جەرگىلىكتى جاعداي نەگە ەسكەرىلمەيدى؟

قىزىلجار وڭىرىندە ەگىن وراعى­نىڭ ناعىز قىزعان كەزى. 3,9 ميلليون گەكتار ءداندى داقىلدار القابىنىڭ جارتىسىنان استامى باستىرىلىپ, گەكتار بەرەكەسى 9,8 تسەنتنەردەن اي­نالۋدا. بيىلعىداي كۇردەلى اۋا رايى جاعدايىندا بۇل جامان كورسەتكىش ەمەس. بۇگىندە سولتۇستىكقازاقستاندىق ديقانداردى جاۋاپتى ناۋقاندى ءوت­كىزۋ بارىسى ەمەس, استىقتى ساتۋ باعا­سى قاتتى تولعاندىرىپ وتىر. ول جونىندە ءبىز جازعان ەدىك. (“ەگىن وسىرۋشىلەردىڭ وكپەسى”, 17 تامىز.) مودەرنيزاتسيا جانە ەكونومي­كا­لىق ماسەلەلەر جونىندەگى مەم­لە­كەت­تىك كوميسسيانىڭ اۋىلشارۋاشىلىق قۇرىلىمدارىنان 1 تونناسى 26500 تەڭگەگە تەڭ (180 اقش دوللارى) 2 ميلليون توننا استىق قابىلداۋ تۋ­رالى جۋىرداعى شەشىمى اۋىلشا­رۋا­شىلىق تاۋارلارىن وندىرۋشىلەردىڭ كەلىسپەۋشىلىگىن تۋدىرىپ, ايران-اسىر قىلدى. ماسەلەنىڭ ءمان-جايىن بىلمەك نيەتپەن وبلىستىق اۋىل شا­رۋاشىلىعى باسقارماسىنىڭ باستى­عى سەرىك تاشەنوۆپەن حابارلاسقان ەدىك. – سولتۇستىك قازاقستان وبلىسى بويىنشا كۆوتا مولشەرى – 600 مىڭ توننا. استىقتىڭ ساتىپ الۋ باعاسى كەمى 200 دوللار بولادى دەگەن ءۇمى­تى­مىز اقتالمادى. راسىندا دا باعا ءتو­مەن. نەندەي نەگىزدەرگە سۇيەنىپ قوي­ىل­­عانىن بىلە المادىق. الايدا, تاپ­سىر­مانى ورىنداماي بولمايدى, دەدى ول. قازاقستاننىڭ ەڭبەك ەرى گەن­نادي زەنچەنكو ءبىر توننا استىقتىڭ باعاسى 230 دوللاردان كەم تۇسپەۋى ءتيىس دەگەن پىكىردە. سانالى عۇمىرىن ەگىنشىلىك سالاسىنا ارناپ كەلە جات­قان داڭعايىر ديقان ءوز ءسوزىن مول ءتا­جىريبەگە سۇيەنىپ, جەرگىلىكتى جاعداي مۇمكىندىكتەرىن ەسكەرىپ ايتقانى داۋ­سىز. جشس جەتەكشىسى كونستانتين ميشەنەۆ مۇنداي باعامەن جۇمسال­عان شىعىن اقتالادى دەگەنگە سەن­بەيدى. جىل وتە اۋىر ءتيدى. جازدىڭ اپتاپ ىستىعى مەن قۇرعاقشىلىعى زيان كولەمىن ءوسىرىپ جىبەردى. الەمدىك باعا شارىقتاپ كەتتى. ىرگەمىزدەگى رەسەيدە 200 دوللار. بىزدە قوسىمشا قۇن سالىعىن ەسەپتەگەندە 160 دول­لار­دان عانا اينالادى. ەرتەڭ زاڭسىز جولدارمەن سىرتقا اعىلماسىنا, ىشكى رىنوكتى دەلدالداردىڭ جاۋلاپ الما­سىنا كىم كەپىل؟ وسى جايتتەر جان-جاقتى تارازىلانۋى ءتيىس ەدى. ايتپەسە, شارۋا قوجالىقتارىنىڭ دا, اۋىلدىڭ دا جاعدايىن وڭالتۋ قيىن. سوندىقتان ۇكىمەت باعا ساياسا­تىن قايتا قاراۋى كەرەك دەيدى ەگىن وسىرۋشىلەر. شىنىندا دا, ەلىمىزدە ازىق-ت ۇلىك قاۋىپسىزدىگىن قامتاماسىز ەتۋگە زور ۇلەس قوسىپ كەلە جاتقان قىزىلجار ءوڭىرى ديقاندارىنىڭ ءوتىنىش-تىلەكتەرى نەگىزسىز ەمەس. بىلتىر استىقتىڭ باعاسى قۇل­دىراپ كەتكەنىنە قاراماستان نان باعاسى وزگەرىسسىز, ارزانداماعان كۇيى قالدى ەمەس پە؟ دەمەك, نان جانە نان ونىمدەرى باعاسىنىڭ نەگىزسىز كوتەرىلمەۋى تەك باعاعا عانا تىرەلىپ تۇرماسا كەرەك. ءىرى اگروقۇرىلىمدار باسشىلارى وسىلاي قينالسا, ەركىن رىنوكقا شىعۋعا ەش مۇمكىندىكتەرى جوق شاعىن شارۋاشىلىقتاردىڭ ءحالى قالاي بولماق؟ ءومىر ەسقالي, سولتۇستىك قازاقستان وبلىسى.