ارداگەر اياقدوپ شەبەرىنە قۇرمەت

“نۇر وتان” حدپ ورتالىق اپپاراتىندا پارتيا توراعاسىنىڭ ءبىرىنشى ورىنباسارى نۇرلان نىعماتۋلين تانىمال فۋتبولشى, قازاقستاننىڭ ەڭبەك سىڭىرگەن جاتتىقتى­رۋشىسى, قازاقستان رەسپۋبليكاسى فۋتبول فەدەراتسياسىنىڭ ۆيتسە-پرزيدەنتى سەيىلدا بايشاقوۆپەن كەزدەستى. سپورتتاعى جولىن 1970 جىلى جامبىلدىڭ “ەنەرگەتيك” كومانداسىندا باستاعان سەيىلدا بايشاقوۆ ءبىر جىلدان كەيىن سول كەزدەگى ەلىمىزدىڭ جەتەكشى كومانداسى – “قايراتتىڭ” نەگىزگى قۇرامى ساپىنا شاقىرىلادى. تاسقامال قورعاۋشى كسرو چەمپيوناتىنىڭ ەڭ ۇزدىك دەبيۋتانتى رەتىندە تانىلسا, كسرو بىرىنشىلىگىنىڭ جوعارعى ليگاسىندا 225 ماتچ وتكىزىپ, ءوزىن اسا شەبەر ويىنشى رەتىندە كورسەتە بىلگەن. كەزدەسۋ كەزىندە نۇرلان نىعماتۋلين قازاقستان فۋتبولىنىڭ دامۋىنا ولشەۋسىز ۇلەس قوسقان, بۇگىندە 60 جاسقا تولىپ وتىرعان مەرەيتوي يەسىن اسقارالى جاسىمەن قۇتتىقتاپ, وعان پارتيانىڭ ەڭ جوعارعى ماراپاتى – “بەلسەندى قىزمەتى ءۇشىن” ءتوس­­بەلگىسى مەن ەستەلىك سىيلىقتار تابىس ەتتى. ء“سىز تەك قازاقستاندا عانا ەمەس, بۇ­رىنعى وداق كولەمىندە ەڭ ۇزدىك دەبيۋتانت اتانىپ قانا قويماي, قازاعىمىزدىڭ اتىن شىعاردىڭىز. سول ءۇشىن ءبىز ءسىزدى قازاق فۋت­بولىنىڭ ابىرويى, قاھارمانى, قا­زاق­ستانىمىزدىڭ مەرەيى, مارتەبەسى دەپ بىلەمىز جانە ارقاشان دا قۇرمەتتەيمىز. ءسىز قا­زاقستان فۋتبولىنىڭ دامۋىنا ۇلكەن ۇلەس قوسىپ كەلەسىز. جاسىڭىزعا جاس قوسىلىپ, حالقىمىز ءۇشىن, جاستار ءۇشىن ەڭبەك ەتىپ جۇرە بەرىڭىز. ال ءبىز, “نۇر وتان” پارتياسى سىزدەرگە قولداۋ كورسەتەتىن بولامىز. سەبەبى, ەلباسى نۇرسۇلتان نازارباەۆتىڭ ءوزى ايتقانداي, قازاقستاندىقتاردىڭ 30 پايىزعا جۋىعى بۇقارالىق سپورتقا جۇمىلۋى قاجەت. ال سىزدەر, ياعني سپورت سالاسىنىڭ ماماندارى مەملەكەت باسشىسىنىڭ سول تاپسىرماسىن ورىنداۋعا تىكەلەي مۇددەلى بو­لىپ, قازاق سپورتىنىڭ دامۋىنا ۇلكەن ءمان بە­رىپ وتىرسىزدار”, – دەگەن پارتيا ءتو­را­عاسىنىڭ ءبىرىنشى ورىنباسارى ارداگەر سپورت­شىعا دەنساۋلىق, وتباسىنا اماندىق تىلەدى. ال سەيىلدا بايشاقوۆ ءوز كەزەگىندە پارتيانىڭ وزىنە كورسەتكەن قۇرمەتى ءۇشىن العىسىن جەتكىزدى. “بۇل ەڭ ءبىرىنشى كەزەكتە ماعان دەگەن قۇرمەت پەن سەنىمنىڭ بەلگىسى. سول سەبەپتى مەن بولاشاقتا دا ءوزىمنىڭ بار كۇش-جىگەرىمدى قازاقستان سپورتىنىڭ دامۋىنا باعىتتايتىن بولامىن”, دەدى تانىمال اياقدوپ شەبەرى. ءلايلا ەدىلقىزى.