ديكتانتتان قاتە جىبەرگەن بالا پوليتسياعا جاۋاپ بەردى

بۇگىندە يسلامعا جاعىلعان كۇيە­نىڭ سالدارىنان جازىقسىز جاندار دا جاپا شەگىپ جاتقانى جاسىرىن ەمەس. ءتىپتى, قازىر مۇسىلماننىڭ ارتىق تۇشكىرگەنىنەن سەكەم الاتىندار بار. تاياۋدا سونداي جاعا ۇستاتار جاعداي ۇلىبريتانيانىڭ لانكاشير گرافتىعىندا بولدى. اتاپ ايتقاندا, مۇسىلمان وتباسىنان شىققان 10 جاسار مەكتەپ وقۋشىسى ديكتانتتا «لاڭكەستەر ۇيىندە تۇرامىن» دەپ قاتە جازىپ جىبەرگەن. ول مۇعالىم «قاراپايىم قۇرىلىستاعى» (terraced house) ۇيدە ءومىر ءسۇرۋ تۋرالى ءماتىندى وقىعان كەزدە سالعىرتتىق تانىتقان. دەگەنمەن, وقۋشىنىڭ «لاڭكەستىكتى» جازباشا تۇردە ەسكە سالۋىنىڭ ءوزى ەسكەرۋسىز قالمادى. ۆۆس-ءدىڭ حابارلاۋىنشا, ەرتە­سىنە-اق بالانىڭ ۇيىنە پوليتسيا قىزمەتكەرلەرى كەلگەن. الەۋمەتتىك قىزمەت وكىلدەرىمەن بىرگە كەلگەن ولار 10 جاسار وقۋشىدان تۇسىنىكتەمە الماق بولعان. وقيعانىڭ ءمان-جايى انىقتالعاننان كەيىن ءتارتىپ ساق­شىلارى بۇل كۇلكىلى «ىسكە» قاتىستى ەشقانداي ءىس-ارەكەت قولدانباستان كەتىپ قالادى. الايدا, اياق استىنان كۇدىككە ىلىنگەن ۇل بالانىڭ تۋعان-تۋىستارى بۇل وقيعا­دان كۇلكىلى ەشتەڭە تاپپاعان. وسىلايشا, ولار مەكتەپ پەن قۇقىق قورعاۋ ورگاندارىنان وزدەرىنەن كەشىرىم سۇراۋلارىن تالاپ ەتۋدە. وقۋشىنىڭ وتباسى بالانىڭ قازىر «جازۋدان قورقىپ قالعانىن» ايتىپ وتىر. ءوز كەزەگىندە مەكتەپ باسشىلىعى مۇعالىمنىڭ وقۋ ورىندارىندا جاس­تاردىڭ راديكالدانۋىنىڭ الدىن الۋ تۋرالى زاڭعا سايكەس ارەكەت ەتكەنىن نازارعا الدى. وتكەن جىلدىڭ شىلدە ايىنان باستاپ وقىتۋشىلار جەتكىنشەكتەردىڭ كۇدىك تۋدىرعان كەز كەلگەن بەلسەندىلىگى تۋرالى پولي­­تسياعا حابارلاۋعا مىندەتتى. ال قۇقىق قورعاۋشىلار ناقتى ءار وقيعا بويىنشا ءتيىستى قىلمىستىق شەشىم قابىلدايدى. «ەگەمەن-اقپارات».