سۋعا زارۋلىكتەن قۇتىلدى

سارىاعاش قالاسىنىڭ تۇر­عىندارى ەندى اۋىز سۋدى كەس­تەمەن ەمەس, تاۋلىك بويى ءۇز­دىكسىز تۇتىنا الاتىن بولدى. وسى ۋاقىتقا دەيىن شاھار جۇرتشىلىعىنا تىرشىلىك ءنا­رى بەلگىلى ءبىر ۋاقىتتا عانا بە­رىلەتىن. سۋدان تارىققان كەزدەردە كوپ­قاباتتى ءۇي تۇرعىندارى تازا سۋدى تاسىپ ىشسە, قالا شەتىندە تۇ­را­­تىن وتباسىلارعا مۇلدەم قيىن ەدى. اۋىز سۋدىڭ ماشاقاتى سارى­اعاشتا 6 مىڭ تەكشە مەتر تازا سۋدى سىيدىرا الاتىن رەزەرۆۋاردىڭ ىسكە قوسىلۋىنىڭ ارقاسىندا جوي­ىل­ماق. نىسان تولىق قۋاتىندا جۇمىس ىستەگەن كەزدە 113 مىڭ تۇرعىنى بار سارىاعاش قالاسى مەن اۋدانداعى 10 اۋىل اۋىز سۋمەن تاۋلىك بويى قامتاماسىز ەتىلەتىن بولادى. ايتا كەتەيىك, سارىاعاش اۋدا­نىنداعى 154 ەلدى مە­كەننىڭ 65-ءى تازا اۋىز سۋدى ور­­تالىقتاندىرىلعان قۇبىر ار­قىلى تۇتىنادى. بىرەر جىلدا اۋىز سۋدان تارىعىپ وتىرعان 49 اۋىلدا بۇل ماسەلە شەشىلەدى دەپ جوسپارلانىپ وتىر. قازىر وسى ەلدى مەكەندەردىڭ جەر استى سۋ قورى زەرتتەلۋدە. جۇمىستار بىتكەن سوڭ اۋىلداردان ارنايى ۇڭعىمالار قازىلا باستايدى. «ەگەمەن-اقپارات».