ءسات ساپار!

كوكشەتاۋ قالاسىنداعى قوعامدىق كەلىسىم سارايىندا, جالپىۇلتتىق «ۇلكەن ەل – ۇلكەن وتباسى» جوباسى اياسىندا, «تاۋەلسىزدىك جىلىنا – 25 جىل» اكتسياسى باستاۋ الدى. شاراعا قاتىسقان ەتنومادەني ورتالىقتاردىڭ وكىلدەرىن, دەپۋتاتتاردى, وبلىستىق باسقارمالار مەن دەپارتامەنتتەردىڭ باسشىلارىن, قالىڭ جۇرتشىلىقتى قۇتتىقتاۋ سوزىندە اقمولا وبلىسى اكىمىنىڭ ورىنباسارى نۇرلان نۇركەنوۆ ەلباسى, قازاقستان حالقى اسسامبلەياسىنىڭ توراعاسى نۇرسۇلتان نازارباەۆ اسسامبلەيانىڭ ءححىى سەسسياسىندا جانە قازاقستان پاتريوتتارىنىڭ فورۋمىندا باستاماشىلىق كورسەتكەن شارانىڭ ماڭىزدىلىعىن اتاپ كورسەتتى. – عاسىرلار بويعى ارمان تاۋەل­سىزدىككە قول جەتكىزۋ ارقىلى ءبىز وتانىمىزدى كوركەيتۋدىڭ تاريحي مۇمكىندىگىنە يە بولدىق, – ­­ دەدى نۇرلان جاڭبىرشى ۇلى. ءبىز وسىناۋ قىسقا ءارى وتە جاۋاپتى 25 جىلدا سەرپىندى ەڭبەك ەتىپ, زامانا كوشىندەگى مۇلدەم جاڭا, قۋاتتى مەملەكەتتى قۇرا بىلدىك. بۇگىنگى كۇنى قازاقستان مەملەكەتتىك قۇرىلىستىڭ ساپالىق جاڭا كەزەڭىنە شىقتى. بارشامىزدى جەڭىسكە باستايتىن قادامدار قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ بەس ينستيتۋتتىق رەفورماسىندا تۇبەگەيلى ايقىن­دالدى. ۇلت جوسپارىنىڭ تەمىر­قازىعى – ەلىمىزدى مەيلىنشە دامىعان 30 مەملەكەتتىڭ قاتارىنا قوسۋدى ماقسات تۇتاتىن «ماڭگىلىك ەل» يدەياسى. الەمدى قاۋزاعان داعدارىستارعا قاراماستان ەل ەكونوميكاسىنىڭ سەرپىندى وسىمىنە باعىتتالعان شارالار جۇزەگە اسىرىلۋدا. «نۇرلى جول» باعدارلاماسى جال­عاسىن تاۋىپ, ۇدەمەلى يندۋس­- تريالىق-يننوۆاتسيالىق دامۋ­دىڭ ەكىنشى بەسجىلدىعى باستاۋ الدى. قازاقستان ەۋرازيالىق ەكونوميكالىق وداق پەن دۇنيەجۇزىلىك ساۋدا ۇيىمىنىڭ مۇشەسى رەتىندە قازاقستان حالقىنىڭ تۇرمىسى مەن وتانىمىزدىڭ گۇلدەنۋىنىڭ ماقساتتى جولىن جالعاستىرۋدا. ءبىزدىڭ رەسپۋبليكامىز 2015 جىلى ەكسپورتتاۋشى جەتەكشى 50 ەلدىڭ قاتارىنا قوسىلىپ, الەمدىك ساتىداعى 43-ءشى ورىنعا كوتەرىلدى. بيىلعى 1 قاڭتاردان الەۋمەتتىك جاردەماقىلار, زەينەتاقى مەن شاكىرتاقى, بيۋدجەتتىك مەكەمەلەر مەن مەملەكەتتىك قىزمەتكەرلەردىڭ ەڭبەكاقىسى ءوستى. قازىرگى جاع­دايدا مۇنداي كەپىلدىكتى كەز كەل­گەن مەملەكەت قامتاماسىز ەتە بەر­مەيتىنى بەلگىلى. بۇگىنگى كۇنى ءبىزدىڭ بارشامىز, ورتاق وتانى­مىزدىڭ پاتريوتى رەتىندە, ناق­تى ىستەرگە جاۋاپكەرشىلىكپەن كىرىسۋىمىز كەرەك. تاۋەلسىزدىك مۇ­رات­تارىنا ادال بولۋ, شىرايلى شاڭىراعىمىزدىڭ شاتتىعىن ەسەلەۋ ءاربىر ازاماتتىڭ اسىل پارىزى سانالادى. سونداي-اق, شاراعا قا­تىسۋ­شىلار الدىندا «قازاق ءتىلى مەن مادەنيەتى» قوعامدىق ۇيىمىنىڭ توراعاسى مەيرامبەك قيىقوۆ, «ورىس قاۋىمداستىعى» جانە «ۆيدەرگەبۋرت» نەمىس قوعامدىق بىرلەستىگىنىڭ جەتەكشىلەرى الەك­ساندر ارتەمەنكو مەن ليۋبوۆ لەنەۆا ءسوز الىپ, «تاۋەلسىزدىكتىڭ 25 جىلدىعىنا – تۇعىرلى 30 شارا» باستاماسىن كوتەردى. سالتاناتتى باسقوسۋدا ءبىر توپ بەل­سەندى ازاماتقا مەملەكەت باس­شىسىنىڭ, وبلىس اكىمىنىڭ العىس حاتتارى مەن «قازاقستان حالقى اسسام­بلەياسىنا – 20 جىل» مەرە­كەلىك مەدالدارى تابىس ەتىلى. شارا قورىتىندىسىندا, تاۋەل­- سىزدىگىمىزدىڭ 25 قۇرداسىنىڭ «العا, قازاقستان!» ءانىن شىرقاۋى جۇرت­شىلىقتى تەبىرەنىسكە بولەدى. باقبەرگەن امالبەك, «ەگەمەن قازاقستان». اقمولا وبلىسى.