بايقاۋ جەڭىمپازدارى ماراپاتتالدى

“نۇر وتان” حالىقتىق-دەمو­كرا­تيالىق پارتياسىنىڭ ورتالىق اپ­پا­راتىندا “ەلىم دەپ سوققان ءجۇ­رەگىم” اتتى جالپى رەسپۋبليكالىق شىعارماشىلىق بايقاۋىنىڭ جە­ڭىمپازدارىن سالتاناتتى تۇردە ما­راپاتتاۋ ءراسىمى ءوتتى.  وعان “نۇر وتان” حدپ ورتالىق اپپاراتىنىڭ مۇشەلەرى مەن بايقاۋ جەڭىمپازدارى قاتىسى. شارانىڭ نەگىزگى ماقساتى حالقىمىزدىڭ شىعارماشىلىق الەۋەتىن ءبىلدىرۋ ارقىلى ەل جەتىستىكتەرىن كورسەتۋ بولدى. شىعارماشىلىق شارانى ۇيىم­داستىرۋعا بىردەن-ءبىر سەبەپ ول كە­لە­سى جىلى بۇكىل رەسپۋبليكا بولىپ تويلاناتىن ەل تاۋەلسىزدىگىنىڭ 20 جىل­دىعىنىڭ يدەولوگيالىق ما­ڭىز­دىلىعى بولسا, سونىمەن قاتار, “نۇر وتان” حدپ قوعامدىق قا­بىل­داۋ بولمەسىنە كەلىپ تۇسكەن ءوتى­نىش­تەر, جوبالار, شىعارماشىلىق يدەيا­لار مەن شىعارمالار سەبەپشى بولىپ وتىر. ەستەرىڭىزگە سالا كەتەيىك, ەلىمىز­دىڭ بۇكىل ايماقتارىن قامتىعان اتالمىش شىعارماشىلىق بايقاۋ وسى جىلدىڭ مامىر ايىندا باس­تال­عان بولاتىن. وسى ۋاقىت ارالى­عىن­دا ايماقتىق بايقاۋ كوميسسيا­لارى­نا “ەڭ ۇزدىك ولەڭ”, “ەڭ ۇزدىك اڭگى­مە (ەسسە)”, “ەڭ ۇزدىك اۆتورلىق ءان” نوميناتسيالارىنا  حالىقتان 500-دەن اسا بايقاۋ ماتەريالدارى كەلىپ تۇسكەن. قوعام قايراتكەرلەرى, شى­عارماشىلىق ينتەلليگەنتسيانىڭ بەدەلدى مۇشەلەرى, بۇقارالىق اقپا­رات قۇرالدارى مەن ءىرى قاۋىمداس­تىق­تاردىڭ وكىلدەرى كىرگەن  رەسپۋب­ليكالىق بايقاۋ كوميسسياسىنىڭ قاراۋىنا ىرىكتەلگەن 121 بايقاۋ ماتەريالدارى بەرىلگەن بولاتىن. “نۇر وتان” حالىقتىق-دەموكرا­تيالىق پارتياسىنىڭ ورتالىق اپپا­راتى جەتەكشىسىنىڭ ورىنباسارى مۇحتار تىلدابەك ۇلى: “بۇل جوبا­نىڭ ءمان-ماعىناسى وتە جوعارى. بايقاۋ – ەلىمىزدىڭ تۇپكىر-تۇپكىرىن­دە تانىلماي جۇرگەن تالانت يەلەرى شابىتىنىڭ وركەندەۋىنە سەبەپشى بو­لىپ وتىر. جەڭىمپازداردى انىق­تاۋ كوميسسيا مۇشەلەرىنە وڭايعا سوققان جوق. دەسەك تە, بىزگە كەلىپ تۇسكەن بايقاۋ ماتەريالدارىن ءجىتى ساراپتان وتكىزىپ, مىناداي شەشىمگە كەلدىك”, – دەي كەلە, جەڭىمپازدار­دى ماراپاتتاۋ راسىمىنە كەزەك بەردى. بايقاۋ كوميسسياسى وتىرىسىنىڭ قورىتىندىسى بويىنشا  23 بايقاۋ ما­تەريالى ىرىكتەلىنىپتى. ناتيجە­سىن­دە “مەملەكەتتىك تىلدەگى ەڭ ۇزدىك اۆتورلىق ءان” نوميناتسياسى بوي­ىنشا سەرىك قاليەۆ, “مەملەكەتتىك تىلدەگى ەڭ ۇزدىك اڭگىمە (ەسسە)” نو­مي­ناتسياسىندا الاقان اقىن, “ورىس تىلىندەگى ەڭ ۇزدىك اڭگىمە (ەسسە)” نوميناتسياسىنا كۇلاش دار­باەۆا, “مەملەكەتتىك تىلدەگى ەڭ ۇزدىك ولەڭ” نوميناتسياسىندا ساۋلە دوسجانوۆا, “ورىس تىلىندەگى ەڭ ۇزدىك ولەڭ” نوميناتسياسىندا كونستانتين نەستەروۆ ماراپاتتال­دى. بايقاۋدىڭ بارلىق جەڭىمپاز­دا­رىنا ءار ءتۇرلى دەڭگەيدەگى ديپلوم­دار, سونداي-اق, اقشالاي سىيلىقتار بەرىلدى. جۇلدىز ءبايدىلدا ەۇۋ ستۋدەنتى.