قاۋىپتى ىندەت تۋرالى حابارلامالاردىڭ شقو-عا قاتىسى جوق

وسكەمەن. 22 قاڭتار. شىعىس وڭىرىندەگى تۇماۋدىڭ قاۋىپتى جۇقپالى تۇرلەرىنىڭ احۋالى تۋرالى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى سەرگەي پوپوۆ ءباسپاسوز ءماسليحاتىن وتكىزدى. بۇل تۋرالى egemen.kz ءتىلشىسى حابارلادى. بۇگىندە ا (H1N1) تۇرىندەگى تۇماۋ ۆيرۋسى ىندەتكە جاتپايدى. بۇل بار-جوعى ماۋسىمدىق اۋرۋ ءتۇرى عانا. سوندىقتان, تۇرعىندار اتالعان اۋرۋ تۇرىمەن جىل سايىن بەتپە-بەت كەلەدى. جەدەل رەسپيراتورلى ۆيرۋستىق جۇقپامەن اۋىرىپ, تۇماۋ جۇقتىرعانداردىڭ وبلىس كولەمىندە تىركەلۋى 1,4 ەسەگە ازايدى. وبلىستىق دەنساۋلىق ساقتاۋ باسقارماسى باسشىسى ورىنباسارىنىڭ ايتۋىنشا, ا (H1N1) تۇرىندەگى تۇماۋ ۆيرۋسى بۇرىن وتە قاۋىپتى بولاتىن. اۋرۋدى انىقتاۋ دا, ەمدەۋ دە قيىن ەدى. بىراق, 2010 جىلى فارماتسەۆتيكالىق كومپانيالاردىڭ دايىنداۋىمەن شىققان ەكپەلەر ونى ماۋسىمدىق اۋرۋ تۇرىنە اينالدىردى. بيىل تۇماۋدىڭ قاۋىپتى تۇرىمەن اۋىرعاندار تۇتىنۋشىلار قۇقىعىن قورعاۋ دەپارتامەنتىندە تىركەلگەن جوق. «2010 جىلدان باستاپ, حالىق جىل سايىن ەكپە الادى. بۇل ەكپە جىلدام تارالاتىن اۋرۋعا جول بەرمەيتىن يممۋندىق قورعانىشتى قالىپتاستىرادى. ءتىپتى, ادام اعزاسىنا اتالعان ۆيرۋس تۇسكەننىڭ وزىندە دە اسا قورقۋدىڭ قاجەتى جوق», – دەدى سەرگەي پوپوۆ. قازىرگى كەزدە وڭىردە جريج بەن تۇماۋدىڭ تومەندەگەنى بايقالادى. سونداي-اق, دەنساۋلىق ساقتاۋ باسقارماسىنىڭ وكىلى WhatsApp مەسسەندجەرى ارقىلى تارالعان ەپيدەميولوگيالىق جاعداي جونىندە ءوز پىكىرىن ءبىلدىردى. «شىعىس قازاقستان وبلىسىنىڭ دەنساۋلىق ساقتاۋ مەكەمەلەرى كەستەگە سايكەس جۇمىس ىستەۋدە. ءدارى-دارمەك پەن توسەك-ورىن جەتكىلىكتى. ينتەرنەت جەلىسى ارقىلى تارالعان قاۋىپتى ىندەت جونىندەگى جالعان اقپاراتتاردىڭ وبلىستاعى دەنساۋلىق ساقتاۋ مەكەمەلەرىنە قاتىسى جوق», – دەدى ول. دۋمان اناش. دەرەك, سۋرەت: شقو اقپاراتتىق ورتالىعى.