پالاتا الدىنداعى مىندەتتەر اۋقىمدى

كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتانىڭ كۇزگى العاشقى جالپى وتىرىسى وتكىزىلدى. وندا سپيكەر پرەزيدەنتتىڭ پارلامەنت سەسسياسىنىڭ اشىلۋىندا سويلەگەن سوزىندەگى باسىمدىقتارعا جانە ودان تۋىندايتىن مىندەتتەرگە كەڭىنەن توقتالدى. ءماجىلىس توراعاسى ەقىۇ ءسامميتىنىڭ وتكىزىلۋى تۋرالى شەشىم ەلىمىزدىڭ الەۋمەتتىك-ەكونوميكالىق جانە قوعامدىق-ساياسي دامۋدا قول جەتكىزگەن جارقىن تابىستارىن وبەكتيۆتى تۇردە تانۋ بولىپ قانا قويماي, جاھاندىق قاۋىپسىزدىك پەن ىنتىماقتاستىققا لايىقتى ۇلەس قوسا الاتىن بەدەلدى مەملەكەتكە اينالعانىن دا ايعاقتاي تۇسەرىن ەرەكشە اتاي كەتتى. سونداي-اق سپيكەر ەل ىشىندەگى وڭ ۇدەرىستەرگە دە توقتالدى. اتاپ ايتقاندا, ءون­دىرىستىڭ ءار ءتۇرلى سالالارىنداعى جاعداي ايتارلىقتاي جاقسارىپ, قارجى جۇيەسى تۇراقتانعان. مەم­لەكەت جوسپاردا تۇرعان بارلىق الەۋمەتتىك مىندەتتەمەلەردى تولىق كولەمدە ورىنداپ كەلەدى. ۇدەمەلى يندۋس­تريا­لىق-يننوۆاتسيالىق دامۋ باع­دارلاماسىن ىسكە اسىرۋ شەڭبەرىندە 72 جاڭا ءوندىرىس ورنى اشىلسا, جىلدىڭ سوڭىنا دەيىن تاعى دا سونشا ءوندىرىس ىسكە قوسى­لادى دەپ كۇتىلۋدە. ونىڭ ۇستىنە ۇكىمەت جىل سوڭىنا دەيىن ين­دۋس­تريالىق سايا­سات, ارنايى ەكو­نو­مي­كالىق اي­ماق­تار جانە ينۆەس­تيتسيالار تۋرالى زاڭدارعا وزگە­رىستەر مەن تولىقتىرۋ­لار ەنگىزۋگە قاتىستى جانە وزگە دە زاڭ جوبا­لارىن ۇسىنۋى ءتيىس. اسىرەسە, وسى سەسسيادا “عىلىم تۋرالى” زاڭ­نىڭ جاڭا رەداكتسيا­سىمەن جۇمىس اياقتالۋى قاجەت. سونىمەن قاتار, مەملەكەتتىڭ قۇقىق قورعاۋ سالاسى مەن سوت جۇيەسىن ودان ءارى جەتىلدىرۋدى زاڭ­نا­مالىق جاعىنان قامتاماسىز ەتۋ بويىنشا اۋقىمدى جۇمىس كۇتىپ تۇرعانى ەرەكشە اتالدى. “قىل­مىس­كەرلىكتىڭ پروفيلاكتيكاسى, قىلمىستىق جازاسىن وتەگەن ادامداردى الەۋمەتتىك بەيىمدەۋ جانە وڭالتۋ جۇيەسىن رەفورمالاۋ تۇرعىسىنان دا ۇلكەن زاڭنامالىق ماسەلەلەر توپتاماسىن شەشۋىمىز كەرەك”, دەدى ورال بايعونىس ۇلى. ەلىمىزدىڭ زياتكەرلىك مەنشىكتى قورعاۋ تۋرالى زاڭناماسىن حالىق­ارالىق ستاندارتتارعا سايكەس كەل­تىرۋ, نوتاريات تۋرالى زاڭنامانى جاڭارتۋ ۋاقىت تالابى. سپيكەر دەپۋتاتتاردىڭ بيۋدجەت جوباسىنا قويىلاتىن تالاپتارى زاڭ جوباسى ەنگىزىلگەنگە دەيىن ايقىندالۋى قاجەتتىگىن ايتا وتىرىپ, وسى رەتتە پرەزيدەنتتىڭ مەملەكەتتىك شىعىس­تاردى ازايتۋ جانە شۇعىل قاجەتتىلىكتەر ءۇشىن قارجى رەزەرۆ­تەرىن قالىپتاستىرۋ تۋرالى تاپ­سىرماسىن ەسكەرۋدى نازارعا سالدى. پالاتادا “مەملەكەتتىك م ۇلىك تۋرالى”, “نەكە (ەرلى-زايىپ­تى­لىق) جانە وتباسى تۋرالى”, “اتوم ەنەر­گياسىن پايدالانۋ تۋرالى”, ء“مۇد­دەلىك قولداۋ تۋ­را­لى”, “حالىقتىڭ كوشى-قونى تۋ­را­لى”, “مۇناي ءونىم­­دەرىنىڭ جە­كەلەگەن تۇرلەرىن ءوندىرۋدى جانە ولاردىڭ اينا­لىمىن مەم­لەكەتتىك رەتتەۋ تۋ­رالى”, “قا­زاقستان رەس­پۋبلي­كاسىنىڭ كەيبىر زاڭنا­ما­لىق اكتى­لەرىنە ازاماتتاردى تۇر­عى­لىقتى جەرى بويىنشا تىركەۋ ماسەلەلەرى بويىنشا وزگەرىستەر مەن تو­لىق­تىرۋلار ەنگىزۋ تۋرالى” زاڭ جو­بالارىمەن جۇمىس اياقتالۋ ال­دىن­دا. وسى رەتتە ءماجىلىس ءتور­اعا­سى ۇكىمەت تاراپىنان ۇسىنى­لاتىن زاڭ جوبالارىنىڭ ساپاسىنا ايرىقشا ءمان بەرىلۋى قاجەتتىگىن نىعارلاي جەتكىزدى. “وكىنىشكە قا­راي, ءماجىلىستىڭ قاراۋىنا جەتىل­مەگەن, قالاي بولسا سولاي قۇراس­تى­رىلا سالعان جوبالاردىڭ ءتۇسۋى ءجيى ورىن الىپ تۇرادى. سونىمەن بىرگە, ءبىز پرەزيدەنتتىڭ تاپسىرما­سى بويىنشا مەملەكەتىمىزدىڭ سترا­تەگيالىق دامۋ باعدارلامالارىنا بولىنەتىن قاراجاتتىڭ ۇتىمدى جۇمسالۋىن قاتاڭ باقىلاۋعا الۋدى قامتاماسىز ەتۋگە ءتيىسپىز”, دەدى و.مۇحامەدجانوۆ. ولاي بولسا, “نۇر وتان” حدپ توراعاسى نۇر­سۇل­تان نازارباەۆتىڭ العا قويعان بارلىق مىندەتتەرىن ىسكە اسىرۋدا پارتيا مەن ونىڭ ماجىلىستەگى فراكتسياسىنا ماڭىزدى مىندەتتەر جۇكتەلەتىنى انىق. پارتيانىڭ باعدارلامالىق قۇجاتتارى ءتارتىپ بولعاندا عانا تابىستى تۇردە ورىندالادى. بۇدان كەيىن دەپۋتاتتار ءماجى­لىس توراعاسىنىڭ ورىنباسارى بولىپ سايلانعان ەكونوميكالىق رەفورما جانە وڭىرلىك دامۋ كوميتەتىنىڭ توراعاسى ۆلاديمير بوبروۆتىڭ ورنىنا سەيىتسۇلتان ايىمبەتوۆتى لايىقتى دەپ تاپتى. سايلاۋ اشىق داۋىس بەرۋ ارقىلى جۇزەگە استى. كەشەگى وتىرىستا كۇن تارتىبىنە قويىلعان ماسەلەلەردىڭ بارلىعى دەرلىك زاڭ جوبالارىنا قورى­تىندى ازىرلەۋمەن شەكتەلدى. ەسە­سىنە دەپۋتاتتار ءتۇرلى مەملەكەتتىك ورگاندارعا كوپتەگەن ساۋالدار جولدادى. اسقار تۇراپباي ۇلى.