“نۇر وتان” حدپ ورتالىق اپپاراتىندا پارتيا توراعاسىنىڭ ءبىرىنشى ورىنباسارى نۇرلان نىعماتۋلين قىتاي كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى, قىتاي كوممۋنيستىك پارتياسى ورتالىق كوميتەتىنىڭ حاتشىسى ليۋ يۋنشان باستاعان قىتاي كوممۋنيستىك پارتياسى دەلەگاتسياسىمەن كەزدەستى.
كەزدەسۋ بارىسىندا تاراپتار “نۇر وتان” حالىقتىق-دەموكراتيالىق پارتياسى مەن قىتاي كوممۋنيستىك پارتياسى اراسىنداعى ىنتىماقتاستىق, پارتياارالىق بايلانىستى ودان ءارى دامىتۋ ءماسەلەلەرىن اڭگىمە وزەگىنە اينالدىردى. نۇرلان نىعماتۋلين ءوز سوزىندە قازاقستان پرەزيدەنتى, “نۇر وتان” حدپ توراعاسى نۇرسۇلتان نازارباەۆتىڭ پارتيا الدىنا قويعان نەگىزگى مىندەتتەرى مەن تاپسىرمالارى, ەلىمىزدىڭ الەۋمەتتىك-ەكونوميكالىق ومىرىندە پارتيانىڭ جۇرگىزىپ وتىرعان ساياساتى, پارتياارالىق بايلانىس پەن “نۇر وتاننىڭ” جاڭا باعدارلاماسى قابىلداناتىن الداعى ءXىىى سەزى توڭىرەگىندە جان-جاقتى اڭگىمەلەدى.
“قىتاي مەن قازاقستان اراسىنداعى قارىم-قاتىناس سونىڭ ىشىندە پارتياارالىق دەڭگەيدە دە وتە قارقىندى دامىپ كەلەدى. بۇل ەڭ الدىمەن ءبىزدىڭ كوشباسشىمىز, قازاقستان پرەزيدەنتى, “نۇر وتان” حدپ-نىڭ توراعاسى نۇرسۇلتان نازارباەۆ پەن قىتاي حالىق رەسپۋبليكاسىنىڭ توراعاسى, قىتاي كوممۋنيستىك پارتياسى ورتالىق كوميتەتىنىڭ باس حاتشىسى حۋ تسزينتاونىڭ دوستىق قارىم-قاتىناسىنىڭ ناتيجەسى دەۋگە بولادى. ال ەكى پارتيا اراسىنداعى ارىپتەستىك بايلانىس تۋرالى ايتار بولساق, ول, ارينە, 2009 جىلى قول قويىلعان ىنتىماقتاستىق تۋرالى مەموراندۋمعا سايكەس جۇيەلى تۇردە دامي بەرەدى”, – دەدى ن.نىعماتۋلين.
ال ليۋ يۋنشان ءوز كەزەگىندە ەكى ەل اراسىنداعى بايلانىستىڭ قارقىندى تۇردە دامىپ كەلە جاتقاندىعىن اتاپ ءوتتى. “قازاقستان دۇنيە ءجۇزىنىڭ بەدەلدى ۇيىمدارىمەن جوعارى دەڭگەيدە ارىپتەستىك قاتىناس ورناتىپ ۇلگەردى. سولاردىڭ ىشىندە شانحاي ىنتىماقتاستىق ۇيىمى اياسىندا كوتەرىلىپ جاتقان باتىل باستامالاردى ايرىقشا ايتۋعا بولادى”, – دەدى ليۋ يۋنشان.
كەزدەسۋ سوڭىندا تاراپتار ايماقتىق پارتيالىق قۇرىلىمدار اراسىنداعى بايلانىستى نىعايتۋعا, جاستاردىڭ رەسمي ساپارلارىن ۇيىمداستىرۋعا, پارتيالىق تالداۋ مەن زەرتتەۋ ۇيىمدارى اراسىندا تىكەلەي ارىپتەستىك ورناتۋعا, سونداي-اق, كاسىبي پارتيالىق كادرلاردى دايىنداۋدا تاجىريبە الماسۋعا مۇددەلى ەكەندىكتەرىن جەتكىزدى.
ءلايلا ەدىلقىزى.
كەزدەسۋ بارىسىندا تاراپتار “نۇر وتان” حالىقتىق-دەموكراتيالىق پارتياسى مەن قىتاي كوممۋنيستىك پارتياسى اراسىنداعى ىنتىماقتاستىق, پارتياارالىق بايلانىستى ودان ءارى دامىتۋ ءماسەلەلەرىن اڭگىمە وزەگىنە اينالدىردى. نۇرلان نىعماتۋلين ءوز سوزىندە قازاقستان پرەزيدەنتى, “نۇر وتان” حدپ توراعاسى نۇرسۇلتان نازارباەۆتىڭ پارتيا الدىنا قويعان نەگىزگى مىندەتتەرى مەن تاپسىرمالارى, ەلىمىزدىڭ الەۋمەتتىك-ەكونوميكالىق ومىرىندە پارتيانىڭ جۇرگىزىپ وتىرعان ساياساتى, پارتياارالىق بايلانىس پەن “نۇر وتاننىڭ” جاڭا باعدارلاماسى قابىلداناتىن الداعى ءXىىى سەزى توڭىرەگىندە جان-جاقتى اڭگىمەلەدى.
“قىتاي مەن قازاقستان اراسىنداعى قارىم-قاتىناس سونىڭ ىشىندە پارتياارالىق دەڭگەيدە دە وتە قارقىندى دامىپ كەلەدى. بۇل ەڭ الدىمەن ءبىزدىڭ كوشباسشىمىز, قازاقستان پرەزيدەنتى, “نۇر وتان” حدپ-نىڭ توراعاسى نۇرسۇلتان نازارباەۆ پەن قىتاي حالىق رەسپۋبليكاسىنىڭ توراعاسى, قىتاي كوممۋنيستىك پارتياسى ورتالىق كوميتەتىنىڭ باس حاتشىسى حۋ تسزينتاونىڭ دوستىق قارىم-قاتىناسىنىڭ ناتيجەسى دەۋگە بولادى. ال ەكى پارتيا اراسىنداعى ارىپتەستىك بايلانىس تۋرالى ايتار بولساق, ول, ارينە, 2009 جىلى قول قويىلعان ىنتىماقتاستىق تۋرالى مەموراندۋمعا سايكەس جۇيەلى تۇردە دامي بەرەدى”, – دەدى ن.نىعماتۋلين.
ال ليۋ يۋنشان ءوز كەزەگىندە ەكى ەل اراسىنداعى بايلانىستىڭ قارقىندى تۇردە دامىپ كەلە جاتقاندىعىن اتاپ ءوتتى. “قازاقستان دۇنيە ءجۇزىنىڭ بەدەلدى ۇيىمدارىمەن جوعارى دەڭگەيدە ارىپتەستىك قاتىناس ورناتىپ ۇلگەردى. سولاردىڭ ىشىندە شانحاي ىنتىماقتاستىق ۇيىمى اياسىندا كوتەرىلىپ جاتقان باتىل باستامالاردى ايرىقشا ايتۋعا بولادى”, – دەدى ليۋ يۋنشان.
كەزدەسۋ سوڭىندا تاراپتار ايماقتىق پارتيالىق قۇرىلىمدار اراسىنداعى بايلانىستى نىعايتۋعا, جاستاردىڭ رەسمي ساپارلارىن ۇيىمداستىرۋعا, پارتيالىق تالداۋ مەن زەرتتەۋ ۇيىمدارى اراسىندا تىكەلەي ارىپتەستىك ورناتۋعا, سونداي-اق, كاسىبي پارتيالىق كادرلاردى دايىنداۋدا تاجىريبە الماسۋعا مۇددەلى ەكەندىكتەرىن جەتكىزدى.
ءلايلا ەدىلقىزى.
