ۇنەمدەۋدى ۇيرەنۋىمىز كەرەك

قازاقستان جاھاندىق ۇدەرىس شاڭىنا جۇتىلىپ كەتپەي, تاريح جىلنا­ماسىنان ءوز ورنىن وي­ىپ تۇرىپ الۋى كەرەك. ول ءۇشىن جاسايتىن جۇ­مىستار جەتكىلىكتى. ەڭ باستىسى, ەلىمىزدى تۋرا جولدان اداستىرمايتىن, جاھاندىق سىن-قاتەرلەرگە ۇرىن­دىر­ماي­­تىن, داعدارىسقا قارسى باع­دارلامالاردى قامتيتىن ۇلت جوسپارىمىز بار. وسىنداي جاعدايدا پارلامەنت ءماجىلىسى دەپۋتاتتارىنىڭ ءوز وكىلەتتىكتەرىن مەرزىمىنەن بۇرىن توقتاتۋىن سۇراعان ۇندەۋىن قا­بىلداپ, جارلىققا قول قويعان مەملەكەت باسشىسى نۇرسۇلتان نازارباەۆ «مەن دەپۋتاتتاردىڭ باستاماسىن قازاقستان مەن قا­زاقستاندىقتاردىڭ تاعدىرىنا وتانشىلدىق تۇرعىدان قامقور­لىق تانىتۋدىڭ كورىنىسى دەپ قابىلدايمىن», دەدى. بۇرىنعى پارلامەنت ءماجىلى­سى دەپۋتات­تارىنىڭ پار­­لا­مەنت­تەن بولەك ءتۇرلى دەڭ­گەيدەگى ءماسليحاتتار سايلاۋلارىن ارتىق قارجى شى­عىنسىز ءبىر مەزگىلدە وتكىزۋگە ءۇن­دەگەنى دە ەلدىڭ قامى دەپ تۇسىندىك. ءبىز شيكىزاتتان ءتۇ­سەتىن تا­بىسقا مالدانا بەرمەي ونىڭ باعاسى تومەن جاعدايدا دا ءومىر سۇرۋگە تالپى­نۋىمىز كەرەك. الەم­دە تابيعي قازبا باي­لىقتارى جوققا ءتان بولسا دا شەكەسىنەن شەرۋەن اتىپ, عىلىم مەن جاڭا تەحنو­لوگيالار­دىڭ ارقاسىندا بايلىققا باتىپ وتىر­­عان مەملەكەتتەر بار. ءبىزدىڭ ەلدە دە جاڭاشا ويلاي الاتىن, الەمدىك عىلىمي جاڭا­لىقتاردىڭ يەسى, يدەيالارىن ءوندى­رىسكە قول­دانسا ۇلكەن تابىسقا كە­نەل­تەتىن عالىمدارىمىز جەتكى­لىكتى. قازاقستاننىڭ كەلەشەگى شا­عىن جانە ورتا بيزنەستە. ۇلان-عايىر جەرىمىز مىڭ­عىرعان مال وسىرۋگە دە, باۋ-باقشا, كوكونىس, استىق ەگۋىمىزگە دە مولىنان جەتەدى. بۇل تۋرالى ەلباسىمىز تالاي رەت ايتقان. جا­يى­­لىمدىققا جەر تاپپاي وتىرعان مەملەكەتتەر دە بار. ماسەلەن, جوعارى سۇرىپتى سيىر ەتىن دايىنداۋمەن اتى شىققان, كۇرەپ تابىس تاۋىپ وتىرعان وڭتۇستىك كورەيا مەملەكەتى مال بورداقىلاۋ كونتسەرن­دەرىنە ازىقتىق جەم دايىنداۋ ءۇشىن قاجەت ءشوپ, داقىلداردى امەري­كادان باستاپ ءبىراز شەتەلدەردەن تاسىمالدايدى. وزىندە جەر جەتپەيدى. قازىر وڭتۇستىككورەيالىق كاسىپكەرلەر سارىاعاش اۋدانىندا جىلىجاي سالۋ, باۋ-باق­شا ونىمدەرىن ءوسىرۋ جونىندە اكىمدىكپەن كەلىسىمشارت جاساسىپ, ينۆەستيتسيا سالىپ جاتىر. مەملەكەت باسشىسى پارلامەنت ءما­جىلىسى دەپۋتاتتارىنىڭ كەزەكتەن تىس ساي­لاۋىن تاعايىنداۋعا بايلانىس­تى حالىققا ۇندەۋىن­دە يندۋستريالاندى­رۋدى العا باس­­تىرىپ, شاعىن جانە ورتا بيزنەستى دامىتۋ كەرەكتىگىن ايتتى. بۇل باعىتتا وبلىس باسشىسى بەيبىت اتامقۇلوۆ تولىمدى جۇمىس جاساپ جاتقان­دىعىن ايتۋ كەرەك. مەملەكەت باسشىسى «قازاقستانداعى ءۇشىنشى قالا شىمكەنت» دەپ باعا بەرگەن شاھار اكىمى عابيدۋللا ءابدىراحيموۆ تە شىمكەنتتىڭ ساۋلەتىن ارتتىراتىن, بايلىعىن ەسەلەيتىن, حالىقتىڭ ءال-اۋقاتىن كوتەرەتىن جوبالار دايىنداپ, ۇلكەن ينۆەس­تيتسيالاردىڭ قۇيىلۋىنا ۇيىتقى بولىپ وتىر. قازىرگىدەي قيىن جاعدايدا ىسىراپسىز ءومىر ءسۇرىپ, رەسۋرستاردى ۇنەمدەپ, جۇمىس ورىندارىن ساقتاماسقا بولمايدى. «قازىر ەلدىڭ ءاربىر ازاماتىنىڭ پات­ريوت­تىعى سىنعا تۇسۋدە. بىزدە تاعدىرعا مويىنسۇنىپ, ايتەۋىر ءبىر ۋاقىتتارى ءبارى ورنىنا كەلەتىنىنە, مۇناي باعاسى كوتەرىلىپ, جاع­دايدىڭ جاقساراتىنىنا ۇمىتتەنىپ وتىرۋعا ۋاقىت جوق. بۇگىندە كەز كەلگەن جاھاندىق سىن-قاتەرگە ۇنەمى جۇيەلى ءارى الدىن الا جاۋاپ بەرۋ جانە ءتيىستى شارالار قابىلداۋ ماڭىزدى. بىزگە «قازاقستان-2050» سترا­تەگياسىنىڭ باعىتىن جال­عاس­تىرىپ, داعدارىسقا قارسى باع­دارلامانى ىسكە اسىرۋ, ۇلت جوس­پارىن ورىنداۋ كەرەك. مىڭ­داعان ازاماتتارىمىزعا جۇمىس بەرە وتىرىپ, «نۇرلى جول» باع­دارلاماسىن بەلسەندى جۇزەگە اسىرۋ قاجەت. ۇكىمەت, مينيسترلەر مەن بارلىق دەڭگەيدەگى اكىمدەر بۇرىنعى داعدارىس تاجىريبەسى مەن ين­فراقۇرىلىمدىق قۇرىلىس ءمۇم­كىندىكتەرىن پايدالانا وتىرىپ, جۇمىس ورىندارىن ۇسىنۋ ارقىلى شىعىنداردى قىسقارتۋ, اپپاراتتى وڭتايلاندىرۋ ءۇشىن رەزەرۆتەر ىزدەستىرۋى ءتيىس», دەدى ەل­باسى. ءبىز وسى ۇدەدەن تابىلۋعا ءتيىس­تىمىز.  بەيسەنبەك جانبوسىنوۆ, شىمكەنت قالاسى اكىمىنىڭ ورىنباسارى.  وڭتۇستىك قازاقستان وبلىسى.