وڭدى شەشىم قولداۋ تابۋى ءتيىس

كەشە استانادا قازاقستان كوممۋ­نيستىك حالىق پارتياسىنىڭ (قكحپ) وكىلدەرى ارنايى ءباسپاسوز ءماسليحاتىن وتكىزدى. وعان 5-ءشى شاقىرىلىمداعى پارلامەنت ءماجiلiسi «حالىق كوممۋنيستەرi» فراكتسياسىنىڭ باسشىسى, قكحپ جەتەكشىسى ۆلاديسلاۆ كوسارەۆ, پارتيا حاتشىسى تۇرسىن سىزدىقوۆ, ۇيىم مۇشەلەرى گالينا بايماحانوۆا مەن ۆيكتور سميرنوۆ قاتىستى. ءبىرىنشى كەزەكتە ءسوز العان ۆلاديسلاۆ كوسارەۆ ەلiمiزدە پارلامەنت ءماجiلiسi سايلاۋىن كەزەكتەن تىس وتكىزۋ جونىندەگى باستامانىڭ ورىندى كوتەرىلگەنىنە, ونىڭ ەل دامۋىنا تىڭ سەرپىن بەرەتىنىنە توقتالدى. «بiزدەر, قازاقستاندىق كوممۋنيستەر ەلباسى نۇرسۇلتان نازارباەۆتىڭ پارلامەنت ءماجiلiسiن تاراتۋ تۋرالى شەشiمiن بiراۋىزدان قولداپ-قۋاتتايمىز. ويتكەنى, قازىرگى تاڭدا الەمدە ادامزاتتى تولعاندىرعان ماسەلەلەر كوبەيىپ كەتتى. اسىرەسە, ەكونوميكالىق داعدارىس, ءارتۇرلi ساياسي كيكىلجىڭدەر يەكتەپ الدى. ەلiمiزدە وتەتiن سايلاۋ حالىققا, بارلىق سايلاۋشىلارعا, قوعامدىق كۇشتەرگە, ساياسي پارتيالارعا بۇگىنگى جاعدايدا ەلiمiزدiڭ ءومiرi مەن قىزمەتiنە, مۇمكىندىكتەرىنە تالداۋ جاساۋعا جانە مەملەكەت باسشىسىنىڭ بيىلعى جولداۋىنان تۋىندايتىن ماقسات-مىندەتتەرىمىزدى انىقتاۋعا جول اشادى. وسى جىلدارى قازاقستان كوممۋنيستەرى, پارتيامىزدىڭ ماجىلىستەگى فراكتسياسى بەلسەندى جۇمىس ىستەپ, ەلىمىزدىڭ قاراپايىم تۇرعىندارىنىڭ مۇڭ-مۇقتاجىن ايتىپ, مۇددەسىن قورعاي بiلەتiن ۇيىم ەكەنىن كورسەتە ءبىلدى», – دەدى ۆ.كوسارەۆ. سپيكەردىڭ سوزىنە قاراعاندا, پارتيا 2004 جىلدان بەرى بارلىق پرەزيدەنتتiك جانە پارلامەنتتiك سايلاۋلارعا قاتىسىپ, ءوزىنىڭ سايا­سي بەلسەندى كۇش ەكەنىن تانىتا العان. ونىڭ ايتۋىنشا, 2012 جىلعى پارلامەنتتىك سايلاۋدا پارتيا 7,19 پايىز داۋىس جيناعان, ياعني بارلىق سايلاۋشىلاردىڭ 500 مىڭى قكحپ ءۇشiن داۋىس بەرگەن. قكحپ ورتالىق كوميتەتiنiڭ حاتشىسى تۇرعىن سىزدىقوۆ تا ءوز پارتيالاستارى پرەزيدەنتتiڭ پارلامەنت ءماجiلiسi ساي­لاۋىن مەرزiمiنەن بۇرىن وتكiزۋ تۋرالى جارلىعىن قولدايتىنىن جەتكىزە كەلىپ, سوڭعى كەزدەرى ەلىمىزدە اتقارىلىپ جاتقان يگى شارالارعا نازار اۋداردى. «بiز پارلامەنت ءماجiلiسi دەپۋتاتتارىنىڭ ۇندەۋiن دۇرىس باستاما رەتىندە قابىلدادىق. سوندىقتان, پرەزيدەنتتiڭ پارلامەنت ءماجiلiسi سايلاۋىن مەرزiمiنەن بۇرىن وتكiزۋ تۋرالى جارلىعىن بiراۋىزدان قولداپ وتىرمىز. قازiرگi تاڭدا ەكونوميكالىق داعدارىسقا قارسى كۇرەستە ەلiمiزدىڭ شيرىعا ءتۇسۋى ءۇشىن ءتيىستى جوسپارلار قابىلدانىپ, اۋقىمدى شارالار قولعا الىنۋدا. ماسەلەن, نۇرسۇلتان نازارباەۆتىڭ بيىلعى جولداۋى, «نۇرلى جول» باعدارلاماسى, «100 ناقتى قادام» ۇلت جوسپارى سياقتى كوپتەگەن باعدارلامالار ەلىمىزدىڭ داعدارىستى ەڭسەرۋىنە مول مۇمكىندىك بەرەدى. بiز وسىناۋ باعدارلامالاردى جاڭا, تىڭ كۇشپەن جۇزەگە اسىرۋىمىز كەرەك. ول ءۇشiن بiرلiك, ىنتىماق كەرەك», – دەدى تۇرعىن سىزدىقوۆ. سونداي-اق, قازاقستان كوممۋنيستiك حالىق پارتياسى ورتالىق كوميتەتiنىڭ حاتشىسى ەلىمىزدىڭ iشكi ماسەلەسىن ەشكiم كەلىپ شەشiپ بەرمەيتىنىن ايتا كەلىپ, ەلباسى ساياساتىنىڭ ارقاسىندا مەملەكەتىمىزدە جالپىعا ورتاق ەڭبەك قوعامى قۇرىلعانىن, ونىڭ قكحپ باعدارلاماسىنا سايكەس كەلەتىنىن اتاپ ءوتتى. جيىندا ءسوز العان 5-ءشى شاقىرىلىمداعى پارلامەنت ماجiلiسiندەگi «حالىق كوممۋنيستەرi» فراكتسياسىنىڭ مۇشەسى گالينا بايماحانوۆا دا ءوز ارىپتەستەرىنىڭ سوزدەرىن قولداي وتىرىپ, سايلاۋعا قاتىستى شىققان ەلباسى جارلىعىنىڭ ءمان-ماڭىزى جونىندە اڭگىمەلەپ بەردى. جولدىباي بازار, «ەگەمەن قازاقستان».