ساپا – باسەكەلەستىك كورسەتكىشى

كۇن وتكەن سايىن ادامدار ءومىر­­دىڭ جاڭا قاعيداسىنا جاڭا تا­لاپتارمەن بەيىمدەلىپ كەلەدى. كەز كەلگەن قوعامدا تاۋار ءوتىم­دىلىگىن ونىڭ سۇرانىسى مەن ۇسى­نىسى انىقتايتىنى بەلگىلى. ال سۇرانىس پەن ۇسىنىسقا دەگەن تۇ­تىنۋشىلار مەن وندىرۋشىلەردىڭ قىزىعۋشى­لىق­تارى تاۋاردىڭ ساپاسىنا كەلىپ تىرەلەدى. ءبىر جا­عى­نان ساپا كور­سەتكىشىنىڭ جاق­سا­رۋى تاۋار ءون­دىرۋشىلەردىڭ باسە­كە­گە دەگەن جاۋاپكەرشىلىكتەرىن جەتىلدىرەدى. وتاندىق ونىمدەرىمىزدىڭ باسە­كە­گە قابىلەتتىلىكتەرىن ساراپتاۋ ماق­ساتىندا “التىن ساپا” باي­قاۋى تۇراقتى  تۇردە ءوتىپ كەلە جات­قانى ءما­لىم. مىنەكي, سول سە­بەپتى دە ەلىمىز بويىنشا جەر-جەر­دە وڭىرلىك بايقاۋلار وتكىزىلۋدە. كەشە وسىن­داي بايقاۋلاردىڭ ءبىرى – استانا قالاسى اكىمدىگى مەن ونەركاسىپ باس­قارماسى ۇيىم­داستىرعان “اس­تا­نا­نىڭ ەڭ ۇزدىك تاۋارى-2010” ساپا سالاسىنداعى كورمە-كونكۋرسىنا ءبىز دە قاتى­سىپ, ەلوردالىق تاۋار ونىمدەرى ساپاسىنىڭ دەڭگەيىن وزىمىزشە باعالاپ قايتتىق. بايقاۋعا استانا قالاسى اۋما­­عىنداعى قىزمەت كورسەتۋ ءتۇر­لەرى مەن تاۋار ءوندىرۋ بوي­ىنشا قىز­مەت ەتەتىن قالاداعى جەكە كا­سىپ­كەلەر مەن كاسىپ­ورىن­دار قاتىس­تى. بايقاۋ بارىسىندا ساراپشى كوميسسيا “وندىرىستىك ماقساتتاعى ەڭ ۇزدىك تاۋارلار”, “حالىق تۇتى­ناتىن ۇزدىك تاۋار­لار” جانە “ۇزدىك ازىق-ت ۇلىك تاۋارلارى” نومينا­تسيا­لارى بوي­ىن­شا ۇزدىك كاسىپ­ورىنداردى انىقتايدى. ەلوردانىڭ وڭىرلىك كورمە-كونكۋرسىنا قالانىڭ 23 كاسىپ­ور­نى قاتىستى. 11 كاسىپورىن ءوندىرىس­تىك تاۋارلار ۇسىنسا, 8 مەكەمە حا­لىق تۇتىناتىن تاۋارلار, 4 مەكەمە ازىق-ت ۇلىك تاۋارلارىن ۇسىندى. “قازاقستاننىڭ ۇزدىك تاۋار­لارى” كورمە-كونكۋرسى كاسىپ­ورىن­دار مەن مەكەمەلەردى جانە جەكە كاسىپكەرلەردى ىنتالاندى­رۋ­عا, وتاندىق ونىمدەردىڭ ساپا­سىن ارت­تىرۋعا, قازاقستان رى­نو­گىن جوعارى ساپالى ءارى باسەكەگە قا­بىلەتتى ونىمدەرگە تولتىرۋدى, ماق­سات ەتەدى. سوندىقتان دا تاۋار­دىڭ ساپاسىنا ەرەكشە ءمان بەرۋدىڭ دە وزىندىك ءمانى بار. كورمە-كونكۋرسى بارىسىندا استانا قالاسى كاسىپكەرلىك جانە ونەركاسىپ باسقارماسى باستىعى­نىڭ مىندەتىن اتقارۋشى رىسكۇل قالدىباەۆا: “بارلىق وبلىس­تار­دا, قالالاردا ءوتىپ جاتقان وڭىرلىك باي­قاۋلارعا ءوز ونىمدەرىن ۇسىنا­تىن­داردىڭ سانى 25-تەن اسپايدى. سون­دىقتان استانا ءۇشىن 23 قاتى­سۋشى از ەمەس. ەلوردادا 70-كە تار­­تا ورتا جانە ءىرى ونەركاسىپ تاۋار­لارىن شىعارۋشىلار ءتىر­كەل­­گەن. ال شاعىن جانە ورتا كاسىپ يەلەرىنىڭ سانى شامامەن 77 مىڭعا جۋىق­تايدى. ونىڭ  60 پاي­ىزى قىزمەت كورسەتۋ جانە ساۋ­دا-ساتتىقپەن اينالىساتىن سۋبەكتىلەر” – دەپ بيىلعى باي­قاۋدىڭ ەرەكشەلىگىنە توقتالدى. وسى وڭىرلىك بايقاۋدان جەڭىپ شىق­قان جەڭىمپازدار رەسپۋب­لي­كالىق “التان ساپا” كورمە-كونكۋرسىنا قاتىسىپ, قازاقستان رەسپۋبليكاسى پرەزيدەنتىنىڭ “ساپا سالاسىنداعى جەتىستىگى ءۇشىن” سىيلىعى جولىندا باقتارىن سىنايتىن بولادى. اراي ۇيرەنىشبەكقىزى.