بىلتىر جامبىل وبلىسى كاسىپكەرلەر پالاتاسىنا 5 454 ءوتىنىش ءتۇسىپتى

تاراز. 22 قاڭتار. جامبىل وبلىسىنداعى جالپى بيزنەس سۋبەكتىلەرىنىڭ سانى 75 453-ءتى قۇراپ وتىر. ونىڭ 99,3 پايىزى – شاعىن, 0,5 پايىزى – ورتا, 0,1 پايىزى – ءىرى بيزنەس سۋبەكتىلەرى. بۇل تۋرالى egemen.kz ءتىلشىسى حابارلادى. وتكەن 2015 جىلى وبلىستىق كاسىپكەرلەر پالاتاسىنا بارلىعى 5 454 ءوتىنىش كەلىپ ءتۇسىپتى. پالاتا قىزمەتىن پايدالانۋشىلاردىڭ 62 پايىزى وبلىس ورتالىعىنان بولسا, 38 پايىزى اۋدانداعى كاسىپكەرلەر. «ەلباسىمىزدىڭ «ۇلت جوسپارى – قازاقستاندىق ارمانعا باستايتىن جول» اتتى ماقالاسى الدىمىزعا تاعى دا جاڭا مىندەتتەر قويدى.  ەل دامۋىنىڭ ءار سالاسىندا اتقارىلاتىن قىرۋار ىستەردىڭ جوسپارى وسىندا كورسەتىلگەن», دەيدى جامبىل وبلىسى كاسىپكەرلەر پالاتاسىنىڭ ديرەكتورى قارلىعاش ارالبەكوۆا جۋرناليستەرمەن وتكىزگەن بريفينگتە. پالاتانىڭ نەگىزگى باسىم باعىتتارىنىڭ ءبىرى – كاسىپكەرلەر قۇقىن قورعاۋ. بۇل باعىتتاعى كەلىپ تۇسكەن ارىز-شاعىمداردىڭ 80 پايىزى شاعىن, 20 پايىزى ورتا بيزنەسكە تيەسىلى. قۇقىقتىق ماسەلەلەر بويىنشا پالاتاعا كەلىپ تۇسكەن 279 ارىز-شاعىمنىڭ 76-ى كاسىپكەرلەر قۇقىن قورعاۋ جۇيەسى بويىنشا بولسا, ونىڭ 42-ءى وڭتايلى شەشىمىن تاپقان. كەلىپ تۇسكەن ارىز-شاعىمداردىڭ 48 پايىزى جەر ماسەلەسىنە, 21 پايىزى سالىق, 18 پايىزى مەملەكەتتىك ساتىپ الۋلار ال 19 پايىزى باسقا دا سالالارعا قاتىستى. جالپى جىل باسىنان بەرى 1 640 016 954 تەڭگە كولەمىندە كاسىپكەرلەر قۇقى قورعالعان. كاسىپكەرلىك كوكجيەگىنىڭ كەڭەيە تۇسۋىنە اكىمشىلىك كەدەرگىلەر دە كوپ اسەرىن تيگىزەدى. بۇل تۇرعىدا كاسىپكەرلەر پالاتاسى وبلىسىمىزدا شاعىن جانە ورتا بيزنەستىڭ دامۋىنا تەجەۋ بولىپ وتىرعان 28 اكىمشىلىك كەدەرگىنى انىقتادى. ونىڭ ىشىندە رەسپۋبليكا دەڭگەيىندەگى 25 اكىمشىلىك كەدەرگىنىڭ 3 جويىلىپ, 21-ءى «اتامەكەن» ۇكپ قاراۋىندا بولسا, جەرگىلىكتى دەڭگەيدەگى 3 اكىمشىلىك كەدەرگىنىڭ 2-ءى جويىلدى. 75 پايىزى شاعىن ال, 25 پايىزى ورتا كاسىپكەرلىكتىڭ دامۋىنا تەجەۋ بولىپ وتىرعان اكىمشىلىك كەدەرگىلەر تابيعي مونوپوليا, تاريف, ساتىپ الۋلار, جەر قاتىناستارى, مەديتسينا جانە فارماتسەۆتيكالىق ءوندىرىس, سالىق تولەمدەرى, رۇقساتتاما ءراسىمى, اۋىلشارۋاشىلىعى, ساۋلەت جانە قۇرىلىس, كەدەندىك رەتتەۋ, ساۋدا قىزمەتى, كولىك, لوگيستيكا جانە بايلانىس سالارىندا ورىن العان. كاسىپكەرلەر پالاتاسىنىڭ ءبىر مىندەتى – كاسىپكەرلىك سۋبەكتىلەرىنىڭ مۇددەسىنە قاتىستى زاڭنامالىق نەمەسە نورماتيۆتىك-قۇقىقىتىق اكتىلەر قابىلدانار كەزدە وعان ساراپتامالىق قورىتىندى بەرۋ. ەسەپتى مەرزىمدە 214 نورماتيۆتىك-قۇقىقتىق اكتى جوباسى قارالىپ, ونىڭ 156-ءسى بويىنشا ساراپتامالىق قورىتىندى بەرىلسە, 58-ءسى تولىقتىرۋلاردى قاجەت ەتەتىندىكتەن كەرى قايتارىلدى. كاسىپكەرلەر مۇددەسىن قورعاۋ جانە بيزنەستىڭ جۇيەلىك سيپاتتاعى پروبلەمالارىن انىقتاۋ ماقساتىندا پالاتا ساراپشىلارى كونسۋلتاتيۆتى-كەڭەسشى ورگاندار جۇمىسىنا دا بەلسەندى تۇردە قاتىسادى. بۇگىنگى تاڭدا وبلىستىق دەڭگەيدەگى 25, قالالىق دەڭگەيدەگى 12, اۋدان كولەمىندەگى 5 كونسۋلتاتيۆتى كەڭەسشى ورگانعا پالاتا ساراپشىلارى مۇشەلىككە ەنىپ, كاسىپكەرلەر مۇددەسىن قورعاۋدا,-دەيدى ق. ارالبەكوۆا. ورالحان ءداۋىت. دەرەك, سۋرەت:egemen.kz