كانادا تۇرعىنى لوتەرەيادان 5 ملن. اقش دوللارىن ۇتىپ الدى

استانا. 11 قاڭتار. كانادادا بەلگىسىز بىرەۋ «49-دان 6» دەپ اتالاتىن ۇلتتىق لوتەرەيادان 7 ملن. كانادا دوللارىن ۇتىپ الدى. بۇل سوما اقش دوللارىنا شاققاندا 5 ملن.-دى قۇرايدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. اتالعان مالىمەتتى كانادادا ونعا جۋىق ءارتۇرلى لوتەرەيا ويىندارىن ۇيىمداستىراتىن Atlantic Lottery قاۋىمداستىعى دا راستاپ وتىر. ازىرگە ۇتىس بيلەتى حالىق تىعىز قونىستانعان ەلدىڭ ونتاريو ايماعىندا ساتىلعانى بەلگىلى. ۇيىمداستىرۋشىلار وينالعان نومىرلەردى دە جاريالادى. ءبىر مەزەتتە يەسىن باي قىلعان بيلەتتىڭ نومىرلەرى – 5, 22, 30, 33, 45 جانە 48. بۇل لوتەرەيانىڭ بۇعان دەيىنگى ەڭ ءىرى ۇتىسى 2 قاڭتار كۇنى تىركەلگەن ەدى. ول كەزدە كۆەبەك ايماعىنىڭ تۇرعىنى 23,4 ملن. كانادا دوللارىن (17 ملن. اقش دوللارى) ۇتىپ الدى. ايتا كەتەيىك, وتكەن جىلدىڭ قازان ايىندا «49-دان 6» لوتەرەياسى كانادا تاريحىنداعى ەڭ ءىرى سوماداعى دجەكپوتتى ويناتتى. ناقتى ايتقاندا, ول كەزدە ۇتىس يەسى بىردەن 64 ملن. كانادا دوللارىنا (49,5 ملن. اقش دوللارى) بايىپ شىعا كەلدى. ەلامان قوڭىر. دەرەك: تاسس. سۋرەت: AP Photo.