جانار-جاعارماي يمپورتى سالىقتان بوساتىلا ما؟

كۇن تارتىبىندەگى العاشقى ماسەلە – باۋ-باقشا قوعامدارىنىڭ ققس بويىنشا ەسەپكە تۇرۋ مىندەتى. ققس بويىنشا مىندەتتى تىركەۋ شەگىنىڭ 40 ملن تەڭگەگە دەيىن تومەندەۋىنە بايلانىستى تۇتىنۋ كووپەراتيۆى تۇرىندە تىركەلگەن كوممەرتسيالىق ەمەس ۇيىمدار اراسىندا الاڭداۋشىلىق تۋىنداعان.

قارجى ۆيتسە-ءمينيسترى ەرجان ءبىرجانوۆتىڭ تۇسىندىرۋىنشە, تۇتىنۋ كووپەراتيۆى مۇشەلىك جارنا ەسەبىنەن ورتاق شىعىندى جابۋ ءۇشىن قۇرىلعان ازاماتتار بىرلەستىگى بولىپ سانالادى. مۇشەلىك جارنالار تاۋار نە قىزمەت ءۇشىن تولەم رەتىندە تانىلمايدى, تيىسىنشە ققس سالىناتىن اينالىمعا جاتپايدى. سوندىقتان مۇشەلىك جارنا تۇسكەن كەزدە ققس ەسەپتەلمەيدى جانە شوت-فاكتۋرا جازىلمايدى.

دەمەك, كووپەراتيۆ تەك جارنا جيناۋمەن جانە ونى مۇشەلەرىنىڭ ورتاق قاجەتتىلىگىنە جۇمساۋمەن شەكتەلسە, ققس بويىنشا ەسەپكە تۇرۋ تالابى قويىلمايدى. ال قوسىمشا كاسىپكەرلىك قىزمەت جۇرگىزىپ, تاۋار نە قىزمەت ساتۋدان تابىس تاپقان جاعدايدا عانا سالىق مىندەتتەمەسى تۋىندايدى.

ءىرى سالىق بەرەشەگى بار تۇلعالارعا ەلدەن شىعۋعا تىيىم سالىنادى

ججم يمپورتى كەزىندە ققس-تان بوساتۋ

جيىندا حالىقارالىق تاسىمالداۋدا اۋە كەمەلەرى پايدالاناتىن جانار-جاعارماي ماتەريالدارىن يمپورتتاۋ كەزىندە ققس-تان بوساتۋ ماسەلەسى دە قارالدى. جاڭا سالىق كودەكسىنىڭ 479-بابىندا مۇنداي وپەراتسيالارعا قاتىستى ديپلوماتيالىق نەمەسە كونسۋلدىق مەكەمەلەردىڭ وتىندى ماقساتتى پايدالانعانىن قوسىمشا راستاۋ تالابى كوزدەلگەن.

الايدا وتىرىسقا قاتىسۋشىلار بۇل شارتتى ارتىق اكىمشىلىك كەدەرگى دەپ باعالادى. ناتيجەسىندە ارتىق راسىمدەردى بولدىرماۋ ماقساتىندا اتالعان تالاپتى قولدانباۋ جونىندە شەشىم قابىلداندى.

رەزيدەنت ەمەستەردىڭ قىزمەتى بويىنشا شوت-فاكتۋرا

سونىمەن قاتار 2026 جىلدان باستاپ رەزيدەنت ەمەستەردەن جۇمىستار مەن قىزمەتتەردى ساتىپ الۋ كەزىندە شوت-فاكتۋرا راسىمدەۋ تالابى ەنگىزىلەدى. بۇل رەتتە ققس تولەۋشىلەر مەن تولەمەيتىندەر ءۇشىن ءتارتىپ ءارتۇرلى بولماق. مەملەكەتتىك كىرىستەر كوميتەتى اتالعان نورمالاردىڭ قولدانىلۋ ءتارتىبى جونىندە الداعى ۋاقىتتا رەسمي تۇسىندىرمە بەرەدى.

حالىق پەن سالىقتىڭ ەسەبىن تۇگەندەگەن جوبا

ءوزىن-ءوزى جۇمىسپەن قامتىعاندارمەن ءوزارا ءىس-قيمىل

ءوزىن-ءوزى جۇمىسپەن قامتىعاندارمەن جۇمىس ىستەۋ بارىسىندا شىعىستاردى شەگەرىمگە جاتقىزۋ ماسەلەسى دە جان-جاقتى تالقىلاندى. اتاپ ايتقاندا, جالپىعا بىردەي بەلگىلەنگەن رەجيمدە جۇمىس ىستەيتىن جاۋاپكەرشىلىگى شەكتەۋلى سەرىكتەستىكتىڭ قۇرىلتايشىسى بولىپ تابىلاتىن جەكە تۇلعامەن, ەگەر ول ءوزىن-ءوزى جۇمىسپەن قامتىعاندارعا ارنالعان ارناۋلى سالىق رەجيمىن قولدانسا, جاسالعان شارت بويىنشا شىعىستاردى كورپوراتيۆتىك تابىس سالىعى (كتس) بويىنشا شەگەرىمگە جاتقىزۋ مۇمكىندىگى قاراستىرىلدى.

قولدانىستاعى سالىق كودەكسىندە مۇنداي شىعىستاردى شەگەرۋگە تىيىم سالىنباعان. جەكە تۇلعانىڭ, ونىڭ ىشىندە قۇرىلتايشىنىڭ قوسىمشا مارتەبەسى شەگەرىمنەن باس تارتۋعا نەگىز بولمايدى.

دەگەنمەن ءوزىن-ءوزى جۇمىسپەن قامتۋ رەجيمى باستاپقىدا وزگە كاسىپكەرلىك قىزمەت جۇرگىزبەيتىن ازاماتتارعا ارنالعانى, ال ەڭبەك قاتىناستارىن ازاماتتىق-قۇقىقتىق شارتتارمەن الماستىرۋعا جول بەرىلمەيتىنى اتاپ ءوتىلدى. بۇل ماسەلە الداعى وتىرىستاردا قايتا قارالماق.

اۋىل شارۋاشىلىعى ءونىمىن راستاۋ تەتىكتەرى

جيىندا ارنايى سالىق رەجيمىن قولداناتىن شارۋا قوجالىقتارىنىڭ ءونىم ءوندىرىسىن راستاۋ تەتىكتەرى دە ءسوز بولدى. مۇنداي شارالار اۋىل شارۋاشىلىعى ونىمدەرىن وتكىزۋ كەزىندە «سۇر» يمپورتتىڭ جولىن كەسۋ ءۇشىن قاجەت.

مال شارۋاشىلىعىندا مالدىڭ شىعۋ تەگى اقپاراتتىق جۇيەلەر ارقىلى ايقىندالادى, ال ەگىن شارۋاشىلىعىندا قاداعالاۋ جۇيەسى جۇمىس ىستەيدى. دەگەنمەن ءونىمدى راستاۋ مەحانيزمىن ناقتىلاۋ قاجەتتىگى ايتىلدى. ماسەلە بەيىندى مەملەكەتتىك ورگانمەن بىرلەسىپ پىسىقتالىپ, جوبالىق كەڭسەنىڭ كەلەسى وتىرىسىنا ۇسىنىلادى.

جوبالىق كەڭەستە قارالعان باستامالار سالىقتىق اكىمشىلەندىرۋدى وڭتايلاندىرۋعا, ارتىق كەدەرگىلەردى ازايتۋعا جانە كولەڭكەلى اينالىمدى قىسقارتۋعا باعىتتالعان. جاڭا سالىق كودەكسىن ءتيىمدى ىسكە اسىرۋ وسى ۇستانىمدارعا نەگىزدەلمەك.

قارجى سەكتورىنا سالىق سالۋ جايى قارالدى