رەسەيدە جازاسىن وتەۋشى ءتورت ادامدى ولتىرگەن قىلمىسكەردى ءولتىردى

استانا. 22 قاڭتار. رەسەيدە ءۇش ادامدى پىشاقتاعان جىگىت تۇرمەدە ءتورت تۋىسقانىن ولتىرگەن جازاسىن وتەۋشىنى ءولتىردى. بۇل تۋرالى lenta.ru سايتىنا سىلتەمە جاساعان egemen.kz ءتىلشىسى حابارلادى. پريمورە ولكەسى تەرگەۋ كوميتەتى باسقارماسىنىڭ حابارلاۋىنشا, ءۇش ادامدى ءولتىرىپ, ءومىر بويى باس بوستاندىعىنان ايرىلعان 26 جاستاعى جىگىت وزىمەن بىرگە ءبىر كامەرادا وتىرعان تاعى ءبىر قىلمىسكەردى ولتىرگەن. ول 31 جاستاعى جىگىتتى باۋىزداپ تاستاعان. سونىڭ سالدارىنان كامەرالاسى جان ءتاسىلىم ەتتى. قايتىس بولعان ادام دا بىرنەشە ادامدى ولتىرگەن كورىنەدى. ول بۇعان دەيىن ازاماتتىق نەكەدەگى ايەلىن, ونىڭ 8 جاستاعى بالاسى مەن ءوزىنىڭ اكە-شەشەسىن ولتىرگەن ەكەن. تەرگەۋ كوميتەتىنىڭ دەرەكتەرىنە قاراعاندا, ول 7 قاڭتار كۇنى ءتۇن ورتاسىندا قىزعانىشتان اششى سۋعا تويىپ الىپ, ازاماتتىق نەكەدەگى ايەلى مەن ونىڭ بالاسىن لوممەن ۇرىپ ولتىرگەن. سودان كەيىن اكە-شەشەسىنىڭ ۇيىنە بارىپ, اناسىن پىشاقتاعان. وسى كەزگە دەيىن  اناسى ايەلىنىڭ كوزىنە ءشوپ سالعانىن جاسىرىپ كەلىپتى. تەرگەۋشىلەردىڭ ايتۋىنشا, سول سەبەپتى ول شەشەسىنە پىشاق جۇمساعان. ال اكەسىن ول بالا كەزدەن بەرى جەك كورىپ كەلگەن ەكەن. داستان كەنجالين. دەرەك: lenta.ru سۋرەت: egemen.kz