ينتەرنەت الاياقتارى استانالىقتاردى الداپ سوقتى

استانا. 11 قاڭتار. استانا قالالىق ىشكى ىستەر دەپارتامەنتى قالا تۇرعىندارى مەن قوناقتارىنا ينتەرنەت ارقىلى الاياقتىق جاسايتىنداردىڭ پايدا بولعانىن ەسكەرتتى. بۇگىندە استانالىق تەرگەۋشىلەر سونداي الاياقتارعا سەنىپ, ءىرى كولەمدەگى اقشالارىنان ايىرىلعان بىرنەشە جابىرلەنۋشىنىڭ شاعىمى بويىنشا تەرگەۋ جۇمىستارىن جۇرگىزۋدە. بۇل تۋرالى قالالىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. اتالعان دەپارتامەنتتىڭ تەرگەۋ ءبولىمىنىڭ باستىعى, پوليتسيا مايورى المات اقىتاەۆتىڭ ايتۋىنشا, بارلىق جاعدايدا الاياقتار قاراپايىم قىلمىستىق جۇيە بويىنشا ارەكەت ەتكەن. بۇل جونىندە ول: «جابىرلەنۋشىلەر ينتەرنەت ارقىلى ارزان باعاعا جىلجىمايتىن م ۇلىك نەمەسە باسقا دا تاۋارلاردى تابادى. الايدا, ولار كۋالاندىراتىن قۇجاتتارىنىڭ دۇرىستىعى, مەملەكەتتىك ورگانداردا تىركەلگەندىگى سىندى ءتيىستى تەكسەرىستەردى جۇرگىزبەستەن «ساتۋشىلارمەن» حابارلاسقان. سول كەزدە ارنايى جوسپار بويىنشا وزدەرىن ساتۋشى رەتىندە تانىستىرعان الاياقتار قۇرباندارىن شەتەلدە جۇرگەنىنە سەندىرگەن. وسىلايشا ءىستىڭ بايىبىنا بارماعان جابىرلەنۋشىلەر «ساتۋشىعا» تولەم قابىلەتتىلىگىنە كەپىل رەتىندە Money Gram جانە Western Union جۇيەلەرى ارقىلى كەلىسىلگەن سومانىڭ ءبىر بولىگىن اۋدارعان. وسى رەتتە كوپ جاعدايدا ءىرى كولەمدەگى اقشا اۋدارىلعانىن اتاپ وتكەن ءجون. اۋدارىلعان اقشا جابىرلەنۋشىلەردىڭ ءوز اتتارىنا نەمەسە بىرەگەي كودىن كورسەتۋ ارقىلى ولاردىڭ تۋىسقاندارىنىڭ اتىنا تۇسكەن. وسىدان كەيىن الاياقتار بانك قۇجاتتارىن بىرەگەي كودسىز سكانەرلەپ, ەلەكتروندى پوشتا ارقىلى وزدەرىنە جىبەرۋلەرىن سۇراعان. از ۋاقىتتان كەيىن بەلگىسىز بىرەۋلەر كورسەتىلگەن قارجىنى اتالعان شوتتان الىپ وتىرعان. مىنە, ءدال وسى كەزدە كەيبىر جابىرلەنۋشىلەر شوتلانديا, پورتۋگاليا, فرانتسيا سىندى ەۋروپا ەلدەرىندە Money Gram جانە Western Union جۇيەلەرى ارقىلى اۋدارىلعان اقشانى الۋ ءۇشىن بىرەگەي كودتىڭ قاجەت ەمەستىگىن انىقتاعان», – دەيدى ءبولىم باستىعى. تەكسەرىس كەزىندە الاياقتاردىڭ جابىرلەنۋشىلەرمەن بايلانىسقان IP ادرەسى جوعارىدا اتالعان ەلدەرگە تيەسىلى ەكەنى بەلگىلى بولدى. سول سەبەپتى, استانا قالالىق ىشكى ىستەر دەپارتامەنتى تۇرعىندارعا ەلەكتروندى ساۋدا جاساۋ كەزىندە اسا ساق بولۋ كەرەكتىگىن قاتاڭ ەسكەرتەدى. ەلامان قوڭىر. دەرەك: استانا قالالىق ىشكى ىستەر دەپارتامەنتىنىڭ ءباسپاسوز قىزمەتى. سۋرەت: fishki.net.