1000 جىلدىققا – 1000 قايىرىمدى ءىس

«الماتىنىڭ 1000 جىلدىعى – 1000 قايىرىمدى ءىس» جوسپارى اياسىندا مەگاپوليستەگى G38 جاستار ۇيىمى بيزنەس-قاۋىمداستىقپەن, ۇكىمەتتىك ەمەس ۇيىمدارمەن جانە ءجاي عانا الماتىلىقتارمەن ۇدايى قا­رىم-قاتىناستا بولىپ, كو­مەك­كە مۇقتاج جاندارعا مىڭ ءتۇر­­لى قايىرىم­دى­لىق كورسەتپەك. وسىناۋ اكتسيا ۇوس ارداگەر­لەرىن, قارتتاردى, تۇرمىسى ناشار وتباسىلار مەن كوپبالالى ۇيلەردى قامتيدى دەپ كۇتىلۋدە. قايىرىمدى جاستار بالالار ۇيلەرىنە دە بارىپ, مۇمكىندىگى شەكتەۋلى جاندارعا قارايلاساتىن بولادى. مىڭ مەيىرىمگە تولى ءتىر­لىكتىڭ ىشىنە ءۇي جيناپ بەرۋ, قولعابىس ەتۋ, ازىق-ت ۇلىك ساتىپ اپەرۋ, شيپاجايلارعا جولداما ۇيىمداستىرۋ, ءدارى-دارمەكپەن قامتاماسىز ەتۋ, دەنساۋلىق ساقتاۋ مەكەمەلەرىندە ەمدەلۋگە سەپتەسۋدەن باستاپ, ءبارى-ءبارى كىرەدى. اكتسيانى ۇيىمداستىرۋشىلار وسىناۋ ساۋاپتى ىسكە قالاداعى جوو-لاردىڭ ستۋدەنتتەرىن دە تار­تىپ, ولاردى جۇمىسپەن قامتا­ما­سىز ەتۋدى كوزدەپ وتىر. اتالمىش اكتسيا 20 قاڭتاردا الماتىداعى وقۋشىلار سارايىنان باستاۋ الىپ, ەندى جىل اياعىنا دەيىن جالعاسادى. ايناش ەسالي, «ەگەمەن قازاقستان». الماتى.