تۇرىكتەردىڭ 30-شى حالىقارالىق “نۇروردا” مەكتەبى وسكەمەندە اشىلدى

ءبىلىمى مەن عىلىمى دامىعان ەلدىڭ مارتەبەسى مەن ابىرويى اسقاقتاي بەرەتىنى بەلگىلى. بيىل ءور التايدىڭ ورىندە ءبىلىم وشاقتارى بىرىنەن كەيىن ءبىرى اشىلىپ جاتىر. شىرايلى شى­عىستا قازىرگى كۇنى 20 مەكتەپتىڭ قۇرى­لىسى قىزۋ ءجۇرىپ جاتىر, ونىڭ ونى كۇزگە دەيىن پايدالانۋعا بەرىلمەك. ءبىرىنشى قىركۇيەك – ءبىلىم كۇنى شىعىس قازاقستان وبلىسىنىڭ اكىمى بەردىبەك ساپارباەۆ “نۇر­وردا” حالىقارالىق مەكتەبىن سالتا­ناتتى جاعدايدا اشتى. بۇدان 19 جىل بۇرىن “KATEV” حالىقارالىق قوعامدىق قورى قا­زاق­ستاندا العاشقى ءبىلىم ورداسىن اش­قان بولاتىن. ەلىمىزدىڭ تاۋەلسىز­­دىگىن ءبىرىنشى بولىپ تانىعان تۇرىك قان­داستار وسىمەن 30-شى ءبىلىم ور­داسىن ىسكە قوسىپ وتىر. ونىڭ قۇرى­لىسىنا 694,5 ميلليون تەڭگە قار­جى سالدى. مۇندا وقۋشىلار ءتورت تىلدە ءبىلىم الادى, بارلىق جاعداي جاسا­لىن­عان. ءبىز مەكتەپ ديرەكتورى شا­بان جوش­كۇن مىر­زاعا العىس ايتا­مىز, شاكىرت­تەردىڭ تەرەڭ ءبىلىم الۋى­نا ساتتىلىك تىلەي­مىز, دەدى ءوڭىر باسشىسى. ءۇش قاباتتى مەكتەپ ءىشى ايناداي جارقىرايدى, كابينەتتەر مەن ءدارىس الاتىن ورىندار جيھازدارمەن جاب­دىق­تالعان. اتا-انالار وبلىس باس­شى­­سىمەن بىرگە مەكتەپتى ارالادى. سول كۇنى وبلىس اكىمى ب.ساپار­باەۆ قالاداعى №1 قازاق ورتا مەك­تەبى مەن شىعىس قازاقستان گۋما­نيتارلىق كوللەدجىنىڭ العاش­قى قوڭىراۋىنا قاتىستى, ۇستاز, شاكىرتتەرمەن اڭگىمەلەستى. وڭداسىن ەلۋباي.