22 قاڭتار, 2016

بەيبارىس پەن ەرماحان

494 رەت
كورسەتىلدى
1 مين
وقۋ ءۇشىن
بالالارگا ماراپات«توتەنشە جاعدايداعى ەرلىگى ءۇشىن» توسبەلگىسىمەن ماراپاتتالدى وتكەن جىلدىڭ جازىندا قۇر­مانعازى اۋدانىندا تۇراتىن ەر­ماحان مەن بەيبارىس ەسىمدى قوس ورەننىڭ وزەنگە باتىپ بارا جاتقان ايەلدى قۇتقارعانى تۋرالى جازعان ەدىك. سول وقيعانى قىسقاشا باياندار بولساق, جازدىڭ اپتاپ ىستىعىندا سۋعا ءتۇسىپ, بوي سەرگىتۋگە كەلگەن ولار كومەك سۇراعان ايەلدىڭ داۋى­سىن ەستىگەن. قاس-قاعىم ساتتە ەكەۋى دە ءوز ومىرلەرىن قاتەرگە تىگىپ, وزەن­گە سەكىرەدى. ءسويتىپ, كومەك كۇتىپ ار­پالىسقان اناسىنداي جاندى سۋدان الىپ شىققان. ولاردىڭ ەرلىككە پا­را-پار ءىسى ەسكەرۋسىز قالمادى. ەكەۋى دە «توتەنشە جاعدايداعى ەرلىگى ءۇشىن» توسبەلگىسىمەن ماراپاتتالدى. بۇرناعى كۇنى وبلىس اكىمى باقتىقوجا ىزمۇحامبەتوۆ الىس اۋداندا تۇراتىن ەرماحان مەن بەيبارىستى اتىراۋعا ارنايى شاقىردى. ءوڭىر باسشىسى قىس مەزگىلىندەگى توتەنشە جاعدايلاردىڭ الدىن الۋ جانە جويۋدىڭ ءىس-شارالارى تۋرالى ماسەلەگە قانىققان وبلىستىق ءماسليحات دەپۋتاتتارى الدىن­دا ەرماحان ناسيحان مەن بەي­بارىس قايروللا ۇلىنا اتال­عان توسبەلگىلەردى تاپسىردى. سونىمەن بىرگە, ەرجۇرەك با­لالارعا باعالى سىيلىقتار ۇسىندى. اتىراۋ. سۋرەتتى تۇسىرگەن راحىم قويلىباەۆ.
سوڭعى جاڭالىقتار