ەلىمىزدىڭ ابىرويىن اسىرعان

ءبىرشاما جىلدان بەرى قازاق­ستاندىق استانا.kz كتك كومانداسى, قازىرگى تىلمەن ايتقاندا, برەندتىك دەڭگەيگە كوتەرىلدى. بۇگىنگى كۇنى ولاردىڭ اتى تەك قازاقستاندا ەمەس, شەتەلدەرگە دە كەڭىنەن تانىمال. اعىمداعى جىلدىڭ شىلدە ايىندا يۋرمالادا وتكەن “گولوسياششي كي­ۆين 2010” حالىقارلىق كتك مۋ­زىكالىق فەستيۆالىندە قازاقستان­نىڭ “استانا.kz” ۇلتتىق قۇراما كومانداسى “بولشوي كيۆين ۆ سۆەتلوم” جۇلدەسىنە يە بولدى. بۇل – تمد مەملەكەتتەرى اراسىنداعى كەز كەلگەن “كوڭىلدى تاپقىش” قول جەتكىزۋدى قالايتىن ەڭ باستى ءارى باعالى ورىنداردىڭ ءبىرى. 31 تامىزدا “نۇر وتان” حدپ ورتالىق اپپاراتىندا “استانا.kz” ۇلتتىق قۇراما كومانداسى مۇشەلە­رى­مەن كەزدەسۋ بارىسىندا “نۇر وتان” حدپ توراعاسىنىڭ ءبىرىنشى ور­ىنباسارى نۇرلان نىعماتۋلين: “بۇل تەك سىزدەردىڭ عانا ەمەس, بۇكىل قا­زاقستانىمىزدىڭ جەڭىسى دەپ ءبى­لە­مىز. سەبەبى, سىزدەر الەم الدىندا تا­عى ءبىر رەت مەملەكەتىمىزدىڭ ءمار­تە­بەسىن, ابىرويىن كوتەرىپ قايت­تىڭىزدار. سوندىقتان, ەلباسى­مىز, پارتيامىزدىڭ توراعاسى نۇرسۇلتان ءابىش ۇلى نازارباەۆ ايتقانداي, سىزدەر ەلىمىزدىڭ دۇنيە ءجۇزى الدىندا ءبىلىمدى, دارىندى جاستارىمەن دە ەرەكشە بولاتىنىن كورسەتتىڭىزدەر. بۇل پرەزيدەنتىمىزدىڭ ونەردى, سول سالادا جۇرگەن ازاماتتاردى ءار­قاشان قولداپ, قامقورلىق كورسە­تىپ, ۇلكەن سەنىم ارتىپ جۇرگەنىنىڭ ناتيجەسى دەپ بىلەمىز”, – دەدى. “استانا.kz” قۇراما كوماندا­سى­نىڭ جەتەكشىسى, پارلامەنت ءما­جى­لىسىنىڭ دەپۋتاتى باقىت سىزدىقوۆا اتالعان ونەر توبىنا دەگەن “نۇر وتان” پارتياسىنىڭ قامقورلىعىنا ريزاشىلىعىن بىلدىرە كەلىپ, ولار­دىڭ ءالى تالاي شىڭدى باعىن­دى­راتىنىنا سەنىم ءبىلدىردى. كوماندا كاپيتانى ماكسيم رازۋمكوۆتىڭ ايتۋىنشا, باعدارلامالارى وتە تى­عىز, سونىڭ ءبىرى قىركۇيەك ايىنىڭ 11-ءى كۇنى ۋكراينانىڭ كيەۆ قالا­سىن­دا ونەر كورسەتەدى. “ەگەمەن-اقپارات”.