فوتو: اشىق دەرەككوز
24 اقپان ساعات 09:00-دەگى جاعداي بويىنشا بىرقاتار وڭىردە جول قوزعالىسى بارلىق كولىك تۇرلەرى ءۇشىن اشىق.
سولتۇستىك قازاقستان وبلىسى
وبلىس اۋماعىنداعى بىرنەشە رەسپۋبليكالىق ماڭىزى بار جول ۋچاسكەلەرىندە كولىك قوزعالىسىنا رۇقسات بەرىلدى. اتاپ ايتقاندا, استانا – كوكشەتاۋ – پەتروپاۆل – رف شەكاراسى, استانا – اتباسار – قوستاناي باعىتى, جەزقازعان – ارقالىق – پەتروپاۆل جولى, كوكشەتاۋ – قازاقستان شەكاراسى باعىتتارى, سونداي-اق پەتروپاۆل قالاسى مەن اۋداندىق ەلدى مەكەندەردى بايلانىستىراتىن جولدار اشىق تۇر.
قوستاناي وبلىسى
استانا – قوستاناي باعىتى جانە قوستاناي – مامليۋتكا جولىنىڭ جەكەلەگەن ۋچاسكەلەرىندە قوزعالىس قامتاماسىز ەتىلگەن.
اقمولا وبلىسى
كوكشەتاۋ – رۋزاەۆكا, كوكشەتاۋ – قازاقستان شەكاراسى, كوكشەتاۋ قالاسىنىڭ اينالما جولى, ششۋچينسك – زەرەندى, كوكشەتاۋ – اتباسار, ماكينسك – اقسۋ – تورعاي, استانا – پەتروپاۆل جانە استانا – قوستاناي باعىتتارىندا جول اشىلدى.
اباي وبلىسى
الماتى – تالدىقورعان – وسكەمەن – شەمونايحا – رەسەي شەكاراسى اۆتوجولىنىڭ اياگوز قالاسىنان شىعىس قازاقستان وبلىسىنىڭ شەكاراسىنا دەيىنگى بولىگى اشىق.
شىعىس قازاقستان وبلىسى
اتالعان باعىت بويىنشا اباي وبلىسىنىڭ شەكاراسىنان «رۋبەج» بەكەتىنە دەيىن كولىك قوزعالىسىنا رۇقسات ەتىلگەن.
جابىق جولدار
اۋا رايىنىڭ قولايسىزدىعىنا بايلانىستى كەيبىر جول ۋچاسكەلەرىندە ۋاقىتشا شەكتەۋ ەنگىزىلدى.
قاراعاندى وبلىسىندا 800-دەن استام كولىك قار قۇرساۋىندا قالىپ قويدى
پاۆلودار وبلىسى
استانا – شىدەرتى – پاۆلودار – ۋسپەنكا – رەسەي شەكاراسى اۆتوجولىنداعى «قالقامان» جولايرىعىندا (قالقامان كەنتىنە كىرەبەرىس پەن استانا باعىتىنا شىعار تۇس) كوپىر قۇرىلىمىنىڭ زاقىمدانۋىنا بايلانىستى قوزعالىس شەكتەلدى.
شىعىس قازاقستان وبلىسى
كۇردەلى تاۋلى ايماققا بايلانىستى وسينوۆ اسۋىندا (46-66 كم, سەۆەرنىي اۋىلىنا بۇرىلىس پەن سەرەبريانسك قالاسىنا بۇرىلىس ارالىعى) 2024-2025 جىلعى قىسقى كەزەڭدە تىركەمەلى جانە جارتىلاي تىركەمەلى جۇك كولىكتەرىنىڭ قوزعالىسىنا شەكتەۋ قويىلعان.
قازىرگى تاڭدا جول قىزمەتتەرى كۇشەيتىلگەن رەجيمدە جۇمىس ىستەپ جاتىر. جۇرگىزۋشىلەرگە جولعا شىعار الدىندا اۋا رايى مەن جول جاعدايى تۋرالى اقپاراتتى ناقتىلاپ الۋ ۇسىنىلادى.
