300 پاتەر جىلۋ جۇيەسىنە قوسىلادى

وبلىستاعى شالعايداعى اۋدان ورتالىعى بولىپ سانالاتىن جە­لەزينكادا سوڭعى جىلدارى  ءبىراز جاقسى ىستەر قولعا الىنا باس­تا­دى. اۋىل شارۋاشىلىعى وركەن­دەگەن  جەمىس-جيدەگى مول, ۇيرەك پەن قازدى كوپ وسىرەتىن, جىلدا مول ءونىم الاتىن استىقتى اۋدان دەگەن اتى بار. ال, اۋدان ورتالى­عىندا  ءارتۇرلى ۇلت وكىلدەرىنىڭ باسىن قۇرايتىن ءۇش مىڭداي حا­لىق تۇرادى. بۇلاردىڭ اراسىندا ورتا تولتىرىپ وزبەكستان جاعى­نان كەلگەن ءوز قانداستارىمىز دا بار. قازاق تىلىندە ءبىلىم بەرەتىن  جاڭا ورتا مەكتەپ سالىندى. بىل­تىر جاڭا اۋرۋحانا, سپورت­تىق-ساۋىقتىرۋ كەشەنى پايدا­لانۋعا بەرىلدى. كۇنىنە 500 ليتر ءسۇت وندىرەتىن, ودان قايماق, ءىرىم­شىك, ايران جاساپ شىعاراتىن “نوكەر” اتتى كووپەراتيۆ جۇمىس جاسايدى. ال, بيىل اۋدان ورتا­لى­عىندا ىسكە اسقان تاعى ءبىر شا­رۋا – ول تالاي جىلدار بويى تۇر­عىندار اسىعا كۇتكەن ءبىر ور­تا­لىقتان جاعىلاتىن جىلۋ جۇيە­سىنىڭ ىسكە قوسىلۋى بولىپ وتىر. جالپى, اۋداندا “جول كار­تاسى” باعدارلاماسى بوي­ىن­شا 5 جوبا قولعا الىنعان بولسا, سونىڭ  قاتارىندا اۋدان ورتالىعىنداعى تۇر­عىن-ءۇي كوممۋنالدىق شارۋا­شى­لىق سالاسىنا قاراستى نى­سانداردى, جەكە تۇرعىن ۇيلەردى جىلىتۋ ماۋسىمىنا دەيىن دايىنداپ, جىلۋ قازان­دىقتارىن اۋىستىرىپ, ءجون­دەۋ-جاڭارتۋ جۇمىستارى ءجۇر­گىزىلۋدە. تۇرعىن ۇيلەردەن باس­قا 40 الەۋمەتتىك نىسان دا ەندى وسى جىلۋ جۇيەسىنىڭ قىز­مەتىن پايدالاناتىن بو­لا­دى. بۇل ماقساتتى باعدارلا­ما­عا 60 ميلليون تەڭگەدەي قاراجات بولىنگەن كورىنەدى. اۋدان ورتالىعىنداعى  تۇر­عىن­داردى قۋانتقان مۇنداي يگى ءىس جەرگىلىكتى “كومەك” دەپ اتالاتىن كاسىپورىن باس­شى­سى ۆالەري جۋكوۆقا جۇكتە­لىپ­تى.  بۇل جۇمىستارعا 115 ادام تارتىلعان. فاريدا بىقاي, پاۆلودار وبلىسى.