پاۆلودار. 11 قاڭتار. وبلىستىق ءبىلىم بەرۋ باسقارماسى, «ەرتىس دارىنى» ورتالىعى وڭىرىمىزدەگى جوعارعى وقۋ ورىندارى سۇلتانماحمۇت تورايعىروۆ اتىنداعى ۋنيۆەرسيتەتتە, پەداگوگيكالىق ينستيتۋتتا, ينەۋ-ءدىڭ عىلىمي ادىستەمەلىك كومەگىمەن جىل سايىنعى وقۋشىلاردىڭ وبلىستىق ءپان وليمپياداسىن وتكىزۋدە. بۇل تۋرالى «ەرتىس دارىنى» ورتالىعىنا سىلتەمە جاساعان egemen.kz ءتىلشىسى حابارلادى.
وليمپيادا ورتا مەكتەپتەردىڭ 9-11 سىنىپ وقۋشىلارى اراسىندا 15 جالپى ءبىلىم بەرۋ پاندەرى بويىنشا سىناق تاپسىرادى. بيىلعى وقۋ جىلىندا وبلىستىق ءپان وليمپياداسىنا 707 وقۋشى قاتىسۋدا. وبلىستىق ءپان وليمپياداسىنا 3 قالادان, 10 اۋداننان جانە دارىندى بالالارعا ارنالعان مامانداندىرىلعان 12 مەكتەپ كوماندالارى, بارلىعى 25 كوماندا بار. قۇرامى بويىنشا سانى جاعىنان ەڭ ۇلكەن كوماندالار – «جاس دارىن» مامانداندىرىلعان مەكتەبى, دارىندى بالالارعا ارنالعان №8 مەكتەپ-ليتسەيى, وبلىس ورتالىعى مەكتەپتەرىنىڭ قۇراماسى.اۋداندار اراسىندا-باياناۋىل, پاۆلودار اۋداندارىنىڭ كوماندالارى. وليمپيادانىڭ ەڭ كوپ قاتىسۋشىلارى بار پاندەر - اعىلشىن ءتىلى-79 وقۋشى, قازاقستان تاريحى پانىنەن - 70 وقۋشى جانە بيولوگيا پانىنەن - 67 وقۋشى.
فاريدا بىقاي.
دەرەك: egemen.kz.
سۋرەت: «ەرتىس دارىنى» ورتالىعى.
