ميلليونىنشى ابونەنت

سايرام اۋدانى اقارىس اۋى­­لىنىڭ تۇرعىنى تامارا بينا­زاروۆا «OTAU TV» تەلەراديوحابار تاراتۋ جەلىسىنىڭ ميلليونىنشى ابونەنتى بولىپ انىقتالدى. «OTAU TV» مەرەيتويلىق ابو­نەن­تكە تەلەديدار تارتۋ ەتتى. سونى­مەن قاتار, تامارا ەندى «تو­لىق» اقى­لى ارنالار توپتاماسىن ءبىر جىل بو­يىنا اقشا تولەمەي-اق كورە الادى. تامارا بينازاروۆانى قۇت­تىقتاعان وبلىس اكىمىنىڭ ورىن­باسارى ەرلان ايتاحانوۆ «مەرەي­تويلىق ابونەنتتىڭ ءدال وسى وڭ­تۇستىك قازاقستان وبلىسىنان شىق­قانى تەگىن ەمەس. شەكارالاس جاتقان ءارى حالقى تىعىز ورنالاسقان ءوڭىر ءۇشىن اقپاراتتىق قاۋىپسىزدىك ماسەلەسى وتە وزەكتى. وسى ماقساتتا 2015 جىلى رەسپۋبليكا بويىن­شا شەكارالاس ايماقتاردا 297 رتس سالىنسا, ونىڭ 66-سى وقو اۋماعىندا قولدانىسقا بەرىلدى. كوپتەگەن جىل بويى شەكارالاس اۋماقتاردىڭ تۇرعىندارى جەرسەرىكتىڭ كومەگىمەن كورشىلەس ەلدەردىڭ تەلەحابارىن قاراپ كەلگەن. سونىمەن قاتار, تاياۋ جىلدارعا دەيىن وبلىستاعى 67 ەلدى مەكەننىڭ تۇرعىندارى انالوگتىق جەلىدە نەبارى 1-2 تەلەارنانى تاماشالاعان. ەندى تسيفرلىق جەرسەرىكتىك جانە ەفيرلىك تەلەحابار تاراتۋ جەلىلەرى ىسكە قوسىلعالى بەرى, وڭتۇستىكقازاقستاندىقتار تسيفرلىق ساپاداعى وتاندىق تەلەارنالار حابارلارىمەن تولىق قامتاماسىز ەتىلدى», دەدى. «OTAU TV» جەرسەرىكتىك جەلىسى 2011 جىلى ەلباسىنىڭ تىكەلەي تاپسىرماسىمەن ەلىمىزدە تۇڭعىش رەت قوسىلعان. بۇگىندە ول قازاقستاننىڭ بارلىق وڭىرىندە قولجەتىمدى بولدى. «OTAU TV» ارقىلى 40 تەلەارنانى تاماشالاپ, 14 راديوحابارلارىن تىڭداۋعا بولادى. بۇل تۋرالى ميلليونىنشى ابونەنتتى قۇتتىقتاۋعا ارنايى كەلگەن «قازتەلەراديو» باس كوممەرتسيالىق ديرەكتورى باقتيار وشۋرباەۆ ايتتى. بۇگىندە شامامەن «OTAU TV» ءونىمىن ەلىمىزدىڭ ءتورت ميلليون ادامى, ياعني 23 پايىزى كورەدى ەكەن. ال ونىڭ ءاربىر ءتورتىنشى ابونەنتى وڭتۇستىك تۇرعىندارىنا تيەسىلى. باقتيار تايجان, «ەگەمەن قازاقستان». شىمكەنت.