توپ-مەنەدجەرلەر

جولسەرىك رەتىندە ارقالىققا اتتاندى كۇنى كەشە «جولاۋشىلار تاسىمالى» اق-تىڭ توپ-مەنەدجەرلەرى تۇڭعىش رەت «استانا – ارقالىق» جولاۋشىلار پويىزىنىڭ جولسەرىكتەرى رەتىندە ساپارعا اتتاندى, دەپ حابارلادى «جولاۋشىلار تاسىمالى» اق-تىڭ ءباسپاسوز قىزمەتى. ولاردىڭ قاتارىندا كومپانيانىڭ ساتىلىم جونىندەگى اتقارۋشى ديرەكتورى ايگۇل ءابۋتالىپوۆا, سەرۆيس جونىندەگى اتقارۋشى ديرەكتور نۇرلان يساباەۆ, كادر ءبولىمىنىڭ باستىعى ايگۇل نۇرالينا, جابدىقتاۋ قىزمەتىنىڭ باستىعى ساپار بايماعامبەتوۆ بار. مەنەدجەرلەر ساپار بارىسىندا جەر­گىلىكتى جاعدايمەن جەتە تانىسىپ, پويىزدارداعى قىزمەتتەر مەن سەرۆيستىڭ ساپاسىن ارتتىرۋعا ناقتى قولعابىس جاسايتىن بولادى. وسى جىلدىڭ 20 قاڭتارى مەن 30 ناۋ­رىزى ارالىعىندا كومپانيانىڭ 30-دان استام باسشى قۇرامىنىڭ قىزمەتكەرلەرى 18 باعىت بويىنشا جولاۋشىلار پويىزدارىندا جولسەرىكتەردىڭ مىندەتتەرىن اتقارماق. بۇل باستاما جولاۋشىلار پويىز­دارىنداعى سەرۆيس ساپاسىن ارتتىرۋعا باعىتتالعان كەشەندى جوسپاردىڭ اياسىندا جۇزەگە اسىرىلىپ وتىر.