جەڭىسىن ەلدىك مەرەكەگە ارنادى

جاسوسپىرىمدەر اراسىندا ءوت­كەن العاشقى وليمپيادانىڭ قا­زاق­ستاندىق تۇڭعىش چەمپيونى, گرەك-ريم كۇرەسىنىڭ جاس شەبەرى ءجا­نىبەك قاندىباەۆ ءوزىنىڭ جە­ڭى­سىن ەل كونستيتۋتسياسىنىڭ 15 جىل­دى­عىنا ارنايتىنىن مالىمدەدى. بۇعان وسى­ناۋ مەرەكە كۇنى وبلىس ورتالى­عىن­دا وتكەن سالتاناتتى جي­ىندا باس قوسقان جامبىل­دىق­تار كۋا بولدى. مەرەكە قۋانىشىن بولىسۋگە كەلگەن جۇرتشىلىقتى اتا زاڭ ايا­سىندا اتقارىلىپ جاتقان وڭىردەگى يگىلىكتى ىستەرىمەن, قول جەتكەن تا­بىس­تارىمەن قۇتتىقتاعان وبلىس اكى­مى ق.بوزىمباەۆ سينگاپۋر بە­ل­­دە­سۋىندە قارسىلاس شاق كەلتىرمەي, جەڭىسكە جەتكەن ساڭلاقتى ورتاعا شاقىرىپ, وعان ەكى بولمەلى پاتەر كىلتىن تابىس ەتتى. “سۇيەر ۇلىڭ بول­سا, سەن ءسۇي, سۇيىنەرگە جارار ول”. مۇنىڭ الدىنداعى كۇندەرى بالۋاندى ەل بولىپ قارسى الۋ, ونىڭ قۇرمەتىنە شاشۋ شاشىپ, ءان سالىپ, بي بيلەپ, داستارقان جايۋ شارالارى دا ۇيىمشىلدىقپەن وتكەن بولاتىن. جاس ورەن بەلدەسۋ ونەرىندەگى جان اياماس جاتتىعۋلارىن الداعى ۋاقىتتا دا ۇزبەي جالعاستىرا وتى­رىپ, 2012 جىلى بولاتىن لوندون وليمپياداسىندا دا جەڭىس تۇعى­رىنان كورىنۋگە ۋادە بەردى. كوسەمالى ساتتىباي ۇلى, جامبىل وبلىسى. سۋرەتتە: سينگاپۋر وليمپيادا­سىنىڭ چەمپيونى جانىبەك اكەسى جۇماسەيىت قاندىباەۆپەن بىرگە.