توپ بەلسەندىلىگىمەن تانىلدى

ەلباسى نۇرسۇلتان نازارباەۆ بۇگىنگى دامۋىمىزدىڭ باستى قۇ­جاتىندا: «قازاقستان حال­قى­نا جول­داۋىمداعى بارلىق مىندەت­تەردى ءجۇ­زەگە اسىرۋدا مەن «نۇر وتان» پارتياسىنا ەرەكشە ورىن بەرەمىن... كەڭ كولەمدى ءتۇسىندىرۋ جۇمىستارىن جۇرگىزىپ, ادامداردى جۇمىلدىرۋ, قويىلعان بارلىق ءمىن­دەتتەردى ورىنداۋدا بىرىكتىرۋ كەرەك. جولداۋدى جۇزەگە اسىرۋعا بەلسەنە قاتىسۋعا شاقىرامىن», دەپ اتاپ كورسەتتى. بۇل پارتيانىڭ سەنىمدى قولقاناتى «جاس وتان» جاستار قاناتىنا قويىلعان تىكە­لەي تاپسىرما ەكەندىگى انىق. مۇ­نى جاقسى تۇسىنەتىن جارقايىڭ اۋ­داندىق جاستار ۇيىمىندا ما­ڭىزدى قۇجاتتىڭ قاعيداتتارىن جۇرت­­شىلىققا جەتكىزۋ ماقساتىندا قوعامدىق اقپاراتتىق-ناسيحاتتىق توپ قۇ­رىلعان بولاتىن. جۋىردا «نۇر وتان» پار­تيا­سىنىڭ اۋداندىق فيليا­لىندا دەر­­جاۆين قالاسىنىڭ جاس­تارى­­مەن كەزدەسۋ بولىپ ءوتتى. باس­قوسۋ­دى توپ باسشىسى, جاستار رەسۋرس­تىق ور­­تا­لىعىنىڭ ديرەكتورى, اۋ­دان­دىق «جاس وتان» جق جەتەكشىسى فارحات بايقاسوۆ اشىپ, ءوز سوزىندە ەلباسى جولداۋىنداعى نەگىزگى تۇ­جىرىمدارعا توقتالىپ ءوتتى. – مەملەكەت باسشىسى, «نۇر وتان» پارتياسىنىڭ توراعاسى نۇر­سۇلتان ءابىش ۇلى نازارباەۆ «قا­زاقستان جاڭا جاھاندىق ناقتى احۋالدا: ءوسىم, رەفور­مالار, دامۋ» ات­تى جولداۋىندا جاس­تارعا ۇلكەن مىندەتتەر جۇكتەدى. جولداۋداعى: «ءبىلىمدى, ەڭبەكقور, باستاماشىل, بەلسەندى بولۋعا قازىردەن باستاپ داعدىلانىڭدار... ەرىنبەي ەڭبەك ەت­كەن, تالماي عىلىم ىزدەگەن, جا­لىق­پاي تەحنيكا مەڭگەرگەن ادام وزادى. تۇرمىسى جاقسى, ابىرويى اسقاق بولادى. ءبىز جۇزەگە اسىرىپ جاتقان تۇبەگەيلى رەفورمالار مەن اتقارىپ جاتقان قىرۋار ىستەردىڭ ءبارى سەندەر ءۇشىن, بولاشاق ءۇشىن جا­سالۋدا», دەگەن ۇلاعات ءبىزدى ءۇل­كەن جاۋاپكەرشىلىككە باستايدى. اۋ­دان جاستارى وسىناۋ ابىرويلى مىندەتتەر ۇدەسىنەن شىعادى دە­گەن سەنىمدەمىن, – دەدى جاستار جەتەكشىسى. سونىمەن قاتار, قاتىسۋشىلار الدىندا اۋداننىڭ بەلسەندى جاس­تارى باقىتگۇل دارينوۆا, ءمادينا قاراتاەۆا, توقتار شپانوۆ, ءادىل نۇر­بەكوۆ ءسوز الىپ, جولداۋدىڭ نەگىزگى باعىتتارى جايلى اڭگى­مە­لەدى. وسىمەن ءبىر مەزەتتە قالا جاس­تا­رىنىڭ قازاقستان پرە­زي­دەن­تى ن.نازارباەۆتىڭ جۋىردا جاريالاعان «ۇلت جوسپارى – قا­زاق­­ستاندىق ارمانعا باستايتىن جول» ماقالاسى جايلى قىزۋ پىكىر الماسۋى ۇيىمداستىرىلدى. توپ مۇشەلەرى كەلەسى كۇنى اۋ­دان ورتالىعىنداعى اقپان ۇكىباەۆ اتىنداعى ورتا مەكتەپتىڭ مۇعا­لىم­­دەرىمەن جانە جوعارى سىنىپ وقۋشىلارىمەن كەزدەسۋ وتكىزدى. جاسوسپىرىمدەر ءوز بولاشاعىنا بەي­جاي قارامايتىنىن اڭعارتىپ, ءبىلىم بەرۋ سالاسىنا بايلانىس­تى كوپتەگەن ساۋالدارىن قويدى, ونىڭ ىشىندە قانداي ماماندىقتى تاڭداۋ قاجەتتىگى, تەحنيكالىق ما­مان­دىق بەرەتىن وقۋ ورىندارى, جۇمىسقا ورنالاسۋ ماسە­لەسى تۋرا­لى تولعانىستارعا تىڭ­عىلىقتى جاۋاپتار قايتارىلدى. قوعامدىق اقپاراتتىق-ناسي­حات توبى تاياۋ ارادا وتەتىن اۋىل جاس­تارى­مەن كەزدەسۋگە قىزۋ دايىندالۋ­دا.  باقبەرگەن امالبەك, «ەگەمەن قازاقستان».   اقمولا وبلىسى, جارقايىڭ اۋدانى.