قارجىلىق مونيتورينگ اگەنتتىگىنىڭ اقمولا وبلىسى بويىنشا دەپارتامەنتىنىڭ مالىمەتىنشە, ەكى جىل بويى «مولپرودجاركاين» سپك ديرەكتورى ەفيمكينا مەن «راسسۆەت» شارۋا قوجالىعىنىڭ باسشىسى ماسلوۆ زاڭسىز سۋبسيديا الىپ وتىرعان.
تەرگەۋ دەرەگىنە سايكەس, «راسسۆەت» قوجالىعىندا كورسەتىلگەن كولەمدە ءسۇت وندىرۋگە جەتكىلىكتى مال باسى بولماعان. سوعان قاراماستان, ەلەكتروندىق شوت-فاكتۋرالار اقپاراتتىق جۇيەسىندە «مولپرودجاركاين» مەكەمەسىنە 3 ملن كيلوگرامنان استام شيكى ءسۇت جەتكىزىلدى دەگەن جالعان قۇجاتتار راسىمدەلگەن.
583 ملن تەڭگەدەن استام زالال: تۇركىستاندا مەكتەپ قارجىسىن جىمقىرعان 14 ادام سوتتالدى
وسى قۇجاتتاردىڭ نەگىزىندە ءسۇتتى سارى ماي مەن قاتتى ىرىمشىككە وڭدەۋ تۋرالى ەسەپ جاسالىپ, سۋبسيديا الۋعا وتىنىمدەر بەرىلگەن. وتىنىمدەر ماقۇلدانعاننان كەيىن قاراجات كاسىپورىن شوتىنا اۋدارىلعان. مەملەكەتكە كەلتىرىلگەن جالپى شىعىن 152 ملن تەڭگەنى قۇرادى.
تەرگەۋ بارىسىندا الىنعان سۋبسيديانىڭ ءبىر بولىگىن ەفيمكينا تۋىسىنىڭ دەپوزيتتىك شوتىنا اۋدارعانى انىقتالدى. بۇل قاراجاتقا جىلجىمالى عيمارات ساتىپ الىنىپ, كەيىن ول جالعا بەرىلىپ وتىرعان.
قىلمىستىق ءىس اياسىندا 6 جەر تەلىمى, 4 پاتەر, 11 اۆتوكولىك, جىلجىمالى عيمارات جانە وندىرىستىك نىسانعا تىيىم سالىندى.
اقتوبەدە پروكۋرور ۇستالدى: شەنەۋنىك 10 ملن تەڭگە پارا الدى دەگەن كۇدىككە ءىلىندى
سوت شەشىمىمەن ماسلوۆ پەن ەفيمكينا ارقايسىسى 6 جىل 4 اي مەرزىمگە باس بوستاندىعىنان ايىرىلدى. جىلجىمالى عيمارات مەملەكەت كىرىسىنە تاركىلەندى. قالعان م ۇلىككە سالىنعان تىيىم ازاماتتىق تالاپ بويىنشا شىعىن تولىق وتەلگەنگە دەيىن ساقتالادى.
ۇكىم زاڭدى كۇشىنە ەندى.
