«قازاقمىس» وتكەن جىلدىڭ قورىتىندىسىن شىعاردى

الماتى. 22 قاڭتار. «قازاقمىس» كورپوراتسياسى وتكەن جىلعى وندىرىستىك قىزمەتىنىڭ قورىتىندىسىن شىعاردى. بۇل تۋرالى egemen.kz ءتىلشىسى حابارلادى. 2015 جىلى «قازاقمىس كورپوراتسياسى» جشس 220,8 مىڭ توننا كاتودتى ەكۆيۆالەنتتە مىس وندىرگەن. بۇل جىلدىق كورسەتكىشتى 5,9 مىڭ تونناعا (+2,7%)  ارتىعىمەن ورىنداعانىن بىلدىرەدى. كەننىڭ جىلدىق قورىتىندىسى بويىنشا, مىستىڭ ورتاشا ەسەبى 0,88 پايىزدى قۇرايدى. 2014 جىلداعى  مىستىڭ ورتاشا ەسەبىنەن 0,84 پايىزعا  جانە جوسپارلانعان 0,06 پايىزدان جوعارى.  2015 جىلى «قازاقمىس» قۇرىلىمدارىندا 31 ملن. توننا كەن ءوندىرىلدى. ال بيىل «قازاقمىس كورپوراتسياسى» جشس 221 مىڭ توننا كاتودتى ەكۆيۆالەنتتە مىس ءوندىرۋدى جوسپارلاپ وتىر. «الەمدىك ەكونوميكالىق داعدارىسقا, سونداي-اق مىستىڭ باعاسىنىڭ تۇسۋىنە قاراماستان, ءبىز كورپوراتسيا كاسىپورنىندارىندا ءوندىرىستىڭ قارقىنىن  2014-2015 جىلدارداعىداي دەڭگەيدە قاداعالاۋدى جوسپارلاۋدامىز. بۇگىنگى كۇننىڭ نەگىزگى ماقساتى – ەڭبەك قاۋىپسىزدىگى مەن الەۋمەتتىك تۇراقتىلىق», – دەيدى «قازاقمىس كورپوراتسياسى»  جشس باس ديرەكتورى باقتيار قىرىقپىشەۆ ايناش ەسالي. دەرەك: egemen.kz. سۋرەت: tengrinews.kz