان».
الماتى.
فرانتسيادا وتكەن سوڭعى كانن فەستيۆالىندە «قازاق ەلى» انيماتسيالىق ءفيلمىنىڭ ترەيلەرى كورسەتىلگەن بولاتىن. جارنامالىق روليكتى الىپ بارعان TAMED REALITY ديستريبيۋتەرلىك كومپانياسىنىڭ ايتۋىنشا, اتالمىش مۋلتفيلمگە امەريكا, گەرمانيا, رەسەي جانە بىرىككەن اراب امىرلىكتەرى قىزىعۋشىلىق بىلدىرگەن. ناۋرىز ايىندا قازاق مۋلتفيلمى اتالعان ەلدەردىڭ كينوتەاترلارىنا شىعادى دەپ كۇتىلۋدە.
«قازاق ەلى» اتتى تولىقمەترلى انيماتسيالىق ءفيلمى – مادەنيەت جانە سپورت مينيسترلىگىنىڭ تاپسىرىسى بويىنشا جاسالىنعان. سول سياقتى «مومىن مەن قاراقشىلار», «تولاعاي», «مايماق قاز», «مۇڭلىق – زارلىق», «ساپا وليمپياداسى», «قاناتتى بارىس تۋرالى اڭىز», «قازاقستان» ۇلتتىق تەلەارناسىنىڭ «ەڭ ۇزدىك جوبا» نوميناتسياسىن جەڭىپ العان «تومپاق تەلەحيكاياسى» سەريالى دا كىشكەنتاي كورەرمەندەر كوڭىلىنەن شىقتى.
عالامتور جەلىسىندەگى تاۋەلسىز ساراپشىلاردىڭ قورىتىندى رەيتينگىندەگى ەڭ كوپ كورىلەتىن مۋلتفيلمدەردىڭ العاشقى بەستىگىن دە «ساق» كينوستۋدياسىنىڭ ونىمدەرى قۇرايدى.
«قازاق ەلى» ءمۋلتفيلمى كەرەي مەن جانىبەكتىڭ بالا كەزدەرىنەن باستاپ ەسەيىپ, ەرجەتىپ, ەل باسقارىپ, قازاق حاندىعىن قۇرعانعا دەيىنگى ارالىقتى قامتيدى.
فيلم جەلىسىندە جانىبەك پەن كەرەيدىڭ ۇستازى بولعان قارت باتىردىڭ ولارعا ساداق اتۋ, قىلىشتاسۋ, اتپەن شابۋ, سول سەكىلدى جاۋىنگەرلىك ونەردىڭ ءتۇرلى تاسىلدەرىن ۇيرەتۋى كەڭىنەن كورسەتىلەدى. كەيىن ەل باسقارۋدا ءبىلىمنىڭ دە ماڭىزى زور ەكەنىن ۇستازىنان ۇعىنعان كەرەي مەن جانىبەكتىڭ وتىرار قالاسىنا اتتانۋى, وتىرار كىتاپحاناسىن ارالاپ, عۇلاما ۇستازداردان ءتۇرلى دارىستەر الىپ, ەلگە ورالعاندا ءتۇرلى ەرلىكتەرىمەن كوزگە تۇسە باستاۋى دا قامتىلعان.
ولاردىڭ تاي ۇيرەتەمىز دەپ ءجۇرىپ, قالاي قاراقشىلارعا تاپ بولعاندارى, قارت باتىردىڭ كومەگىمەن قاراقشىلاردى جەڭىپ شىعۋى بالالارعا ءبىر جاعىنان اباي بولۋدى مەڭزەسە, ەكىنشى جاعىنان ەزۋ تارتار بولارى ءسوزسىز. وسى ەپيزودقا ارنايى جازىلعان «قاراقشىلار» ءانىن نۇرلان ابدۋللين, ساكەن مايعازيەۆ («مۇز-ارت» توبى) سىندى كاسىبي انشىلەر ورىنداسا, بەرىك تۇرسىنبەكوۆتەي («شىمكەنت-شوۋ» تەاترى) ع.ءمۇسىرەپوۆ اتىنداعى جاستار تەاترى اكتەرلەرى دۋبلياج جاساۋعا اتسالىسقان.
ايناش ەسالي,
«ەگەمەن قازاقستان».
الماتى.
