كوشەلەر Oتانداستار, Cارىارقا, Aتاجۇرت دەپ اتالادى

وبلىس ورتالىعىنىڭ ىرگەسىندە ورنالاسقان بۇل اۋىلدى ورىسشا پاۆلودارسكوە, ال جەرگىلىكتى جۇرت قا­زاق­شا شاۋكەن دەپ اتاپ كەتكەن. قالا اۋماعىنا قارايتىن اۋىلدا نەگىزىنەن ءتۇرلى ۇلت وكىلدەرى باس قوسقان 6 مىڭداي حالىق تۇرادى. سوندىقتان دا بولار, موڭعوليا, رەسەي جاعىنان ەلگە قونىس اۋ­دارىپ كەلگەن بالا-شاعاسى كوپ ورالمان اعايىن­دارىمىز ولاردى وقىتىپ-جەتكىزۋ ءۇشىن ەكى قولعا ءبىر جۇ­مىستىڭ جىلدام تابىلا قوياتىنىنا وراي قالا اۋماعىنداعى اۋىلدارعا ورنىعۋدا. بۇل اۋىل­دا قازىر 130-داي ورالمان اعايىندار تۇرىپ جاتىر. كادىمگىدەي جەر الىپ, ءوز باسپانا­لارىن وزدەرى تۇرعىزىپ الدى. اينا­لا باۋ-باقشا, كوكونىس ەگىپ, مال باعۋ­عا قولايلى-اق جەر. ۇيلەرىن تۇر­عىزىپ, قورا-قوپسىلارىن جاي­لا­عانشا ءبىراز قيىندىقتار بولدى. ەلەكتر باعاندارىن ورناتقان­شا بىرنەشە جىل جارىقسىز, قۇبىر­لار تارتىلعان­شا اۋىز سۋسىز وتىرىپ قالدى. ەلدە بولسا ەرىنگە تيەدى دەپ, الدا­عى ومىرلەرىنە ۇمىتپەن قارادى. ءتىپتى, اۋىل­دىڭ ورىسشا اتىنا تىلدەرى كەلە قوي­ماعان سوڭ, ءالحان امانتاي, بولات زاۋىت سياقتى ورالماندار جاعدايىنا باس-كوز بولىپ جۇرگەن جىگىتتەر ارقىلى قالا اكىمدىگىنە وتىنىشتەرىن جا­زىپ, وزدەرى تۇراتىن كوشەلەرگە شاۋكەن, وتانداستار, سارى­ارقا, اتا­جۇرت دەگەن اتاۋلاردىڭ بەرىلۋىن سۇرادى. قالا اكىمدىگى ولاردىڭ ۇسىنىس­تارىن ماقۇلداپ, وڭ شەشىم دە شىعارىپ بەردى. ءسويتىپ, اۋىلعا وتكەن جىلى “جول كارتاسى” باعدارلاماسى كەلدى. اۋىل اكىمىنىڭ ورىنباسارى دايىر مۇس­تافين­نىڭ ايتۋىنشا, جوعارى­دا اي­تىل­عان اۋىلعا قاجەتتى الەۋ­مەتتىك جاع­دايلار وسى باعدارلا­ما­لار ارقى­لى جۇزەگە اسۋدا. بىل­تىر بولىنگەن 54 ميلليون تەڭگەگە بالا­باقشا كۇردەلى جوندەۋدەن ءوت­كىزىل­گەن. اۋىلىشىلىك جول­دارعا اسفالت توسەلىپتى. ال بيىل جاڭا اتاۋلار العان كوشەلەرگە ەلەكتر جەلىلەرى تارتىلىپ, جارىق بەرۋدى رەتتەيتىن ارنايى 14 ترانسفور­ماتور ور­نا­­تى­­لىپتى. “جول كارتاسى” باع­دارلاما­سى بويىن­شا شاۋكەندىكتەرگە بيىل تاعى دا 8 ميل­ليون تەڭگە قارا­جات ءبولىنىپتى. اۋىلدىڭ شەتىن­دەگى جاڭا ءۇي­لەرگە دە جارىق كەلەتىن بول­دى. ەندى بالا-شاعاسى مەكتەپكە, بالا­­باقشاعا باراتىن, وسى ۋاقىتقا دە­يىن سىعىرايعان شام­مەن كۇنىن كورىپ كەلگەن ورالمان وتباسىلارى ءۇشىن بۇل ۇلكەن قۋانىش بولارى انىق. بۇل كۇن­دەرى “ماناس” جشس اۋىل­دىڭ ءۇي­لەرىن سۋ قۇبىرلارى جەلىسىنە قوسىپ, تۇرعىنداردى اۋىز سۋمەن قام­تي­تىن قۇدىقتار مەن سۋ شىعا­تىن مۇنارا­لاردىڭ ۇزدىكسىز جۇمىس جاساۋىن قولعا الۋدا. اۆتوبۋس ايال­دا­مالارى دا ءجون­دەلىپ, كوشەلەر بويىندا گۇلزار­لار پايدا بولدى. بيىل اۋىل ىشىنە 240 ءتۇپ اعاش وتىر­عىزىلىپتى. بىل­تىر جاڭا مەكتەپ پايدا­لانۋعا بەرىلدى. ەلگە ورالعان اعايىن­دار ءۇشىن, ولاردىڭ بالا-شاعاسىنىڭ بو­لا­شاعى ءۇشىن, مىنە, وسىنداي جاق­سى ىستەر جا­سالۋدا. اعايىندار ءوز­دەرىنىڭ تىنىس-ءتىرشى­لىگىنىڭ جاق­سارۋى­­­نا نازار اۋدارعان قالا اكىمى باقىت­جان جولامانوۆقا, اۋىل اكىمى يرينا فوگەلگە العىستارىن ايتۋدا. اۋىل شەتىندە جۇرتىن يماندىلىققا شاقىرىپ, كوك كۇمبەزى جارقىراپ قاسىم قاجىنىڭ مەشىتى تۇر. فاريدا بىقاي, پاۆلودار.