مۇگەدەكتەر ماسەلەسى كوتەرىلگەن ءماسليحات

الماتىدا «مۇگەدەكتەردى ءما­جى­لىسكە جانە ماسليحاتتارعا سايلاۋ» تاقىرىبىندا ءباسپاسوز ءماسليحاتى ءوتتى. قازاقستان ءباسپاسوز كلۋبى ۇيىم­­داستىرعان جيىنعا قازاقستان مۇگە­دەكتەر وداعىنىڭ توراعاسى, دەنساۋ­لىق ساقتاۋ جانە الەۋمەتتىك دامۋ مي­نيسترىنىڭ كەڭەسشىسى ءالي امانباەۆ, «شى­راق» مۇگەدەكتىگى بار ايەلدەر قاۋىمداستىعىنىڭ ءتورايىمى, دەنساۋ­لىق ساقتاۋ جانە الەۋمەتتىك دامۋ مي­نيسترىنىڭ كەڭەسشىسى ءلاززات كالتاەۆا, «نامىس» جوعارى ءبىلىمى بار مۇگەدەكتەر قو­عامدىق بىرلەستىگىنىڭ توراعاسى, دەنساۋلىق ساقتاۋ جانە الەۋمەتتىك دامۋ ءمينيسترىنىڭ كەڭەسشىسى قايرات يماناليەۆ قاتىسىپ, كوتەرىلگەن ماسەلەلەرگە قاتىستى ۇستانىمدارى مەن ۇسىنىستارىن ءبىلدىردى. «بۇگىنگى تاڭدا مۇگەدەكتەردىڭ قۇ­قىقتارى تۋرالى كونۆەنتسيا بەكىتىلگەن. وسى كونۆەنتسياعا سايكەس مۇگەدەكتەر ءمۇ­گەدەكتىگى بار ادامدارعا بايلانىس­تى ءتۇرلى ستراتەگيالاردى, ساياساتتى ءجا­نە باعدارلامالاردى ازىرلەۋگە قاتى­سۋى ءتيىس. سونىمەن قاتار, بۇل كونۆەنتسيا مۇگەدەكتەردى ۇكىمەتتىڭ اتقارۋشى جانە زاڭ شىعارۋشى ورگاندارىنىڭ جۇ­مى­سىنا بەلسەندى قاتىسۋعا شاقىرادى. وسى­عان وراي, ءماجىلىستىڭ تاراۋى تۋرالى جانە ءماجىلىس پەن ءماس­ليحاتتارعا قوس سايلاۋدى قاتار وتكىزۋ جايلى شەشىمدى قولدايمىز. ۇلتتىق دەڭگەيدە ماجىلىسكە جانە ايماقتىق دەڭ­گەيدە ماسليحاتتارعا مۇگەدەكتىگى بار ادام­دار اراسىنان دەپۋتات سايلايتىن ۋاقىت كەلدى. مۇگەدەكتەر اراسىندا زاڭ اك­تىلەرىن ازىرلەۋگە, ءتۇرلى زەرتتەۋلەر ءجۇر­گىزۋگە, ارنايى الەۋمەتتىك قىزمەت ۇسى­نۋ باعدارلامالارىن جاساۋعا بەل­سەنە قاتىسقان جوعارى ءبىلىمدى جان­دار بار. سوندىقتان, ونداي ادام­داردىڭ پارلامەنت جانە ءماسليحاتتار جۇمىستارىنا قاتىسۋى قاجەت دەپ ويلايمىز. ولاردىڭ بىلەك ءتۇرىپ, ۇلت­تىق جانە ايماقتىق دەڭگەيدە زاڭ شىعارۋ قىزمەتىنە بەلسەنە ارالاسۋى ءمۇ­گەدەكتەردىڭ تۇرمىس ساپاسىن جوعا­رىلاتۋ ءۇشىن لايىقتى جاعداي جاساۋعا مۇمكىندىك بەرەدى. بارلىق پارتيالاردى ماجىلىسكە جانە ماسليحاتتارعا وزدە­رىنىڭ سايلاۋ تىزىمدەرىنە مۇگەدەك­تەر ۇيىمدارىنىڭ وكىلدەرىن ەنگىزۋگە شاقى­رامىز», – دەدى ءباسپاسوز ءماسليحاتىندا ءسوز العاندار. ايناش ەسالي, «ەگەمەن قازاقستان». الماتى.