اقمولادا «قازاقالتىن» 800 كيلو التىن وندىرگەن

اقمولا. 20 قاڭتار. اقمولا وبلىسىنداعى «قازاقالتىن» سەرىكتەستىگى وتكەن جىلى 800 كيلو التىن وندىرگەن. بۇل تۋرالى وبلىس اكىمدىگىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. شورتاندى اۋدانىنا جۇمىس ساپارىمەن بارعان وبلىس اكىمى سەرگەي كۋلاگين اتالعان كاسىپورىنعا ات باسىن بۇرىپ, ونىداعى ءوندىرىستىڭ جاي كۇيىمەن تانىستى. ءوز كەزەگىندە «قازاقالتىن» تمك باس ديرەكتورى ەۆگەني بالاشوۆ سەرىكتەستىكتىڭ وتكەن جىلى وندىرگەن ءونىمىن باياندادى. ونىڭ ايتۋىنشا, اتالعان كاسىپورىندى مودەرنيزاتسيالاۋ تۇراقتى تۇردە جۇرگiزiلگەن. ماسەلەن, وسى باعىتقا 2014 جىلى 421,4 ملن. تەڭگە, 2015 جىلى — 650,2 ملن. تەڭگە جۇمسالعان. جالپى جاڭا ورىنداردى بارلاۋ جانە اشۋ جۇمىستارىنا بىلتىر 1,2 ملرد. تەڭگە باعىتتالعان. ايتا كەتەيىك, ايماق باسشىسى مەملەكەتتىك-جەكەمەنشىكتىك ارىپتەستىك اياسىندا جۇمىس ىستەيتىن «توي-داستارحان» اسحاناسىنىڭ قىزمەتىنە دە جوعارى باعا بەردى. مۇندا تاڭعى اس قۇنى 220 تەڭگە, تۇستiك اس – 550, ال كەشكi اس قۇنى— 330 تەڭگەنi قۇرايدى. باقبەرگەن امالبەك. دەرەك, سۋرەت: اقمولا وبلىس اكىمدىگىنىڭ ءباسپاسوز قىزمەتى.