فۋتبولدان قازاقستان قۇراماسىن فرانتسۋز مامانى جاتتىقتىرادى

استانا. 23 قاڭتار. فۋتبولدان قازاقستان ۇلتتىق قۇراماسىنىڭ باس جاتتىقتىرۋشىسى بولىپ فرانتسيالىق مامان ەرۆە رەنار تاعايىندالادى. ول استاناعا كەلىپ, قازاقستان فۋتبول فەدەراتسياسىمەن كەلىسسوزدەر جۇرگىزدى. بۇل تۋرالى kazfootball.kz سايتىنا سىلتەمە جاساعان egemen.kz ءتىلشىسى حابارلادى. الداعى كۇندەرى فەدەراتسيا رەسمي تۇردە فرانتسۋزدى وتاندىق فۋتبولسۇيەر قاۋىمعا تانىستىرادى دەپ كۇتىلۋدە. ايتا كەتەيىك, 47 جاستاعى مامان جاتتىقتىرۋشى رەتىندە افريكا حالىقتارىنىڭ كۋبوگىن ەكى دۇركىن جەڭىپ العان. الدىمەن 2012 جىلى زامبيا قۇراماسىن جەڭىسكە جەتكىزسە, 2015 جىلى ديدە دروگبا باستاعان كوت-د-يۆۋاردى قۇرلىق چەمپيونى اتاندىردى. سونداي-اق, انگولا قۇراماسى مەن فرانتسيانىڭ «سوشو», «شەربۋر», «ليلل» سىندى كوماندالارىن جاتتىقتىردى. ەرۆە رەنار 1968 جىلى 30 قىركۇيەكتە فرانتسيانىڭ ەكس-لە-بەن قالاسىندا تۋعان. 1983 جىلى «كانن» فۋتبول كومانداسى ساپىندا فۋتبولشى رەتىندە سپورتتىق مانسابىن باستاپ, 1998 جىلعا دەيىن وينادى. ال جاتتىقتىرۋشىلىق قىزمەتكە 1999 جىلى كەلدى. ەلامان قوڭىر. دەرەك: kazfootball.kz. سۋرەت: football-tv.ru.