باق وكىلدەرىنە ارنالعان شەبەرلىك سىنىبى

جۋىردا “نۇر وتان” حدپ پارتيالىق باقىلاۋ كوميتەتى مەن قازاقستاننىڭ “باس رەداكتورلار كلۋبى” بىرىگىپ, باق باسشىلارى مەن جۋرناليستەرىنە ارنالعان شەبەرلىك-سىنىپ ۇيىمداستىردى. وعان ماسس-مەديا سالاسىنداعى شەتەل ساراپشىلارى, قازاقستانداعى ليتۆا ەلشىلىگىنىڭ وكىلى انتاناس پەتراۋسكاس, سونىمەن قاتار, “باس رەداكتورلار كلۋبىنىڭ” باسشىلىعى قاتىستى. “نۇر وتان” حدپ “باس رە­داك­تور­لار كلۋبى” قوعامدىق بىرلەس­تى­گى­مەن ىنتىماقتاستىق تۋرالى مە­موراندۋم اياسىندا وتكەن شەبەر-سىنىپتىڭ ماقساتى – باق-تاردا تۋىندايتىن ماسەلەلەردىڭ الدىن الىپ, شەتەلدىك باق وكىلدەرىمەن تاجىريبە الماسۋ. قوعامدىق سا­نا­نىڭ قالىپتاسۋىندا باق-تاردىڭ ەرەكشە ءرولىن ەسكەرە وتىرىپ, اقپا­رات تاراتۋداعى ۇستانىمدار مەن ءوزىن­دىك قاعيدالارىنا ءجىتى توقتالعان بۇل كەزدەسۋدىڭ ماڭىزى زور بولدى. شەبەرلىك-سىنىپتى ليتۆا جۋر­ناليستەر وداعىنىڭ توراعاسى, كە­ڭەس­تىك ليتۆا راديوسى جانە تەلە­ۆي­زيا, ۇلتتىق شىعارماشىل جۋرنا­ليس­تەر قاۋىمداستىعىنىڭ توراعاسى داينيۋس رادزيايچۋس وتكىزدى. ايتا كەتەيىك, ليتۆاداعى اقپارات ەركىن­دىگى مەن باق دامۋى قارقىنى ەرەك­شە. باستى سەبەپ – وندا مەملەكەت­تىك بۇقارالىق اقپارات قۇرالدارى­نىڭ جوقتىعى. كەزدەسۋ بارىسىندا ليتۆاداعى اقپارات تاراتۋدىڭ جول­دا­رى, وعان كەدەرگى بولاتىن سەبەپ­تەر مەن الدىن الۋ شارالارى كەڭىنەن ءسوز بولدى. شەبەر-سىنىپقا قاتىسۋشىلار مەملەكەتتىك ورگاندار مەن باق-تىڭ ءوزارا ءىس-ارەكەت ەتۋ تەتىكتەرى تۋرالى تاجىريبە الماستى. ۇزاق ۋاقىت بويى ليتۆا ادىلەت مينيستر­لىگى قوعاممەن بايلانىس دەپارتا­مەنتى­نىڭ ديرەكتورى, سوت دەپار­تا­مەنتىنىڭ ءباسپاسوز حاتشىسى, ليتۆا ۇكىمەتى كەڭەسىنىڭ جانىنداعى قو­عام­مەن بايلانىس جونىندەگى كون­سۋل­تانتى بولىپ جۇمىس ىستەگەن داينيۋس رادزيايچۋس ءوزىنىڭ جۋرنا­ليستىك قىزمەتىندەگى تاجىريبەسى جايلى دا ايتىپ ءوتتى. باق وكىلدەرىنىڭ نازارىنا قا­زىرگى كەزەڭدەگى ساياسي كوممۋني­كا­تسيالار, اقپاراتتىق قاۋىپسىزدىك, جۋرناليستىك ەتيكا جانە باسقا دا تاقىرىپتارعا تالداۋ اقپاراتتارى ۇسىنىلدى. سونداي-اق, دەموكراتيا نەگىزدەرىنىڭ ءبىرى – ءسوز بوستان­دى­عىن جۇزەگە اسىرۋدا باق كاسىبي ءىسىن ارتتىرۋدىڭ تاجىريبەسىمەن قاتار, تەك جۋرناليستىك ەمەس, ادام­گەرشىلىك قاعيدالاردىڭ قاراپايىم ەتيكالارى دا قاراستىرىلدى. جۇلدىز ءبايدىلدا, ەۇۋ سۋدەنتى.